1 Timotewo 4:10 - Eriiraghano Eriihë

¹⁰ Riyo niryo reghughëri toriiköngʼi ghuköra emeremo gho ghwiköngʼi, gho kubha ntokoriitëngʼëra Eryobha rino reenyi ihöru. Iryo niryo Omotoori o bhaato bhoose, ahanene kwo bhano bhaghokumi.

1 Timotewo 4:10 Referans Kwoze

1 Timotewo 2:4

Eryobha ndëhëënda abhaato bhoose bhatooribhu na kumënya obhuhëënë.

1 Yohana 2:2

Iwe niwe amaruusi gha ghosinchu na gho nchëra iyo, naruusiri amasari ghiito na ghotutëmëërani ne Eryobha. Wiiki ghataanyi amasari ghiito agheene, amare na amasari gha bhaato bhoose bha mo‑se ino.

1 Timotewo 2:6

Iwe ꞉naaruusiri eriimanya reeche omwene, kubha abhatingori abhaato bhoose. Bhuno nibho obhwibhateri bhuno Kirisito atoheere kwo riibhagha rino Eryobha retooriri.

Yohana 1:29

Atabhoori yaache, Yohana akamorighi Yesu araacha ghokooche. Akabhabhoorera abhaato bhano ꞉bhaare hayo akabhugha, “Mööhi, uyo n‑Omoona o Ngʼöndu o Ryobha, uno akoruusi amasari gha bhaato bhoose!

1 Yohana 4:14

Itu ntorooche na ntokobhabhoorera obhuhëënë kubha, Taata Waryobha ꞉naamotomiri Omoona waache mo‑se ino, kubha abhe Omotoori o bhaato bhoose.

Yohana 4:42

Bhakamobhoorera omukari uyo bhakabhugha, “Mbagha ibheere ntomokumiri omooto uno taanyi gho ghiri e ghano ꞉otobhooriire agheene. Amare ibheere ntokomokumi gho kubha ntooghwire itu bheene ghano abhughiri. Wiiki ntumënyiri kubha, mahëënë niwe Omotoori o se.”

Yohana 5:24

“Mahëënë ˆnekabhabhoorera, abhaato bhoose bhano bhaghoghooghu amangʼana ghaane na korekumi Eryobha rino rentomiri mbaanyi no obhuhöru bho miishe ghyose. Bhataaghoteneru ekiina kwo masari ghaabho, amare mbatëënyiri koru mo‑roko na ghusöha mo‑bhuhöru bho miishe ghyose.

Abheebhuraaniya 13:13

Mbe, na niitu ntomutambane anche e kehita kiyo na ghoghumereri chaasoni kinya bhuno iwe aghumeriiri.

1 Bheetero 1:21

Kohetera gho Kirisito, mokorekumi Eryobha, rino remoryokiri koru mo‑bhaku na komuha obhokumi obhokoro. Gho ghayo, mokomokumi na koriitëngʼëra Eryobha.

Abheebhuraaniya 11:26

Musa ꞉naarooche ghotoku gho ghiri e Kirisito nkoonyi no obhwame ghokera kubhöna agharinga yoose e mo‑se e Miisiri. ꞉Naaköriri hangʼu gho kubha naare ariitëngʼëra atuho ino Eryobha rekomuha chaasiko chino chekuucha.

1 Timotewo 6:17

Obhabhoorere abhaame bha mo‑se ino bhatighe kwihacha na ghwitëngʼëra obhwame bhoobho. Obhwame bhuyo m‑bho riibhagha ighuhe hangʼu. Amare, bhariitëngʼërë Eryobha rino reghotuha ebheghiro bhyose gho ghusambaaruka kooche, kubha tobhihökëri gho ghuchömëru.

1 Timotewo 3:15

Amare ndakëëchëra, ubhönë kumënya kino ghekwëndëru ghuköru mo‑riikanisa re Ryobha, naryo niryo erikinda re bhakumi bha Ryobha rino reenyi ihöru, ne eriikanisa niryo ambiro no obhoroso bho bhuhëënë.

Mataayo 27:43

Iwe naghwitëngʼëra Eryobha, wiiki naare arasiikëra arabhugha, ‘Eni n‑Omoona o Ryobha.’ Mbe, Eryobha ndemotoori ibheere aribha remosiighiri hëënë.”

Mataayo 16:16

Simiyooni Bheetero akamugharokeri akabhugha, “Iye niiye Kirisito, Omoona o Ryobha rino reenyi ihöru.”

1 Abhakorinto 15:10

Amare aghareeya e Ryobha niyo inköriri eni kubha omotomu. Na aghareeya yaache ghokoone teere bhoowa, gho kubha kohetera aghareeya iyo niköriri emeremo ghokera abhatomu bhoose. Ntiköriri ghayo gho changuru cheene omwene, amare na aghareeya e Ryobha niyo iköriri emeremo haghirohamu na neeni.

2 Abhakorinto 1:10

Eryobha niryo ꞉reetotooriri eriibhagha toore mo‑tabhaaribhaari e roko, wiiki ndekwëndërëra ghototoori. Itu ntokoriitëngʼëra iryo kubha ndeekubha reraköra hangʼu eriibhagha ryose,

1 Timotewo 2:3

Angʼana ino n‑inchömu, wiiki neghotegheri Waryobha Omotoori wiito.