1 Timotewo 4:8 - Eriiraghano Eriihë

⁸ Nimënyuru kubha, “Kowuhöki omobhere ubhönë changuru nkoonyi no obhwëra bhosuuhu hangʼu. Amare, ghuköra ghano ghakwëndëru ambërë e Ryobha, nkoonyi no obhwëra mo‑ghoose, gho kubha ngoghotuha obhuhöru bho miishe ghyose bhuno Eryobha returaghiire, bhwi ibheere na bhuno bhokuucha.”

1 Timotewo 4:8 Referans Kwoze

Mataayo 6:33

Amare, inyu mutabhare singa obhutëmi bho Ryobha na ghuköra ghano rekwënda ambërë yaache, na aghande ghoose ghayo ndëköbhëëngërëërëri.

1 Timotewo 6:6

Mahëënë, korisëngëra Eryobha ngokomuköra omooto abhe omwame chwee, aribha arahaabha ne ebheghiro bhino anyi nabhyo.

1 Yohana 2:25

Rino aturaghiri Omoona o Ryobha niryo rino, kubha no obhuhöru bho miishe ghyose.

Maariko 10:30

Eryobha ndekomuha bhyaru chwee ghokera bhiyo. Mo‑se ino yi ibheere naghosongʼaana anyumba, bhaömööbhö bha ghesubhe, na bha ghikari, na nyina, na abhaana ne emeghondo. Haghirohamu na ghayo, mokunyaakibhu na abhaato. Mo‑se ino ekuucha, naghosongʼaana obhuhöru bho miishe ghyose.

Abheebhuraaniya 13:9

Motangʼiinu na ameeghi aghande amahë gha ghighëni, gho kubha changuru che metema gheenyu nchekoru mo‑ghareeya e Ryobha, taanyi mo‑meghiro ghe bhiinyakurë. Emeghiro ghiyo ghetaakobhatoori ghyokyose bhano bhaghoghitambana.

Obhohunyurëru 3:21

Omooto wowoose uno aghokinda amasaki, nekomwisherereri ghwikara na neeni mo‑ghetumbe keene ghe ghitëmi, kinya bhuure na neeni ꞉neekindiri, neghiikara na Taata mo‑ghetumbe keeche ghe ghitëmi.

Tiito 3:8

Angʼana iyo n‑e hëënë. Nekwënda iye oyihënërërë, kubha bhoose bhano bhakorekumi Eryobha, bhaghaghöötë na ghwiköngʼi ghuköra amachömu. Amangʼana ghayo m‑machömu, wiiki ngaanyi no obhwëra mo‑bhaato bhoose.

Obhohunyurëru 3:12

Omooto wowoose uno aghokinda amasaki, nekomuköra abhe ambiro Mwisëngërö re Ryobha reene, nawe taakoru‑mu naabha. Neramara nekomwandëka eriina re Ryobha reene ne eriina re moghya o Ryobha reene. Omoghya uyo n‑Yerusareemu ahë, uno oghwika koru Mwishaaro kwo Waryobha. Wiiki nekomwandëka eriina reene eriihë.

1 Abhakorinto 8:8

Ibheere, ekiinyakurë ghetaaghototoora kubha haghuhe ne Eryobha, gho kubha toratigha kurë, totaaghosuuheru ne egheghiro, wiiki ntongarë, totaakwëngëra egheghiro.

Abharuumi 8:28

Ntweche kubha, mo‑ghoose Eryobha ndehaabhakörëra amachömu abhaato bhoose bhano bharesiighiri, bhano rebhabherekiire kurëngʼaana na amënda ghaache.

1 Abhakorinto 3:22

ibhe neeni Bhawuro, abhe n‑Abhooro, hamu Keebha. Wiiki Eryobha ndebhaheere ebheghiro bhyose kobhatoori, bhibhe bhe hano mo‑se, hamu obhuhöru, hamu oroko, bhibhe bhino bheenyi‑ho ibheere, hamu bhino bheekubha‑ho, bhyose m‑bhebheenyu.

Mataayo 19:29

Mbe, omooto wowoose uno atighiri anyumba hamu bhaömööbhö hamu abhasubhaati hamu ishe hamu nyina hamu abhaana bhaache hamu emeghondo gho ghiri yaane, naghosongʼaana bhyose kwo bhwaru chwee. Wiiki nakubhöna obhuhöru bho miishe ghyose.

Mataayo 12:32

Wiiki Eryobha ndeghotora kobhaabhëra abhaato bhano bhakonyanga eni Omoona o Mooto, amare retaaghotora kobhaabhëra abhaato bhano bhakwanga Akörö Ahörëëru kwo riibhagha rino ri ibheere hamu rino rekuucha.

1 Timotewo 4:7

Amare waange kimu amaghano gha kare ghano ghataanyi no obhwëra, amare wiköngʼi ghuköra ghano ghakwëndëru ambërë e Ryobha.

1 Timotewo 6:3

Mbaanyi‑ho abhaato bhano bhakweghi ameeghi gha bhuröngö. Mbakweghi ghano ghataaghwishererani na ameeghi gha bhuhëënë gha Mutëmi wiito Yesu Kirisito, wiiki ghataaghwishererani na ameeghi ghano ghakwërëkërëri abhaato korisëngëra Eryobha.

1 Timotewo 6:5

wiiki ngaghusari obhoghwani chaasiko choose. Abhaato bhayo mbasarëkiri emitu, bhateeche obhuhëënë. Mbakwihëëbha kubha korisëngëra Eryobha niyo anchëra e kubhöna obhwame.

2 Timotewo 3:5

Abhaato bhayo, gho nche mbakorighibhu kinya abhaato bhano bhakorisëngëra Eryobha, amare mo‑metema gheebho mbakwanga changuru cheeche. Abhaato bha atëëmö iyo, wikabhaahe nabho.

Ruuka 5:38

Adivaayi ahë nekwëndëru ghotooru mo‑maghöchi amahë.