1 Timotewo 3:8 - Eriiraghano Eriihë

⁸ Amashemaasi hangʼu hangʼu, bhabhe abhaato bhano bhaanyi na atëëmö inchömu, bhatabha chaghughuuti, bhatabha abharëëbhi, bhatiighomba kwibhönëra chambiiri gho nchëra ambe.

1 Timotewo 3:8 Referans Kwoze

Abhabhiribhi 1:1

Anyaarubha ino neyandëkiri eni Bhawuro haghirohamu na Timotewo omutamishi mughëndi waane o Kirisito Yesu. Ntokobhaandëkëra inyu amasikoofu na amashemaasi, haghirohamu na abhatööbhiyu bha iyo Bhiribhi bhano mughöötaniibhu na Kirisito Yesu.

Tiito 2:3

Bhuure bhuure abhaghiikoro abhakungu, obhabhoorere kubha bhabhe no orughëndö runo rokoreghongi Eryobha. Bhatabha abhitaamereri bha bhaato, na bhanyo bha maro, amare mbakwëndëru kweghi amangʼana amachömu.

1 Timotewo 5:23

Korwera ibheere, iye otanyo amanche agheene, amare ubhe oranyo na amaro masuuhu gho ghiri e obhubhabharu bho nda yaacho na amabhabharu aghande ghano ghaghokunyaaki.

1 Timotewo 3:3

Atabha omurëëbhi, atabha omurööni, abhe muhörëëru uno asiighiri omurëmbë. Wiiki atabha omosiighi o chambiiri.

Yakobho 3:10

Mo‑monu uyo uyo nimu ghakorwera amangʼana gha rubhango na amiihiimo. Abhahiiri bhaane, ghayo ghataakwëndëru ghabhe hangʼu.

Tiito 1:7

Ibheere asikoofu, nakwëndëru abhe omooto uno ataanyi ni isörö, gho kubha nahaabhuru emeremo ghe Ryobha. Atabha omooto uno anyi no omutu muköngʼu, na atabha mwango o ghukarara, na atabha omurëëbhi, na atabha omurööni, wiiki atiighomba kwibhönëra chambiiri gho nchëra ambe.

1 Timotewo 3:12

Amashemaasi mbakwëndëru omooto woose abhe no omukari umu hangʼu, na bhabhe bhariimeererera bhoheene abhaana bhaabho na abhande bhano bhaanyi mo‑chaaka cheebho.

1 Bheetero 5:2

morechonge erikinda re Ryobha rino muhaabhuru. Wiiki morechonge kinya bhuno Eryobha rekwënda, taanyi gho kuhaamereru, amare gho kwënda koonyu inyu bheene. Motaköra emeremo gheenyu gho ghwighomba chambiiri, amare mubhe no omukörö o ghwiköngʼi.

Abharuumi 3:13

Ebhemero bheebho n‑kinya chambeehera chino chetakundekiiru, chandeme cheebho ncheghosiikëra obhuröngö. Koru mo‑menu gheebho, ngakorwera‑mu amangʼana gha bhosongo kinya bho chanchöka.

1 Timotewo 3:2

Mbe, asikoofu uyo, abhe omooto uno ataanyi ni isörö. Abhe no omukari umu hangʼu, na abhe ne ekirëngërë, wiiki abhe uno anyi na amangʼiini. Abhe omooto uno aghosooku, na abhe omooto uno asiighiri ghughënëhi abhaato, na uno eche kweghi abhaato angʼana e Ryobha.