1 Timotewo 5:5 - Eriiraghano Eriihë

⁵ Omukari omosino uno ataanyi no omooto o komusakeri, uyo nakoriitëngʼëra Eryobha, nakorisasaama na ghusabha obhotoorereri bhooche obhotiko no omwishe.

1 Timotewo 5:5 Referans Kwoze

1 Timotewo 5:3

Obhabhoorere abhakumi kubha, bhabhatoori abhasino bhano bhataanyi no obhotoorereri bhobhoose.

Ruuka 2:37

Akabha mosino akahikera eghita ke meeka miröngö enaane ne ene na takwiruru. Naare araghe Mwisëngërö, ghusëngëra Eryobha obhotiko no omwishe gho ghusabha na kwiyima ebhiinyakurë.

1 Bheetero 3:5

Hangʼu nibhu ꞉bhaare bhariichöcha hayo kare, abhakari bhano bhariitëngʼiire Eryobha, ino bharasooka abhasubhe bhaabho.

1 Timotewo 5:16

Aribha omukari omokumi anyi na abhasino mo‑bhahiiri bhaache, nakwëndëru abhatoori, kubha eriikanisa retakeyu. Niho, eriikanisa reekubha no omweya o ghotoori abhasino abhande bhano bhataanyi no obhotoorereri.

1 Abhakorinto 7:32

Nekwënda motabha na ahaho ighoro e mangʼana gha riimanya rino. Omooto uno akeere ghokwira, nahahöki emeremo ghe Mutëmi, nakwihëëbha kinya bhuno akomotegheri Omutëmi.

Ruuka 18:1

Yesu akabhabhoorera abhaanabheegha bhaache eghetuubhaani kino, köbhëërëki kubha mbakwëndëru korisabha Eryobha chaasiko choose na bhataku omukörö.

Abhaebheeso 6:18

Mbe, mubhe morasabha eriibhagha ryose kwo masabhi gha manga ghoose, kurëngʼaana na kinya Akörö Ahörëëru ekobhakangata. Mubhe miisho gho ghiri e ngʼana iyo, na mwiköngʼi kobhasabhera abhatööbhiyu bhoose.

Ruuka 18:7

Eryobha kana, retaakobhakörëra bhoheene abhaato bhaache bhano bhakorisasaama rebhatoori, obhotiko no omwishe? Hëënë ndeghukëëchëra kobhatoori?

1 Abhakorinto 7:34

amiihëëbhö ghaache ngaakubha chambaara ibhere. Nawe omukari uno atakwiruru, koru omuukë uno atamweche omosubhe nahahöki emeremo ghe Mutëmi kubha abhe omutööbhiyu mo‑mobhere na akörö. Amare omukari uno akwiruru, nahanyaakera amangʼana gha riimanya re mo‑se ino, ariituuri kinya bhuno akomotegheri omosubhe waache.

Abharuumi 1:12

Kino nekwënda n‑kubha, obhokumi bhoonyu bhunköngʼi eni, no obhokumi bhoone bhobhaköngʼi inyu.

Abharuumi 1:5

Gho kohetera ghokooche Eryobha ndeheere aghareeya e kubha omotomu o Mutëmi Yesu, kubha nebharaghaneri Angʼana Anchömu abhaato bhoose bha matöngö, bhabhönë komokumi na komosooka.

Amaköri gha Bhatomu 26:7

Eriiraghano riyo niryo amatöngö ghoose ikomi na abhere gha mo‑se yiito ghaghwitëngʼëra kubha, Eryobha ndekorehikeerani. Nighyo gheghughëri bhararisëngëra Eryobha obhotiko no omwishe. Oo omutëmi, neghusëmu na Abhayahuuti bhano reero, gho ghiri e miitëngʼërö ghayo!

Amaköri gha Bhatomu 6:1

Mo‑chaasiko chiyo ekirëngërë ke bhaghëndi bha Yesu ghëkëëngëra chwee. Ghate yaabho n‑Abhayahuuti bhano ꞉bhaare bharasiikëra eghighambo ghe Keyunaani na abhande bhano ꞉bhaasiikiire eghighambo ghe Kebhuraaniya. Ibheere bhano ꞉bhaare bharasiikëra Ekeyunaani bhaakabha bhariingʼunyerangʼunyera kubha, mo‑hööhi e bhiinyakurë bhe kira siko mbaare bharabheebhu abhasino bhaabho.

Amaköri gha Bhatomu 9:39

Mbe, Bheetero aghatanura haghirohamu nabho. Hano bhahikiri Yoobha, bhakamohira mo‑kenyumba kiyo. Hano bhahikiri‑mu, abhasino bhaaru bhakamwinaareri bhararera, bhakamwërëki chandachana, na amaghööti ghano Tabhiita are abhatumiire, eriibhagha are akeere anyi muhöru.

Amaköri gha Bhatomu 9:41

Bheetero akamughööta okubhökö akamusakeri kwimeerera. Akabhabherekera abhasino bhaare na abhatööbhiyu abhande, akamuhaana ghokoobho anyi muhöru.

Abhabhiribhi 4:6

Motighe kwinyaaki mo‑ngʼana yoyoose, amare mo‑mangʼana ghoose musabhe na ghusasaama, haghirohamu na ghwitabheri, amënda ghaanyu ghamënyu ne Eryobha.

1 Timotewo 2:1

Mbe, ghokera ghoose neghusabha mubhe morasabhera abhaato bhoose, kwo masabhi gha manga maaru. Wiiki, mubhe morariitabheri Eryobha gho ghiri e bhaato bhoose.

2 Timotewo 1:3

Nekoriitabheri Eryobha gho ghiri yaacho eriibhagha neghokohiita mo‑masabhi ghaane obhotiko no omwishe, na nekorihökëri kwo mënda meero, kinya bhasookoro bhaane ꞉bhaarihökiiri.