1 Timotewo 3:3 - Eriiraghano Eriihë

³ Atabha omurëëbhi, atabha omurööni, abhe muhörëëru uno asiighiri omurëmbë. Wiiki atabha omosiighi o chambiiri.

1 Timotewo 3:3 Referans Kwoze

Tiito 1:7

Ibheere asikoofu, nakwëndëru abhe omooto uno ataanyi ni isörö, gho kubha nahaabhuru emeremo ghe Ryobha. Atabha omooto uno anyi no omutu muköngʼu, na atabha mwango o ghukarara, na atabha omurëëbhi, na atabha omurööni, wiiki atiighomba kwibhönëra chambiiri gho nchëra ambe.

Tiito 3:2

Obhabhoorere bhatatoka omooto wowoose, na bhatabha bharareghesa, bhabhe bhahörëëru, na bhabhe bhanyööhu kwo mooto woose.

Abhaebheeso 5:18

Wiiki motarëëwu, gho kubha okurëëwu ngoghughëri omooto akörë amangʼana gha chaasoni. Amare inyu mwichoribhu na Akörö Ahörëëru.

1 Timotewo 3:8

Amashemaasi hangʼu hangʼu, bhabhe abhaato bhano bhaanyi na atëëmö inchömu, bhatabha chaghughuuti, bhatabha abharëëbhi, bhatiighomba kwibhönëra chambiiri gho nchëra ambe.

Yakobho 4:1

Eriihë no obhurööni bhuno bhoonyi ghate yaanyu, mbekurëëtu na ke? Mbekurëëtu na amiighombo amabhe ghano ghakuhakaana moose yaanyu.

1 Bheetero 5:2

morechonge erikinda re Ryobha rino muhaabhuru. Wiiki morechonge kinya bhuno Eryobha rekwënda, taanyi gho kuhaamereru, amare gho kwënda koonyu inyu bheene. Motaköra emeremo gheenyu gho ghwighomba chambiiri, amare mubhe no omukörö o ghwiköngʼi.

Abheebhuraaniya 13:5

Motabha na atëëmö e ghosiigha chambiiri, amare muhaabhe na bhino moonyi nabhyo, gho kubha Eryobha eryene ꞉ndeebhughiri kubha, “Nteeghoghotigha koru nteeghoghosuuhera naabha.”

Tiito 2:3

Bhuure bhuure abhaghiikoro abhakungu, obhabhoorere kubha bhabhe no orughëndö runo rokoreghongi Eryobha. Bhatabha abhitaamereri bha bhaato, na bhanyo bha maro, amare mbakwëndëru kweghi amangʼana amachömu.

Obhohunyurëru 1:9

Eni Yohana n‑omokumi omughëndi waanyu neenyi. Nighöötiine na niinyu ghoghumereri kunyaaka gho ghiri e Yesu Kirisito no obhutëmi bhooche. Neere nihööchëriiru mo‑gheghinga ke mo‑nyancha kino ghekobherekeru Bhaatimo. ꞉Niihööchëriiru iyo gho ghiri e kuraghani angʼana e Ryobha, na koruusi obhwibhateri ighoro e Yesu.

Yuuta 1:11

Horeera mbakorighi, gho kubha mbatambiine anchëra ambe e Kaayini, gho ghwisöhi mo‑bhuröngö kubha bhabhönë obhwame, kinya bhuno Bharaamu ꞉aköriri. Horeera mbakorighi, gho kubha mbaghosireekerera kurëngʼaana no obhwigharurani bhoobho, kinya bhuno Koora asirekeriire kurëngʼaana no obhwigharurani bhooche.

2 Bheetero 2:3

Kwo miigha ghaabho amabhe gha kubhöna obhwëra koru ghokoonyu, mbaakubha bharabhabhoorera amaghano gha bhuröngö. Amare korwera kare, Eryobha ndiisëëmiri kobhatenera ekiina na retaamara ryebhu kobhasireekereri!

Tiito 1:11

gho kubha mbakorumeeri abhaato mo‑chanyumba chaaru. Mbakweghi amangʼana ghano ghatanchekiine, mbaghutabhara kwibhönëra chambiiri gho nchëra ambe.

1 Abhatesaronike 5:14

Mbe, bhahiiri bhiito, ntokobhasasaama, mubhe morabhashaangʼi abhatöbhu na kobhaköngʼi bhano bhakuure omukörö. Wiiki mubhe morabhaköngʼëërëri bhano bhataamara bhaköngʼëri mo‑bhakumi na kobhaghumereri abhaato bhoose.

Abharuumi 16:18

Abhaato kinya bhayo bhataakomuhökëri Kirisito, Omutëmi wiito, amare mbaghukörëra chanda cheebho abheene. Mbaghosiikëra amangʼana amachömu gha ghotegheri, amare bharangʼiina abhakumi bhano bhakeere bhataamara bhaköngʼëri mo‑bhokumi.

Amaköri gha Bhatomu 20:33

“Eni ntiighombiri chambiiri che mooto wowoose, koru sahaabhu cheeche, koru amaghööti ghaache.

Mataayo 21:13

Yesu akabhabhoorera akabhugha, “Yandëkuru mo‑Mandëkö Amatööbhiyu kubha, ‘Anyumba yaane neekubha anyumba e masabhi.’ Amare inyu ˆmokayiköra kubha akööbhö e manyangara.”

2 Timotewo 3:2

Eriibhagha riyo, abhaato mbaakubha bharisiigha abheene, na mbaakubha abhasiighi bha chambiiri, na mbaakubha bhariirighi, na mbaakubha ne emitu miköngʼu, na mbaakubha abhaato bha matoki, na bhataakobhasooka abhiibhori bhaabho, na bhataanyi no oghwitabheri, na bhataanyi no omukörö mwero.