1 Timotewo 3:15 - Eriiraghano Eriihë

¹⁵ Amare ndakëëchëra, ubhönë kumënya kino ghekwëndëru ghuköru mo‑riikanisa re Ryobha, naryo niryo erikinda re bhakumi bha Ryobha rino reenyi ihöru, ne eriikanisa niryo ambiro no obhoroso bho bhuhëënë.

1 Timotewo 3:15 Referans Kwoze

1 Bheetero 2:5

Mbe, mumënyë kubha koru inyu n‑kinya amabhohe ghano ghaanyi amahöru, mokwabhëku ne Eryobha mubhe erikindahaase re körö. Wiiki ndekobhaköra mubhe abhachaama bhaache bhano bhaahwiru koruusi amaruusi gha mo‑chaakörö gho nchëra e Yesu Kirisito.

1 Abhatesaronike 1:9

Hohoose hano tooghuye, abhaato mbaghosiikëra kebhuno ꞉mootughënëhiri eriibhagha ꞉twiichiri bhowaanyu. Mbaghosiikëra kebhuno ꞉mootighiri chasanaamu cheenyu na ghwigharurera Eryobha gho korihökëri rino reenyi ihöru na re mahëënë,

Abhagharatiya 2:9

Mbe, Yakobho na Bheetero na Yohana, bhano ꞉bhaare abhakoro bha bhakangati bha riikanisa, bhakamënya kubha Eryobha niryo reheere emeremo ghiyo gho ghareeya yaache. Bhaghatughööta amabhökö eni na Bharinaabha, kwërëki kubha ntoonyi no obhumu nabho. Toghiishererani kubha, itu toghi kuraghani Angʼana Anchömu mo‑bhaato bha matöngö, nabho bhasaaghe bharayiraghani mo‑Bhayahuuti.

Abharuumi 3:2

M‑mahëënë, kubha Omuyahuuti nkoonyi no obhwëra bhwaru. Angʼana a yimbërë n‑kubha, Eryobha ndebhaheere Abhayahuuti amangʼana ghaache.

Mataayo 16:16

Simiyooni Bheetero akamugharokeri akabhugha, “Iye niiye Kirisito, Omoona o Ryobha rino reenyi ihöru.”

Abharuumi 9:26

Wiiki ndebhughiri kubha, “Hano bhabhooriiru kubha, ‘Inyu taanyi abhaato bhaane,’ hayo niho bhakobherekeru, ‘Abhaana bha Ryobha rino reenyi ihöru.’”

Amaköri gha Bhatomu 1:2

mbagha orosiko runo aghëghuru ghuye Mwishaaro. Hano are akeere ghughëghu, akabhaha abhatomu bhaache bhano are ahwire, amëërëkërëri gho nchëra e Körö Ahörëëru, ighoro e meremo ghino bhaghuköra.

Yohana 14:6

Yesu akamugharokeri akabhugha, “Eni n‑anchëra, no obhuhëënë, no obhuhöru. Taanyi‑ho uno aghotora kuucha o‑Taata aribha atahetiire ghokoone.

Mataayo 18:18

“Mahëënë ˆnekabhabhoorera, ghoose ghano moghwishereri abhaato bhakörë mo‑se ino, Eryobha ryose ndeghoghiishereri. Wiiki, ghoose ghano motaaghoghiishereri, Eryobha ryose retaaghoghiishereri.

Obhohunyurëru 7:2

Bhamarayika bhayo mbaare bhahaabhuru obhotoro bho ghusari ase ayoomu na anyancha. Nekamara, nekarighi marayika owonde aratiira ighoro koru roghoro aghëghiri omohuuri o Ryobha rino reenyi ihöru. Aghatiiri eriiraka akabhabhoorera bhamarayika bhayo bhane

Abheebhuraaniya 12:22

Amare inyu mohikiri mo‑gheghoro ghe Sayuuni, hano haanyi no omoghya o Yerusareemu e Mwishaaro. Omoghya uyo n‑omoghya o Ryobha rino reenyi ihöru. Mo‑moghya uyo mbiikomiine gho ghuchömëru bhamarayika ebheku ne ebheku.

