1 Timotewo 5:21 - Eriiraghano Eriihë

²¹ ˆNeghakuraghereri ambërë e Ryobha, na ambërë e Kirisito Yesu na bhamarayika abhaahöru kubha, ughöötërërë ghayo. Otatena ekiina kwo bhwango hamu kuraarëra eribhaara rimu.

1 Timotewo 5:21 Referans Kwoze

2 Bheetero 2:4

Hano bhamarayika bhaköriri amasari, Eryobha retabharoochiire changori, amare ꞉ndeebharëkiire nyaari, hano bhabhöhuru ne eminyörörö. Iyo mo‑kengʼuuri ke nyaari mbaghughanya orosiko ruure ro ghoteneru ekiina.

2 Timotewo 4:1

ˆNeghakuraghereri ghano ambërë e Ryobha na ambërë e Kirisito Yesu, uno aghotenera ekiina abhaato abhahöru na bhano bhakuure. Kirisito Yesu niwe akuucha ghukangata ase ino anyi Omutëmi.

1 Timotewo 6:13

Neghaghokumereri ambërë e Ryobha rino reghotoora obhuhöru moose e bheghiro bhyose, na ambërë e Kirisito Yesu uno aruusiri obhwibhateri bho mahëënë ambërë e Bhontiyo Bhiraato, kubha,

Yuuta 1:6

Wiiki, mohiite bhamarayika bhano bhatiishereriini ne emyeya gheebho, bhaghatigha obhwikari bhoobho. Eryobha ndebhabhöhiri mo‑kengʼuuri ne eminyörörö emiishe ghyose. Iyo mbaghughanya ghoteneru ekiina mo‑rosiko ruure orokoro.

2 Timotewo 2:14

Obhahiiti abhakumi amangʼana ghayo, na kobhashaangʼi ambërë e Ryobha, bhatighe kuhakaana ighoro e mangʼana amasuuhusuuhu. Okuhakaana kuyo ghotaanyi no obhwëra, amare ngoghusari bhano bhakobhatëghëërëra.

2 Abhakorinto 5:16

Gho ghayo, korwera ibheere totaakurëngi omooto wowoose kinya bhuno abhaato bhano bhataakomokumi Kirisito bhahaarëngi. Koru Kirisito totaakomurëngi wiiki gho nchëra iyo, nangabha eriibhagha nyarebhe ꞉ntuuköriri hangʼu.

Mataayo 25:41

“Niho nekobhabhoorera bhaare bhaanyi okubhökö koone gho kumosi nebhughe, ‘Mondwere hano inyu bhano Eryobha riihiimiri! Moghi mo‑mororo o miishe ghyose uno Eryobha riisëëmiri gho ghiri e Rishambu na bhamarayika bhaache.

Obhohunyurëru 14:10

omooto uyo woose naakunyo adivaayi e bhororo bho Ryobha. Adivaayi iyo n‑indoro kinya amaro ghano ghatasangeriini na amanche. Eryobha eryene ndekomwitoorerera omooto uyo mo‑ghisënchö ke bhororo bhooche, anyo. Eryobha ryose ndekomunyaaki mo‑mororo muhaari chwee ambërë e bhamarayika abhatööbhiyu na ambërë e Moona o Ngʼöndu.

Yakobho 3:17

Amare, amangʼiini ghano ghaakoru kwo Waryobha, m‑machömu wiiki n‑gha murëmbë, no obhuhörëëru, igho ngaghutëghëërëra amangʼana gha abhaato. Igho ngiichwire changori na amaköri amachömu, na ghataanyi no obhwahukani koru obhobhiihi.

1 Abhatesaronike 5:27

ˆNekabhariishi ariingʼa kwo bhukangati bho Mutëmi Yesu kubha, anyaarubha ino mobhasömërë abhahiiri bhiito bhoose.

Ruuka 20:21

Ibheere, abhaseghaayi bhayo bhakamobhoori bhakabhugha, “Omweghi, ntweche kubha angʼana yoose ino oghosiikëra na kweghi n‑e hëënë. Wiiki nokweghi amangʼana gha Ryobha kwo bhuhëënë, abhaato bhamënyë kinya okwënda, wiiki tookomwikara a‑mughöngö omooto wowoose wuure.

Mataayo 28:20

Wiiki mobheeghi ghoghaghööta ghoose ghano nebherekeriiri inyu. Mööhi! Neekubha haghirohamu na niinyu eriibhagha ryose mbagha mo‑ntenero e se.”

Mataayo 16:27

Eni uno neenyi Omoona o Mooto nekuucha haghirohamu na bhamarayika bhaane mo‑bhokumi obhokoro bho Taata waane. Niho nekomoreha omooto wowoose kurëngʼaana ne emeremo gheeche.

Ruuka 9:26

“Wowoose uno akondigheri chaasoni eni na amangʼana ghaane, Omoona o Mooto woose nakomorigheri chaasoni omooto uyo, hano akuucha kuucha mo‑bhokumi bhooche obhokoro, na bhwi Ishe, na bho bhamarayika bhaache abhatööbhiyu.