1 Timotewo 4:6 - Eriiraghano Eriihë

⁶ Orabheeghi abhahiiri bhiito bhoose amangʼana ghayo, niho okubha omutamishi omuhöriicho o Kirisito Yesu. Wiiki nookubha orarëru bhoheene mo‑bhuhëënë bho bhokumi bhwito na mo‑meeghi amachömu ghano iye oghutambana.

1 Timotewo 4:6 Referans Kwoze

Abhakorosaayi 3:16

Angʼana e Kirisito yiikare kwo bhwaru moose yaanyu. Mwegherani, na ghutöngërana mo‑mangʼiini ghoose. Moryembere Eryobha gho Sabhuri, na kwo myembo, na gho chatensi che mo‑metema. Hano mookubha moraryembera, mubhe morariitabheri mo‑metema gheenyu.

Tiito 2:1

Amare iye Tiito, ubhe oreeghi abhaato kurëngʼaana na ameeghi gha bhuhëënë.

Abhakorosaayi 4:7

Omohiiri wiito omosiighani Tikiko, nakobhaha amangʼana ghaane ghoose. Iwe n‑omutamishi omuhëënë uno tokuhöki haghirohamu nawe emeremo ghe Mutëmi Yesu.

Mataayo 13:52

Iwe akabhabhoorera akabhugha, “Omweghi wowooseo meghiro ghe Musa uno akubha omoonamwegha mo‑bhutëmi bho Mwishaaro, natuubhiine no omwene anyumba uno aharuusi mo‑bheghiro bheeche, ebheghiro ebhihë na bhe kare.”

Yuuta 1:5

Nangabha mweche bhoheene ghayo ghoose, nekwënda kobhahiiti kubha, Omutëmi Waryobha ꞉naabhatooriri Abhiisiraeri koru mo‑se e Miisiri hano ꞉bhaare bharanyaakibhu, amare akamara akabhasireekereri bhoose bhano ꞉bhaangiri komokumi.

2 Yohana 1:9

Wowoose uno ataakwëndërëra ghughööta ameeghi gha Kirisito, wiiki naghugharura ameeghi ghayo, uyo taanyi no obhumu ne Eryobha. Amare, uno akwëndërëra ghughööta ameeghi gha Kirisito, naanyi no obhumu na Taata Waryobha no Omoona waache.

1 Bheetero 2:2

Kinya bhuno ebhengʼwerere bhehiighomba amabhëërë gha bhaanyina, na niinyu bhuure bhuure mwighombe amabhëërë gha hëënë gha Körö e Ryobha, kubha muköngʼë na ghotooribhu.

2 Timotewo 4:3

ˆNeghakobhoorera hangʼu, gho kubha ndekuucha eriibhagha rino abhaato bhataakubha bharatëghëërëra ameeghi gha bhuhëënë. Mbakwënda ghutambana amiigha ghaabho abheene, na gho ghayo mbakwiyaahurera abheeghi bhaaru gho kubha mbasiighiri ghutëghëërëra amangʼana aghande ghande amahë.

2 Timotewo 3:10

Amare iye, nutambiine ameeghi ghaane, na atëëmö yaane, ne ekebhune keene, no obhokumi bhoone, no obhoghumereri bhoone,

2 Timotewo 1:6

Gho ghiri iyo, neghokohiiti kubha, wiköngʼi kuhökëri ekihaano kino Eryobha ꞉reekoheere hano neghotooriire amabhökö.

1 Timotewo 6:3

Mbaanyi‑ho abhaato bhano bhakweghi ameeghi gha bhuröngö. Mbakweghi ghano ghataaghwishererani na ameeghi gha bhuhëënë gha Mutëmi wiito Yesu Kirisito, wiiki ghataaghwishererani na ameeghi ghano ghakwërëkërëri abhaato korisëngëra Eryobha.

1 Timotewo 4:16

Wëndërërë ghochonga atëëmö yaacho na ameeghi ghaacho. Örëëndërëra ghuköra hangʼu, noghwitoori iye omwene na bhano bhaghoghutëghëërëra.

1 Timotewo 1:10

na kwo bhataari na kwo bhasubhe bhano bhakomisi na abhasubhe abhaghëndi bhaabho, na kwo bhano bhakobhuumara abhaato na kobhaghööta na kobhaghori kubha abhasësë, na abharöngö, na kwo bhano bhakuraheri kwo bhuröngö. Emeghiro ngetooruru kwo mangʼana ghoose ghano ghataakoghwana na ameeghi gha bhuhëënë.