Abheebhuraaniya 3:12

Inyu abhahiiri bhaane, mubhe miisho kubha ataacha kubhönëka omooto wowoose ghateghate yaanyu uno anyi no omukörö omobhe, uno ataaghokumi, uno akwiyaahura koru kwo Ryobha rino reenyi ihöru.

1 Timotewo 6:16

Eryobha eryene chiri niryo retaaghoku, ndikeere mo‑bhwero bhuno omooto taaghotora kobhwishukerera. Wiiki taanyi‑ho omooto uno arerooche, koru uno aghotora korerighi. Iryo resongʼaane asooko na changuru emiishe ghyose. Hawubhaabha.

1 Timotewo 4:10

Riyo niryo reghughëri toriiköngʼi ghuköra emeremo gho ghwiköngʼi, gho kubha ntokoriitëngʼëra Eryobha rino reenyi ihöru. Iryo niryo Omotoori o bhaato bhoose, ahanene kwo bhano bhaghokumi.

1 Timotewo 3:16

Amangʼana gha bhuhëënë ghano Eryobha rehunywire n‑gha koroghoori, nagho nigho ghano: Kirisito niyëërëkiini mo‑mobhere, na Akörö Ahörëëru ekamuhëënëhi kubha, mughöröröku, akarighibhu na bhamarayika, akaraghanibhu mo‑matöngö ghoose, aghakumibhu na abhaato bha mo‑se, aghaghëghu ghuye ighoro mo‑bhokumi bhooche obhokoro.

1 Timotewo 3:2

Mbe, asikoofu uyo, abhe omooto uno ataanyi ni isörö. Abhe no omukari umu hangʼu, na abhe ne ekirëngërë, wiiki abhe uno anyi na amangʼiini. Abhe omooto uno aghosooku, na abhe omooto uno asiighiri ghughënëhi abhaato, na uno eche kweghi abhaato angʼana e Ryobha.

Abhakorosaayi 1:5

Obhokumi no obhosiighi bhoonyu, mbookoru mo‑riitëngʼërö reenyu kubha moghosongʼaana orubhango runo Eryobha retotooriire Mwishaaro. ꞉Mooghwire amangʼana gha riitëngʼërö riyo ekimbërë eriibhagha ꞉muuraghaniiru angʼana e hëënë e Ngʼana Anchömu.

Abhaebheeso 4:21

Aribha hangʼu keenyi, inyu mooghwire amangʼana ghaache na kweghibhu, kinya obhuhëënë bhoonyi ighoro e Yesu.

Abhagharatiya 3:1

Inyu Abhagharatiya abharaghaanu! N‑niwe abharoghiri? Yesu Kirisito ꞉naaghamburu haheero ambërë yaanyu kubha namamburu.

2 Abhakorinto 6:16

Erisëngërö re Ryobha ndeghotora kubha no obhumu na chasanaamu che misambu? Itu n‑Erisëngërö re Ryobha rino reenyi ihöru! N‑kinya bhuno Eryobha eryene ꞉reebhughiri kubha, “Neghwikara ghokoobho na ghughënda haghirohamu nabho. Neekubha Eryobha reebho, nabho mbaakubha abhaato bhaane.”

Amaköri gha Bhatomu 14:15

“Abhahiiri bhiito! Ngwake moghuköra amangʼana ghano? Itu n‑abhaato hangʼu toonyi kinya inyu! Ntwichiri hano kobheeghi Angʼana Anchömu, kobhabhoorera kubha motighe ghusëngëra chasanaamu chiyo, musëëmë kubha abhaato bha Ryobha rino reenyi ihöru! Rino ꞉riitëëmiri erishaaro, na ase, na anyancha, na bhyose bhino bheenyi mwishaaro, na mo‑se, na mo‑nyancha.

Yohana 6:69

Itu ntoghokumi, wiiki ntweche kubha iye n‑Omutööbhiyu koru kwo Ryobha.”

Yohana 1:17

Mbe, gho kubha Eryobha ꞉ndeeruusiri emeghiro gheeche gho nchëra e Musa, amare aghareeya no obhuhëënë mbiichiri gho nchëra e Yesu Kirisito.

