1 Timotewo 6:3 - Eriiraghano Eriihë

³ Mbaanyi‑ho abhaato bhano bhakweghi ameeghi gha bhuröngö. Mbakweghi ghano ghataaghwishererani na ameeghi gha bhuhëënë gha Mutëmi wiito Yesu Kirisito, wiiki ghataaghwishererani na ameeghi ghano ghakwërëkërëri abhaato korisëngëra Eryobha.

1 Timotewo 6:3 Referans Kwoze

1 Timotewo 1:3

Eriibhagha rino ꞉niitanwire ghuye mo‑mukööwa o Maketoniya, ꞉neeghusabhiri wiikare mo‑moghya o Ebheeso, obhashaangʼi abhaato bhano bhakweghi iyo, kubha bhatëëndërëra kweghi ameeghi gha bhuröngö.

1 Timotewo 1:10

na kwo bhataari na kwo bhasubhe bhano bhakomisi na abhasubhe abhaghëndi bhaabho, na kwo bhano bhakobhuumara abhaato na kobhaghööta na kobhaghori kubha abhasësë, na abharöngö, na kwo bhano bhakuraheri kwo bhuröngö. Emeghiro ngetooruru kwo mangʼana ghoose ghano ghataakoghwana na ameeghi gha bhuhëënë.

Tiito 1:9

Abhe araghööta bhoheene angʼana e bhuhëënë ighoro e Yesu Kirisito, kinya eghuru. Hayo niho aghotora ghuköngʼi abhaato mo‑meeghi gha bhuhëënë, na ghokinda bhano bhakwanga ameeghi ghayo.

2 Timotewo 4:3

ˆNeghakobhoorera hangʼu, gho kubha ndekuucha eriibhagha rino abhaato bhataakubha bharatëghëërëra ameeghi gha bhuhëënë. Mbakwënda ghutambana amiigha ghaabho abheene, na gho ghayo mbakwiyaahurera abheeghi bhaaru gho kubha mbasiighiri ghutëghëërëra amangʼana aghande ghande amahë.

Abharuumi 16:17

Ibheere, abhahiiri bhaane, ˆnekabhasasaama kubha, mubhe miisho na abhaato bhano bhakurëëta obhwahukani ghate yaanyu, abhaato bhayo mbakwënda ghusari obhokumi bhoonyu, na mbakwanga ameeghi ghano ꞉mweeghuru. Mwikare kurë nabho, gho kubha ameeghi ghaabho ghataaghuye haghirohamu na ghano ꞉mweeghuru!

Tiito 1:1

Anyaarubha ino neyandëkiri eni Bhawuro, omutamishi o Ryobha, no omotomu o Yesu Kirisito. Eni netomuru gho ghiri e kwërëkërëri abhaato bhano bhaahwiru ne Eryobha, kubha bhatore komokumi na kumënya obhuhëënë ighoro e Yesu Kirisito. Obhuhëënë bhuyo mbokobhakangata ghuköra ghano ghakwëndëru ambërë e Ryobha,

2 Timotewo 1:13

Ughöötë bhoheene ameeghi gha bhuhëënë ghano ꞉neekweghiri. Ogheeghi ghayo na usaaghe no obhokumi no obhosiighi bhuno bhokubhönëka gho komokumi Kirisito Yesu.

1 Timotewo 1:6

Amare abheeghi abhamu mbatighiri ghayo, mbigharwire, ˆbhaghikareerera ghosiikëra amangʼana ghano ghataanyi no obhwëra.

1 Abhatesaronike 4:8

Gho ghayo, omooto wowoose uno akwanga ameeghi ghano, taakomwanga omooto, amare nakoryanga Eryobha, rino rekobhaha inyu Akörö yaache Antööbhiyu.

Mataayo 28:20

Wiiki mobheeghi ghoghaghööta ghoose ghano nebherekeriiri inyu. Mööhi! Neekubha haghirohamu na niinyu eriibhagha ryose mbagha mo‑ntenero e se.”

Tiito 3:8

Angʼana iyo n‑e hëënë. Nekwënda iye oyihënërërë, kubha bhoose bhano bhakorekumi Eryobha, bhaghaghöötë na ghwiköngʼi ghuköra amachömu. Amangʼana ghayo m‑machömu, wiiki ngaanyi no obhwëra mo‑bhaato bhoose.

Mataayo 22:21

Ibho bhaghagharokeri bhakabhugha, “M‑bhe Kayisaari.” Yesu akabhabhoorera akabhugha, “Mbe, momuhë Kayisaari bhino bheenyi bhe Kayisaari, wiiki morihë Eryobha bhino bheenyi bhe Ryobha.”