1 Timotewo 4:7 - Eriiraghano Eriihë

⁷ Amare waange kimu amaghano gha kare ghano ghataanyi no obhwëra, amare wiköngʼi ghuköra ghano ghakwëndëru ambërë e Ryobha.

1 Timotewo 4:7 Referans Kwoze

1 Timotewo 1:4

Obhashaangʼi bhatighe ghotereera amaghano gha kare ghano ghataanyi no obhwëra bhobhoose, na kwinyaaki gho kwarura amariina gha bhasookoro ghano ghataanyi ne ekirëngërë. Amangʼana ghayo ghoose ngaghughëri obhushangʼaani obhwene, ghataaghusakeri abhaato korekumi Eryobha. Na korekumi Eryobha niyo anchëra yaache e kobhatingori abhaato.

2 Timotewo 2:16

Otighe ghosiikëra amangʼana ghano ghataanyi no obhwëra, na ghano ghataakwëndëru ne Eryobha, gho kubha bhano bhakweghi ghayo, mbaghughëri abhaato bhabhe kurë chwee ne Eryobha.

Tiito 2:12

Aghareeya iyo, neghotweghi kwanga amabhe na amiigha gha mo‑se. Gho ghayo, eriibhagha tokeere mo‑se ino, tubhe ne ekirëngërë, na abhahëënë, na tubhe abhaato bhano bhamanyiri eriimanya rino Eryobha rekwënda.

Tiito 3:9

Amare, wisache ne erihakaana re ghighëëghë, na kwarura amariina na amangʼana gha bhasookoro, na koreghesa ne erihakaana ighoro e meghiro ghe Musa. Ghayo ghoose ghataanyi no obhwëra bhobhoose.

Abheebhuraaniya 5:14

Amare abhantomonkoro mbahaaraaghëra ebhiinyakurë ebhiköngʼu, ibho mbeeghiri na mbanariri kwahukani amachömu na amabhe.

2 Timotewo 2:23

Otighe erihakaana re ghighëëghë rino retaanyi no obhwëra, gho kubha weeche erihakaana, ndehaarëëta eriihë.

2 Timotewo 4:4

Mbaghotigha ghutëghëërëra obhuhëënë, na mbaghutambana amaghano gha kare ghano ghataanyi no obhwëra bhobhoose.

1 Timotewo 6:11

Amare iye, omooto o Ryobha, oghangʼösë amangʼana ghayo. Utambane ghano Eryobha rekwënda, no orisëngërë, ubhe no obhokumi, no obhosiighi, no obhoghumereri no obhuhörëëru.

Amaköri gha Bhatomu 24:16

Gho ghayo, neghwiköngʼi chwee kubha no omotema omuchömu, etabha‑ho ngʼana ino eghunkörëra chaasoni ambërë e Ryobha.

1 Timotewo 6:20

Timotewo, ughöötërërë bhoheene angʼana e bhuhëënë ino uhaabhuru. Otighe ghwitoora mo‑mangʼana amaghonchu, ghano ghataanyi no obhwëra bhobhoose. Wiiki otiisöhi mo‑mahakaano gha ghighëëghë, ghano bhakobhugha nigho amangʼiini.

Tiito 1:14

Bhatighe ghutëghëërëra amaghano gha Kiyahuuti ghano ghataanyi no obhwëra, na amëërëkërëri gha bhaato bhano bhatighiri obhuhëënë.

2 Timotewo 3:12

Mbe, bhoose bhano bhakomokumi Kirisito Yesu na mbakwënda kumanya eriimanya re korisëngëra Eryobha, mbaakubha bharanyaakibhu.

1 Timotewo 3:16

Amangʼana gha bhuhëënë ghano Eryobha rehunywire n‑gha koroghoori, nagho nigho ghano: Kirisito niyëërëkiini mo‑mobhere, na Akörö Ahörëëru ekamuhëënëhi kubha, mughöröröku, akarighibhu na bhamarayika, akaraghanibhu mo‑matöngö ghoose, aghakumibhu na abhaato bha mo‑se, aghaghëghu ghuye ighoro mo‑bhokumi bhooche obhokoro.

1 Timotewo 2:10

Amare ghwichöcha koobho, kubhe kwo maköri amachömu, kinya bhuno ekwëndëru mo‑bhakari bhano bhiisheriiri korisëngëra Eryobha.

1 Timotewo 1:9

Wiiki, ntokwëndëru kumënya kubha emeghiro ghetatooruru gho ghiri e bhaato abhahëënë, amare n‑kwo bhano bhaghusari emeghiro na kwo bhano bhataanyi na asooko, na kwo bhano bhataakorekumi Eryobha na abhaköri bha masari, na kwo bhano bhataanyi no omukörö mwero na kwo bhaghonchu, na kwo bhano bhaghwita bhiishe na bhaanyina na kwo bhiiti bha bhaato,

1 Timotewo 4:8

Nimënyuru kubha, “Kowuhöki omobhere ubhönë changuru nkoonyi no obhwëra bhosuuhu hangʼu. Amare, ghuköra ghano ghakwëndëru ambërë e Ryobha, nkoonyi no obhwëra mo‑ghoose, gho kubha ngoghotuha obhuhöru bho miishe ghyose bhuno Eryobha returaghiire, bhwi ibheere na bhuno bhokuucha.”

1 Timotewo 6:3

Mbaanyi‑ho abhaato bhano bhakweghi ameeghi gha bhuröngö. Mbakweghi ghano ghataaghwishererani na ameeghi gha bhuhëënë gha Mutëmi wiito Yesu Kirisito, wiiki ghataaghwishererani na ameeghi ghano ghakwërëkërëri abhaato korisëngëra Eryobha.

1 Timotewo 6:5

wiiki ngaghusari obhoghwani chaasiko choose. Abhaato bhayo mbasarëkiri emitu, bhateeche obhuhëënë. Mbakwihëëbha kubha korisëngëra Eryobha niyo anchëra e kubhöna obhwame.

2 Timotewo 3:5

Abhaato bhayo, gho nche mbakorighibhu kinya abhaato bhano bhakorisëngëra Eryobha, amare mo‑metema gheebho mbakwanga changuru cheeche. Abhaato bha atëëmö iyo, wikabhaahe nabho.