Abheebhuraaniya 9:14

Amare ibheere amasaahë gha Kirisito ngaanyi na changuru chwee ghokera amasaahë gha chatyenyi chiyo! Gho nchëra e Körö ino enyi e miishe ghyose, iwe ꞉niiruusiri kwo Waryobha kubha amaruusi ghano ghahikeriine. Amasaahë ghaache nigho ghaghotomusa emetema ghiito ighoro e masari ghano ghaghughëri oroko kubha torisëngërë Eryobha rino reenyi ihöru.

2 Timotewo 2:20

Mo‑nyumba ankoro mbeenyi‑mu ebheghiro bhe manga maaru, mbeenyi‑mu bhe bhikörë bhe sahaabhu na bhe chambiiri, na mbeenyi‑mu bhe riiröbhë na bhe mete. Ebhende m‑bhe sooko, ne ebhende bhetaanyi na sooko.

1 Timotewo 3:5

Aribha omooto ataaghotora kwimeererera aka yaache omwene, nibhu aghuköra atore kwimeererera abhakumi bha riikanisa re Ryobha?

2 Abhakorinto 6:7

wiiki gho nchëra e kuraghani amangʼana gha mahëënë. Ntohaaköra ghayo ghoose gho changuru che Ryobha. Obhuhëënë nibho ebhiröönërö bhiito, eribhaara re kwiro na re kumosi.

2 Abhakorinto 3:3

Mokwërëki haheero kubha inyu niinyu anyaarubha e Kirisito, ino ekwërëki emeremo ghino tuköriri ghokoonyu. Anyaarubha iyo tyandëkuru no obhwino, amare yandëkuru na Akörö e Ryobha rino reenyi ihöru. Wiiki tyandëkuru mo‑mabhohe amachanchaare, amare ino, yandëkuru mo‑metema ghe bhaato.

Yohana 18:37

Mbe, Bhiraato akamobhoori akabhugha, “Kana, m‑mahëënë kubha iye n‑omutëmi?” Yesu akamugharokeri akabhugha, “N‑iye ˆokabhugha kubha eni n‑omutëmi. Eni niibhwiru mo‑se ino, wiiki niichiri kubha nebheeghi abhaato obhuhëënë. Omooto wowoose uno aghutambana obhuhëënë, naghoghooghu amangʼana ghaane.”

1 Abhakorinto 3:16

Kana, moteeche kubha inyu n‑Erisëngërö re Ryobha moonyi, na kubha Akörö e Ryobha neghwikara moose yaanyu?

1 Abhakorinto 10:32

Motanaaha omooto wowoose, bhabhe Abhayahuuti, hande abhaato bha matöngö, hamu eriikanisa re Ryobha.

1 Timotewo 3:14

ˆNeghakwandëkëra amangʼana ghayo, nangabha neghwitëngʼëra kuucha iyo ghano matiko.

2 Timotewo 2:19

Amare abhaato bhano bhiimeeriire bhaköngʼiiri, n‑kinya obhoroso obhuchömu bhuno bhotooruru ne Eryobha. Ni ighoro e obhoroso bhuyo ꞉ngaandëkuru amangʼana ghano kubha, “Omutëmi Waryobha neeche abhaato bhaache,” wiiki, “Omooto wowoose uno ahaamusabha Omutëmi Waryobha kubha amotoori, atighe ghuköra amabhe.”

Abheebhuraaniya 10:21

Itu ntoonyi nawe Omuchaama Omokoro uno anyi omwimeereri o bhaato bha mo‑nyumba e Ryobha.

1 Bheetero 4:17

Mumënyë kubha, eriibhagha re ghoteneru ekiina ˆrekahika, ne Eryobha ndeghusëëma ghotenera ekiina abhaato bhaache. Ibheere, aribha ghoteneru ekiina ngoghusëëmëra ghokwito itu bhano toonyi abhaato bhaache, kana nibhu ekubha kwo bhano bhakwanga Angʼana Anchömu e Ryobha?