1 Timotewo 5:22 - Eriiraghano Eriihë

²² Otiishereri kwo bhwango komotoora omooto mo‑meremo ghe Mutëmi, gho kubha oramotoora omuköri o masari mo‑meremo ghiyo, iye woose nookubha wisangiri mo‑masari ghaache. Iye wichonge, kubha usaaghe mughöröröku.

1 Timotewo 5:22 Referans Kwoze

Abhaebheeso 5:11

Motabha moraghöötana na abhaato bhano bhaghuköra amangʼana amabhe gha mo‑kengʼuuri. Amare mubhe moraghatoora haheero.

1 Timotewo 3:10

Bhayo wiiki, nekwëndëru bhasakibhu singa. Bhararighibhu kubha bhataanyi ni isörö, niho bhakörë emeremo ghiyo.

1 Timotewo 3:6

Wiiki, atabha omooto uno atooriibhu ghano matiko, ataacha kwihacha. Kwihacha kuyo ngokomuköra ateneru ekiina kinya Erishambu ꞉reeteniiru ekiina.

1 Timotewo 4:14

Otatigha kuhökëri ekihaano kino Eryobha rekoheere, na amangʼana gha bharööti ngakuhëënëhi ghayo hano abhagharuka bha riikanisa bhaghotooriire amabhökö.

Amaköri gha Bhatomu 6:6

Bhakabharëëta abhaato bhayo mohungate ambërë e bhatomu, nabho bhakabhasabhera, na kobhatoorera amabhökö ighoro yaabho gho kobhiitabheri.

2 Yohana 1:11

Omooto uno akomukëëri, naanyi haghirohamu nawe mo‑masari ghano aghuköra.

2 Timotewo 1:6

Gho ghiri iyo, neghokohiiti kubha, wiköngʼi kuhökëri ekihaano kino Eryobha ꞉reekoheere hano neghotooriire amabhökö.

Abheebhuraaniya 6:2

Totabha toragharukera kwegha ameeghi gha bhubhatiiso, na gha kobhatoorera amabhökö abhaato, na gha koryoka kwo bhaku na gha ghoteneru ekiina ke miishe ghyose.

2 Timotewo 2:2

Nooghwire ameeghi ghano ꞉nyeeghiri ambërë e bhiibhateri bhaaru. Ibheere iye obhahë abhaato abhahëënë, bhano bhaghotora kweghi abhande.

1 Timotewo 4:12

Omooto wowoose ataghutaraaha gho kubha iye okeere omobhureni, amare wiköngʼi kubha ekyërëkërëri ghichömu mo‑bhakumi gho ghughamba koocho, na atëëmö yaacho, no obhosiighi bhoocho, no obhokumi bhoocho no obhughöröröku bhoocho.

Amaköri gha Bhatomu 13:3

Hano bhamariri korisabha Eryobha na kwiyima ebhiinyakurë, bhakabhatoorera amabhökö Bharinaabha na Sawuri bhakabhiitabheri, bhakabhiisherereri bhaghëndë.

Obhohunyurëru 18:4

Niho nekooghu eriiraka erende koru Mwishaaro, rerabhugha, “Moru ghokooche, inyu abhaato bhaane, kubha motaghöötana nawe ghuköra amasari ghaache, na motabhöna anchagho haghirohamu nawe.

Amaköri gha Bhatomu 20:26

Gho ghayo, ˆnekabhabhoorera haheero kubha, aribha naanyi‑ho umu ghate yaanyu uno akobhora, amasaahë ghaache ghataakubha ighoro yaane,

Amaköri gha Bhatomu 18:6

Abhayahuuti bhayo bhaghasëëma komwanga na komotoka. Eghaghëri aghakongʼoota amaghööti ghaache ambërë yaabho, arabhabhoorera, “Amasaahë ghaanyu ngaakubha ighoro yaanyu inyu bheene! Eni teenyi‑ho ngʼana ino nekobhooribhu ighoro yaanyu korwera ibheere, neekubha neraghe mo‑bhaato bha matöngö aghande.”

1 Timotewo 3:2

Mbe, asikoofu uyo, abhe omooto uno ataanyi ni isörö. Abhe no omukari umu hangʼu, na abhe ne ekirëngërë, wiiki abhe uno anyi na amangʼiini. Abhe omooto uno aghosooku, na abhe omooto uno asiighiri ghughënëhi abhaato, na uno eche kweghi abhaato angʼana e Ryobha.