1 Timotewo 4:4 - Eriiraghano Eriihë

⁴ Ebhetyenyi bhyose bhino bhitëëmuru ne Eryobha m‑bhimangi, koru ghetaanyi‑ho ghe kwangu. Amare bhyose bhesongʼaanibhu gho ghwitabheri,

1 Timotewo 4:4 Referans Kwoze

Abharuumi 14:20

Otasari emeremo ghe Ryobha gho kurë ekiinyakurë ghyokyose kino okwënda. Mahëënë, ebhiinyakurë bhyose mbeghwisherereru koreebhu, amare n‑kobhe kurë egheghiro ghyokyose kino gheghotora komuköra omooto akörë amasari.

1 Abhakorinto 10:25

Mori kira egheghiro kino gheghoghoru mo‑mitëëra motiikara kobhooribhoori, kubha motanyaaka mo‑metema gheenyu,

Abharuumi 14:14

Kurëngʼaana na ameeghi gha Mutëmi Yesu, nyeeche kwo bhuhëënë kubha, ghetaanyi‑ho ekiinyakurë ghyokyose egheghonchu. Amare aribha omooto akorighi ekiinyakurë nyarebhe n‑gheghonchu, hayo niho ekiinyakurë kiyo gheekubha gheghonchu ghokooche.

1 Abhakorinto 10:23

Abhaato abhande ghate yaanyu mbakobhugha kubha, “Ntwishereriiru ghuköra ebheghiro bhyose bhino tookwënda.” Amare eni nebhugha kubha, taanyi bhyose bhino bheenyi no obhwëra ghokwito. Nangabha mokobhugha kubha, “Ntwishereriiru ghuköra ebheghiro bhyose bhino tookwënda.” Amare eni nekobhugha kubha, taanyi ebheghiro bhyose bhino bheghusakeri obhokumi bhwito bhuköngʼëri.

Amaköri gha Bhatomu 21:25

Kwo ribhaara re bhaato bha matöngö bhano bhamokumiri Yesu, ntobhaandëkiire kinya bhuure tooteniri ekiina kubha, bhatarë ebhiinyakurë bhino bhiköruru kubha bheghonchu gho kuhëërana chasanaamu, na bhatarë amasaahë, koru chaanyama che chatyenyi chino chinyëëturu, na bhataköra obhutaari.”

1 Timotewo 4:3

Bhayo mbaheeghi abhaato kubha bhatighe ghokwira, na kobhahatëka bhatarë ebhiinyakurë nyarebhe. Amare Eryobha ꞉ndiitëëmiri ebhiinyakurë, kubha bhesongʼaanibhu gho ghwitabheri na bhano bhaghokumi na kumënya obhuhëënë.

Amaköri gha Bhatomu 15:29

Motarë ebhiinyakurë bhino bhiköruru kubha bheghonchu gho kuhëërana chasanaamu, na motarë amasaahë koru chaanyama che chatyenyi chino chinyëëturu, na motabha moraköra ubhutaari. Aribha mookubha moriisacha ghayo, niho mookubha muköriri bhoheene ambërë e Ryobha. Masaraamu.”

Amaköri gha Bhatomu 10:15

Eriiraka riyo reramobhoorera wiiki, “Otabhebherekera ebheghiro bhino Eryobha remusiri, kubha m‑bheghonchu.”

Abharuumi 14:6

Omooto uno akorighi kubha orosiko nyarebhe ndoonyi no obhwëra ghokera chaasiko echende, naghuköra hangʼu kubha amuchömëri Omutëmi Yesu. Omooto uno akurë ghyokyose kiire, naghuköra hangʼu kubha amuchömëri Omutëmi Yesu, gho kubha naakurë gho koriitabheri Eryobha. Owonde uno akurë chaanyi echeene, naghuköra hangʼu gho kubha nakwënda ghuchömëri Omutëmi Yesu. Uyo woose nakoriitabheri Eryobha.

1 Abhakorinto 10:26

gho kubha Amandëkö Amatööbhiyu ngakobhugha kubha, “Ase haghirohamu ne ebheghiro bhyose bhino bheenyi‑mu m‑bhe Omutëmi.”

1 Abhakorinto 10:30

Aribha eni neekurë ekiinyakurë kiyo gho koriitabheri Eryobha, ngwake neteneru ekiina gho ghiri e kiinyakurë kino neritabhiiri Eryobha?