1 Timotewo 5:1 - Eriiraghano Eriihë

¹ Otareghesi abhagharuka, amare obharwache kinya okorwacha iso. Abhabhureni obharwache kinya bhaömöönyu,

1 Timotewo 5:1 Referans Kwoze

Tiito 2:2

Obhabhoorere abhagharuka bha ghesubhe, bhabhe ne ekirëngërë, na asooko, na amangʼiini, bhabhe abhahëënë mo‑bhokumi, na mo‑bhosiighi na mo‑bhoghumereri.

1 Bheetero 5:1

Ibheere neghosiikëra na niinyu abhagharuka bha riikanisa. Eni n‑omugharuka mughëndi waanyu neenyi, na nerooche kwo miisho ghaane bhuno Kirisito anyaakiru. Wiiki, eni neghusanga na niinyu mo‑bhokumi obhokoro bhuno ˆbhoghatingʼi korighibhu. Gho ghayo ˆnekabhasasaama inyu,

Abhagharatiya 6:1

Abhahiiri bhaane, aribha moramënya kubha mughëndi waanyu nataasiri, inyu bhano moghukangatu na Akörö Ahörëëru, momoshaangʼi na komuhööcha kwo bhuhörëëru. Amare mwikabhaahe, motaacha ghusakibhu kubha na atëëmö kinya e yaache.

Tiito 2:6

Koru abhabhureni, obhatöngërë bhabhe ne ekirëngërë.

Mataayo 23:8

“Amare inyu motabha moriishereri bharabhabherekera bharabhugha, ‘Oo omweghi’, gho kubha moonyi no Omweghi umu hangʼu, inyu n‑abhaghëndi bhaache moonyi.

1 Timotewo 5:17

Abhagharuka bhano bhakwimeererera eriikanisa bhoheene, bhasooku na korehu bhoheene, ahanene bhano bhakwiruusi kuraghani na kweghi abhaato.

Abharuumi 13:7

Gho ghayo, mubhe moraköra amangʼana ghano mokwëndëru kobhakörëra. Aribha onyi na asiire erighööti, mbe, orehe erighööti. Wiiki aribha mokwëndëru ghosooka omooto, mbe, momosooke.

Amaköri gha Bhatomu 15:4

Bhawuro na abhaghëndi bhaache hano bhahikiri Yerusareemu, bhaghaghënëhibhu bhoheene chwee na abhatomu bha Yesu, haghirohamu na abhagharuka bha riikanisa na abhaato abhande bha mo‑kanisa. Bhakabhabhoorera ghoose ghano Eryobha ꞉riiköriri gho kohetera ghokoobho.

Amaköri gha Bhatomu 14:23

Bhawuro na Bharinaabha bhakaahura abhagharuka bha mo‑makanisa ghoose. Bhakamara bhakabhatoora mo‑mabhökö gha Mutëmi uno ꞉bhaare bharamokumi gho kobhasabhera na kwiyima ebhiinyakurë.

Obhohunyurëru 4:4

Mbeere‑ho ebhetumbe ebhende bhe ghitëmi miröngö ebhere na bhine bhiinaariiri eghetumbe kiire ghe ghitëmi. Mo‑bhetumbe bhiyo, mbaare bhiikeere abhagharuka miröngö ebhere na bhane. Mbaare bhabheekiri changibho cheero na chahuuru che sahaabhu mo‑mitu gheebho.

3 Yohana 1:1

Eni omugharuka o riikanisa, neghokwandëkëra iye Ghaayo omosiighani waane, uno neghosiighiri kwo bhuhëënë.

2 Yohana 1:1

Eni omugharuka o riikanisa, neghokwandëkëra iye omosubhaati omwahöru, haghirohamu na abhaana bhaacho bhano nesiighiri kwo bhuhëënë. Taanyi eni mwene hangʼu nebhasiighiri, koru na abhande bhano bheeche obhuhëënë, ibho bhoose mbabhasiighiri kwo hëënë.

Yakobho 5:14

Moonyi no omubhabharu ghate yaanyu? Uyo nakwëndëru abhabherekere abhagharuka bha riikanisa, bhaache awaache komuhaka amaghuta na komusabhera kwo riina re Mutëmi Yesu.

Yakobho 3:17

Amare, amangʼiini ghano ghaakoru kwo Waryobha, m‑machömu wiiki n‑gha murëmbë, no obhuhörëëru, igho ngaghutëghëërëra amangʼana gha abhaato. Igho ngiichwire changori na amaköri amachömu, na ghataanyi no obhwahukani koru obhobhiihi.

Amaköri gha Bhatomu 20:17

Hano Bhawuro are hayo Mireeto, aghatomani amangʼana kwo abhagharuka bha riikanisa re Ebheeso kubha bhaache.

Amaköri gha Bhatomu 15:6

Mbe, abhatomu bhayo bha Yesu na abhagharuka bha mo‑kanisa bhaghaköra ekiina, gho ghiri bhayochoochani angʼana iyo.

1 Timotewo 5:2

abhakari abhakungu obharwache kinya bhaanyako, na abhaakë obharwache kinya abhasubhaati bhaacho. Ukörë hangʼu amare ukabhaahe otabhiighomba.