1 Timotewo 3:1 - Eriiraghano Eriihë

¹ Angʼana ino n‑e hëënë kubha, “Erabha omooto akwënda emeremo ghe bhwimeerereri bho riikanisa, uyo niighombiri emeremo emichömu.”

1 Timotewo 3:1 Referans Kwoze

Tiito 1:7

Ibheere asikoofu, nakwëndëru abhe omooto uno ataanyi ni isörö, gho kubha nahaabhuru emeremo ghe Ryobha. Atabha omooto uno anyi no omutu muköngʼu, na atabha mwango o ghukarara, na atabha omurëëbhi, na atabha omurööni, wiiki atiighomba kwibhönëra chambiiri gho nchëra ambe.

Amaköri gha Bhatomu 20:28

Akörö Ahörëëru nebhatooriri mubhe abhiimeerereri bha bhaato bhaache. Gho ghayo, mubhe moriichonga inyu bheene, mubhe morachonga ne eriikanisa reeche, gho kubha eriikanisa riyo, Eryobha ndereghoriri kwo masaahë gha Moona waache kobhatoori.

1 Bheetero 5:2

morechonge erikinda re Ryobha rino muhaabhuru. Wiiki morechonge kinya bhuno Eryobha rekwënda, taanyi gho kuhaamereru, amare gho kwënda koonyu inyu bheene. Motaköra emeremo gheenyu gho ghwighomba chambiiri, amare mubhe no omukörö o ghwiköngʼi.

1 Timotewo 1:15

Angʼana e hëënë ino ekwëndëru abhaato bhayiishereri n‑kubha, “Kirisito Yesu ꞉niichiri mo‑se, kubha atoori abhaato bha masari.” Ghate e bhaato bha masari, eni niköriri amasari ghokera bhoose.

1 Bheetero 2:25

Moore mobhoriri kinya changʼöndu chino chetighuru mo‑nchëra, amare ibheere, momugharokiire Omoriishi waanyu uno akobhachonga.

Abheebhuraaniya 12:15

Mubhe amiisho kubha ataacha kubha‑ho omooto wowoose uno aghokindu kubhöna aghareeya e Ryobha. Wiiki eriitina re bhosongo retasebhoka rebhanyaaki, reghonchi chaakörö che bhaato bhaaru.

2 Timotewo 2:11

Angʼana ino n‑e hëënë, kubha, “Aribha tokuure haghirohamu na Kirisito, ntookubha abhahöru haghirohamu nawe.

1 Timotewo 4:9

Angʼana iyo n‑e hëënë, wiiki abhaato mbakwëndëru bhayiishereri.

Abhabhiribhi 1:1

Anyaarubha ino neyandëkiri eni Bhawuro haghirohamu na Timotewo omutamishi mughëndi waane o Kirisito Yesu. Ntokobhaandëkëra inyu amasikoofu na amashemaasi, haghirohamu na abhatööbhiyu bha iyo Bhiribhi bhano mughöötaniibhu na Kirisito Yesu.

Ruuka 15:10

“ˆNekabhabhoorera, hangʼu hangʼu, Eryobha ndeghuchömëru chwee ambërë e bhamarayika bhaache, hano omooto umu o masari akubha atuukuuniire amasari ghaache.”

Tiito 3:8

Angʼana iyo n‑e hëënë. Nekwënda iye oyihënërërë, kubha bhoose bhano bhakorekumi Eryobha, bhaghaghöötë na ghwiköngʼi ghuköra amachömu. Amangʼana ghayo m‑machömu, wiiki ngaanyi no obhwëra mo‑bhaato bhoose.

Abhaebheeso 4:12

꞉Naaköriri hangʼu atore ghusëëmi abhaato bha Ryobha mo‑meremo ghe bhutamishi, na hayo mbakwabhëka eriikanisa, rino reenyi omobhere o Kirisito.

Amaköri gha Bhatomu 1:20

Mbe, Bheetero akëëndërëra kobhugha, “Mo‑ghitabhu ghe Sabhuri ngaandëkuru amangʼana ighoro e Yuuta kubha, ‘Aka yaache ibhe eritöngö, wiiki, atabha‑ho mooto uno aghusaagha‑mu.’ “Wiiki yandëkuru, ‘Omoremo waache o bhotomu, ahaabhu omooto owonde.’

1 Bheetero 4:15

Mbe, anyaako yaanyu etaacha korwera gho ghiri e bhwiti, no omwibhi, na ghuköra amabhe hamu ghwisöhi mo‑mangʼana gha bhande.

1 Abhatesaronike 5:14

Mbe, bhahiiri bhiito, ntokobhasasaama, mubhe morabhashaangʼi abhatöbhu na kobhaköngʼi bhano bhakuure omukörö. Wiiki mubhe morabhaköngʼëërëri bhano bhataamara bhaköngʼëri mo‑bhakumi na kobhaghumereri abhaato bhoose.

Abharuumi 11:13

Ibheere, neghosiikëra na niinyu, abhaato bha matöngö. Mahëënë Eryobha ndentomiri nibhe omotomu gho ghiri yaanyu. Nekwihachera emeremo ghino nihaabhuru kubha,