1 Timotewo 3:6 - Eriiraghano Eriihë

⁶ Wiiki, atabha omooto uno atooriibhu ghano matiko, ataacha kwihacha. Kwihacha kuyo ngokomuköra ateneru ekiina kinya Erishambu ꞉reeteniiru ekiina.

1 Timotewo 3:6 Referans Kwoze

1 Timotewo 6:4

Bhayo mbiichwire obhwihachi, wiiki bhateeche ghyokyose. Abhaato bhayo mbahoomera erihakaana rino retaanyi no obhwëra ighoro e mangʼana amasuuhusuuhu. Amangʼana ghayo nigho ghakurëëta eriihari, no obhurööni, na amatoki, na amiihëëbhö amabhe,

1 Bheetero 5:5

Bhuure bhuure na niinyu abhabhureni, mokwëndëru mobhasooke abhagharuka bha riikanisa. Na niinyu bhoose mubhe abhaato abhanyööhu na mubhe moratoorani. Mukörë hangʼu, gho kubha Amandëkö Amatööbhiyu ngakobhugha, “Bhano bhakwihacha, Eryobha ndehaabhaanga, amare abhanyööhu, ndehaabhaha aghareeya.”

1 Bheetero 2:2

Kinya bhuno ebhengʼwerere bhehiighomba amabhëërë gha bhaanyina, na niinyu bhuure bhuure mwighombe amabhëërë gha hëënë gha Körö e Ryobha, kubha muköngʼë na ghotooribhu.

2 Abhakorinto 12:7

꞉Niihaabhuru anyaako mo‑mobhere waane ino enyi kinya eriihö. Anyaako iyo n‑omotomu o Rishambu uno atomuru kubha anyaaki, kubha netighe ghwitiiri ighoro e maaru gha koroghoori ghano Omutëmi Yesu anyëërëkiri.

1 Abhakorinto 8:1

Ibheere ˆneghasiikëra ighoro e mangʼana gha bhiinyakurë bhino bheruusiibhu mo‑chasanaamu. Ntweche kubha, “Itu bhoose ntoonyi no obhumënyi.” Amare obhumënyi mbohaabhaköra abhaato bhiihache. Amare obhosiighi nibho bhokobhaköngʼi abhaato mo‑bhokumi.

1 Abhakorinto 3:1

Bhahiiri bhaane, eriibhagha rino neere bhowaanyu ntesiikiire na niinyu kinya abhaato bhano bhaghukangatu na Akörö Ahörëëru. Amare nesiikiire na niinyu kinya abhaato bhano bhaghukangatu na simoka yaanyu e masari, wiiki kinya ebhengʼwerere mo‑bhokumi bhoonyu na Kirisito.

Yuuta 1:6

Wiiki, mohiite bhamarayika bhano bhatiishereriini ne emyeya gheebho, bhaghatigha obhwikari bhoobho. Eryobha ndebhabhöhiri mo‑kengʼuuri ne eminyörörö emiishe ghyose. Iyo mbaghughanya ghoteneru ekiina mo‑rosiko ruure orokoro.

2 Bheetero 2:4

Hano bhamarayika bhaköriri amasari, Eryobha retabharoochiire changori, amare ꞉ndeebharëkiire nyaari, hano bhabhöhuru ne eminyörörö. Iyo mo‑kengʼuuri ke nyaari mbaghughanya orosiko ruure ro ghoteneru ekiina.

2 Timotewo 3:4

Mbaakubha abhiigharori, na bharaköra bhwango amangʼana ghano ghataanyi no obhwëra, na mbaakubha bhariihacha. Mbaakubha bharasiigha amiigha gha se, ghokera koresiigha Eryobha.

Ruuka 10:18

Yesu akabhagharokeri akabhugha, “꞉Neerooche Erishambu reragho kinya orunanehi koru Mwishaaro.

1 Timotewo 3:7

Wiiki, nakwëndëru abhe omooto uno aghughambu bhoheene koru mo‑bhaato bhano bhataanyi Abhakirisito, ataacha ghutëmu amasörö na ghwighööti mo‑muhëtö o Rishambu.