1 Timotewo 5:13 - Eriiraghano Eriihë

¹³ Abhasino bhayo, mbanariri atëëmö e bhutöbhu, bhariinaaranaara mo‑chaaka che bhaato. Wiiki, m‑bhakobhooshani, mbaghwisöhi mo‑mangʼana gha bhaato abhande, na ghosiikëra ghano ghataakubha.

1 Timotewo 5:13 Referans Kwoze

Amaköri gha Bhatomu 20:30

Wiiki koru ghate yaanyu inyu bheene, mbakorwera‑mu abhaato bhano bhakobhugha amangʼana ghano ghataanyi gha bhuhëënë gho kobhangʼiina abhaanabheegha, kubha bhabhatambane ibho.

Tiito 1:11

gho kubha mbakorumeeri abhaato mo‑chanyumba chaaru. Mbakweghi amangʼana ghano ghatanchekiine, mbaghutabhara kwibhönëra chambiiri gho nchëra ambe.

Amaköri gha Bhatomu 20:20

Wiiki mweche kubha nteetighiri kobhabhoorera angʼana yoyoose ino engabhasakiiri inyu. Neere nerabheeghi ghayo haheero, koru na mo‑chanyumba cheenyu.

Ruuka 10:7

Motabha morasaamasaama mo‑chaaka chiyo mohikiire, amare, mwikare mo‑chaaka chiyo mohikiire, mubhe moraraaghëra ebhiinyakurë bhino bhabhaheere. Gho kubha omuköri o meremo nakurëngʼaanera kuhaabhu amareho ghaache.

3 Yohana 1:10

Gho ghayo, hano nekuucha iyo, nëghöghëërëkani ghoose ghano aghuköra, na kinya aghosiikëra obhughëëghë ighoro yiito kwo mangʼana amabhe. Taanyi ghayo agheene, amare nakwanga ghughënëhi abhahiiri bhiito bhano bhaanyi mo‑rughëndö. Wiiki nakurëki abhaato abhande bhano bhakwënda kobhaghënëhi, na kobhahëëbha bharu mo‑riikanisa.

1 Bheetero 4:15

Mbe, anyaako yaanyu etaacha korwera gho ghiri e bhwiti, no omwibhi, na ghuköra amabhe hamu ghwisöhi mo‑mangʼana gha bhande.

Yakobho 3:10

Mo‑monu uyo uyo nimu ghakorwera amangʼana gha rubhango na amiihiimo. Abhahiiri bhaane, ghayo ghataakwëndëru ghabhe hangʼu.

1 Timotewo 5:12

Gho ghayo, mbaakubha bhiirëëtiire ghoteneru ekiina, gho kubha mbaakubha bhatighiri eriiraghano reebho gho Kirisito re ghusaagha bhatakwiruru.