1 Abhatesaronike 3:2

tomotome Timotewo mohiiri wiito, kubha ache abhaköngʼi na kobhatoora omukörö mo‑bhokumi bhoonyu. Iwe n‑omutamishi mughëndi wiito o Ryobha gho kuraghani Angʼana Anchömu ighoro e Kirisito.

Abhakorosaayi 2:19

Uyo niyahwire na Kirisito uno aghukangata eriikanisa, niryo omobhere waache. Koru ghokooche omobhere woose noghuchaama na ghughöötanibhu haghirohamu kwo ebhyemo ne emeghiha. Omobhere woose noghokora bhoheene kinya Eryobha rekwënda.

Abhabhiribhi 3:16

Ibheere egheghiro eghekoro n‑kubha, ntokwëndëru ghoghatambana ghaare Eryobha rimariri ghotwërëki.

Abhaebheeso 6:21

Tikiko, omohiiri wiito omosiighani no omutamishi omuhëënë o Mutëmi Yesu, nakobhabhoorera amangʼana ghoose, kubha mumënyë kinya nekwëndërëra na kino neghuköra.

2 Abhakorinto 6:4

Amare mo‑ghoose, ntokwërëki kubha itu n‑abhatamishi bha Ryobha toonyi. Ntokwërëki riyo gho nchëra e ghoghumereri chwee mo‑nyaako, na mo‑nyööri na mo‑mangʼana amaköngʼu.

2 Abhakorinto 3:6

Iryo niryo ꞉reetoheere obhotoro bho kubha abhatamishi bha Riiraghano Eriihë rino reekoru mo‑Körö Ahörëëru. Eriiraghano riyo taanyi emeghiro ghino ghyandëkuru, gho kubha emeghiro ghino ghyandëkuru ngeghuköra abhaköri bha masari bhateneru ekiina ghe ghwitu, amare Akörö Ahörëëru nekurëëta obhuhöru.

1 Abhakorinto 4:17

Gho ghayo nemotomiri Timotewo, omoona waane omosiighani mo‑bhokumi, uno anyi omuhëënë mo‑meremo ghe Mutëmi. Iwe nakobhahiiti ghano eni neghutambana mo‑bhughöötani bhoone na Kirisito, ghano nekweghi abhaato ahaghiro hoose mo‑makanisa ghoose.

Abharuumi 15:15

Koru hangʼu, nabhaandëkiire amangʼana aghande mo‑nyaarubha ino kwo bhosubhesubhe, kubha nebhahiiti amangʼana ghayo. Niköriri hangʼu, kurëngʼaana na aghareeya ino Eryobha reheere,

Amaköri gha Bhatomu 20:35

Gho ghayo, neere nerabhëërëki kubha ntokwëndëru tubhe torahöki kwo bhigheri, kubha tubhönë ebheghiro bhe kobhatoori abhaato bhano bhataaghotora. Eriibhagha ryose mohiite amangʼana ghano Omutëmi Yesu omwene abhughiri, ‘Ngʼoni abhaato bhano bhakoruusi, ghokera bhano bhakuhaabhu.’”

Amaköri gha Bhatomu 20:31

Gho ghayo, mubhe amiisho! Mubhe morahiita kubha, ꞉niimariri emeeka etato, obhotiko no omwishe nerabhashaangʼi omooto woose, gho changishori.

Ruuka 1:3

Hano nimariri ghoghabhoori bhoheene amangʼana gha Yesu kinya ꞉ghaakörëkiine korwera simoka, nekarighi kubha m‑bhoheene nekwandëkërë ghayo kwo bhuchömu,

Amaköri gha Bhatomu 1:15

Eriibhagha riyo, abhaghëndi bha Yesu bhano ꞉bhaare bhiikomiine muyo mbaare, eriighana rimu na miröngö ebhere. Niho Bheetero akiimeerera ghateghate yaabho,

2 Abhakorinto 11:23

Ibheere nesiikërë kinya nechuuriri kubha, aribha ibho n‑abhatamishi bha Kirisito, eni n‑omutamishi o Kirisito ghokera ibho. Eni ꞉niiköngʼiri ghuköra emeremo miköngʼu chwee, mara kaaru nibhöhuru mwighërëcha, mara kaaru niröönuru chwee, wiiki neere mo‑bhobhe bho ghoku.

Abhabhiribhi 2:20

Nteenyi no omooto wonde uno akobhatereera inyu kwo bhuhëënë kinya Timotewo.

Abhabhiribhi 2:22

Amare mweche kinya Timotewo ꞉iyëërëkiini kubha m‑mooto muchömu. Nahökiri na neeni mo‑meremo ghe kuraghani Angʼana Anchömu, kinya omoona ni ishe.