1 Timotewo 3:2 - Eriiraghano Eriihë

² Mbe, asikoofu uyo, abhe omooto uno ataanyi ni isörö. Abhe no omukari umu hangʼu, na abhe ne ekirëngërë, wiiki abhe uno anyi na amangʼiini. Abhe omooto uno aghosooku, na abhe omooto uno asiighiri ghughënëhi abhaato, na uno eche kweghi abhaato angʼana e Ryobha.

1 Timotewo 3:2 Referans Kwoze

2 Timotewo 2:24

Wiiki, teekwëndëru omutamishi o Mutëmi kubha omurööni. Amare abhe moghumereri, no omuhörëëru mo‑bhaato bhoose, no omooto uno eche kweghi.

Abharuumi 12:13

Mobhatoori abhakumi abhaghëndi bhaanyu mo‑mënda ghaabho, wiiki mubhe bhango kobhaghënëhi abhaghëni mo‑chaaka cheenyu.

1 Timotewo 5:9

Omosino naghotora ghotooru mo‑mubharo o bhasino, aribha ahikiri emeeka miröngö esaasabhe, na wiiki naare omukari o mosubhe umu.

1 Bheetero 4:9

Mubhe abhaato bha ghwighënëhi inyu bheene kwo bheene ino motakwingʼunyerangʼunyera.

1 Bheetero 5:8

Mwikabhaahe, wiiki mubhe miisho eriibhagha ryose, gho kubha omobhisa waanyu, Erishambu, ndehaghëndaghënda kinya aka ino eghwitima eratabhara omooto emure.

Abheebhuraaniya 13:2

Wiiki mwëndërërë kobhaghënëhi abhaghëni mo‑chaaka cheenyu, gho kubha gho ghuköra hangʼu, abhaato abhande ꞉mbaabhaghënëhiri bhamarayika bha Ryobha ino bhateeche.

Tiito 2:2

Obhabhoorere abhagharuka bha ghesubhe, bhabhe ne ekirëngërë, na asooko, na amangʼiini, bhabhe abhahëënë mo‑bhokumi, na mo‑bhosiighi na mo‑bhoghumereri.

Abhabhiribhi 2:15

Gho ghayo, mubhe abhaana bha Ryobha bhano bhaghörörökiri na bhataanyi ni isörö. Wiiki mubhe abhaato bhano bhataaghughambu kobhe ghateghate e bhaato bhi ibheere bhano bhiichwire amabhe no obhuröngö. Ghateghate e bhaato bhayo, inyu morighibhu kinya emirëngaari ghino ghe kurëngaari mo‑se.

1 Bheetero 4:7

Antenero e mangʼana ghoose ˆeghatingʼi. Gho ghayo, mubhe bhangʼiini na mwikabhaahe mo‑ghoose, kubha motore ghusabha.

Abheebhuraaniya 3:14

Gho ghayo ntoghughöötana na Kirisito, erabha tokwëndërëra komwitëngʼëra mbagha antenero e bhuhöru bhwito, kinya bhuno ꞉tuusëëmiri ghokumi.

1 Timotewo 4:3

Bhayo mbaheeghi abhaato kubha bhatighe ghokwira, na kobhahatëka bhatarë ebhiinyakurë nyarebhe. Amare Eryobha ꞉ndiitëëmiri ebhiinyakurë, kubha bhesongʼaanibhu gho ghwitabheri na bhano bhaghokumi na kumënya obhuhëënë.

Ruuka 1:6

Bhayo bhabhere mbaare bhahëënë ambërë e Mutëmi Waryobha, na mbaare bharasooka emeghiro gheeche ghyose, na bhataaghitaasiri.

Ruuka 2:36

Hayo naare‑ho murööti umu, omukari mokungu chwee, eriina reeche Ana, omuukë o Bhanweri, o ritöngö re Asheeri. Ana uyo, ꞉naamariri emeeka mohungate hangʼu anyi no omosubhe waache, achekumara mosubhe waache uyo aghaku.

1 Timotewo 3:8

Amashemaasi hangʼu hangʼu, bhabhe abhaato bhano bhaanyi na atëëmö inchömu, bhatabha chaghughuuti, bhatabha abharëëbhi, bhatiighomba kwibhönëra chambiiri gho nchëra ambe.

1 Timotewo 3:12

Amashemaasi mbakwëndëru omooto woose abhe no omukari umu hangʼu, na bhabhe bhariimeererera bhoheene abhaana bhaabho na abhande bhano bhaanyi mo‑chaaka cheebho.

1 Timotewo 5:10

Abhe omooto uno aghoghongibhu gho ghiri e maköri kinya ghano, abhe omooto uno arëriri abhaana bhoheene, na uno aghënëhiri abhaghëni, na uno abhahökiiri abhakumi gho kobheeghi amaghoro ghaabho, na uno abhasakiiri bhano bhakunyaakibhu. Gho ghayo, abhe omooto uno iruusiri ghuköra amaköri ghoose amachömu.

1 Timotewo 5:22

Otiishereri kwo bhwango komotoora omooto mo‑meremo ghe Mutëmi, gho kubha oramotoora omuköri o masari mo‑meremo ghiyo, iye woose nookubha wisangiri mo‑masari ghaache. Iye wichonge, kubha usaaghe mughöröröku.