1 Timotewo 2:8 - Eriiraghano Eriihë

⁸ Gho ghayo, ahaghiro hoose hano moghwikomana ghusabha, nekwënda abhasubhe hano bhaakubha bharasabha bhaghongi amabhökö ghaabho ighoro, bhakörë hangʼu kwo mukörö mwero ino bhataaghushangʼaana hamu ghukarara.

1 Timotewo 2:8 Referans Kwoze

Abheebhuraaniya 10:22

Mbe, tubhe toraghe ambërë e Ryobha ne emetema myero ghino ghekomokumi kwo bhuhëënë, gho kubha Eryobha ndetomusiri emetema ghiito emebhe gho nchëra e masaahë gha Yesu na ghoghyeghi emebhere ghiito na amanche ameero.

Tiito 3:8

Angʼana iyo n‑e hëënë. Nekwënda iye oyihënërërë, kubha bhoose bhano bhakorekumi Eryobha, bhaghaghöötë na ghwiköngʼi ghuköra amachömu. Amangʼana ghayo m‑machömu, wiiki ngaanyi no obhwëra mo‑bhaato bhoose.

Yakobho 4:8

Mubhe morariishukerera Eryobha, niho ryose, rekobhiishukerera inyu. Inyu bhano moonyi bha masari, motighe amasari ghaanyu na ghuköra amachömu, inyu bhano moonyi na amiihëëbhö abhere, ghate e Ryobha na ase, moritambane gho chaakörö cheenyu choose.

Ruuka 24:50

Akamara Yesu akabhakangata abhaanabheegha bhaache mbagha mo‑kyaro ke Bhetaniya. Hano bhahikiri hayo, aghaghöröröki amabhökö ghaache ighoro, akabhiitabheri.

1 Bheetero 3:7

Inyu abhasubhe, mwikare na abhakari bhaanyu kwo bhongo, moramënya kubha bhataanyi ni inguru kinya inyu. Mobhatughe gho kobhasooka, gho kubha ibho bhoose mbaghughabha aghareeya e bhuhöru. Gho ghayo abhasubhe, mukörë hangʼu, kubha amasabhi ghaanyu ghatahööchërëru.

1 Timotewo 5:14

Ibheere, nekwënda abhasino bhano bhakeere abhasubhaati, bhabhe bharakwiru, bhiibhore abhaana na kumööhi chaaka cheebho, kubha abhabhisa bhiito bhatighe ghotughamba kobhe.

Amaköri gha Bhatomu 21:5

Koru hangʼu, hano tumariri chaasiko chiyo, toghatanura. Abhakirisito bhoose bha hayo Tiiro bhaghatuhërëëkërëra, abhasubhe na abhakari bhaabho, na abhaana, mbagha anche e moghya uyo bhaghatohiki rubhareka ro nyancha. Hayo haghuhe na anyancha iyo tokahighama, toghasabha Eryobha.

Amaköri gha Bhatomu 10:4

Korineeriyo akamumööhërëri marayika uyo kwo bhotiini, akamobhoori akabhugha, “Omutëmi, neke ˆghekabhönëka?” Marayika uyo akamugharokeri akabhugha, “Eryobha ndyoghwire amasabhi ghaacho, na nderooche kebhuno oghusakeri abhahabhe. Ghayo ghoose, Eryobha ndeghokohiita iyo Mwishaaro.

Amaköri gha Bhatomu 10:2

Naare arasëngëra Eryobha, na araresooka, haghirohamu na abhaato bhoose bha mo‑ka yaache. Naare arasabha Eryobha eriibhagha ryose. Haghirohamu na ghayo, naare arabhatoori chwee Abhayahuuti bhano ꞉bhaare abhahabhe.

Amaköri gha Bhatomu 7:60

Akamara akabhuna ebheru, aghakuura kwo riiraka ikoro, “Omutëmi, otabharööna kwo masari ghaabho ghano.” Hano amariri kobhugha ghayo, aghaku.

1 Abhakorinto 7:7

Nengasiighiri abhaato bhoose bhabhe kinya bhuno eni neenyi, amare taanyi hangʼu gho kubha omooto woose Eryobha ndemoheere ekihaano keeche, umu kino, no owonde kiire.

Amaköri gha Bhatomu 10:31

Akamboorera akabhugha, ‘Korineeriyo, Eryobha ndyoghwire amasabhi ghaacho, nderooche kinya oghusakeri abhahabhe.

Yohana 4:21

Yesu akamugharokeri akabhugha, “Oo omukari iye, onkumi, eriibhagha ndekuucha rino motaakomusëngëra Taata Waryobha mo‑gheghoro kino hamu mo‑Risëngërö re Yerusareemu.

Ruuka 23:34

Yesu akabhugha, “Oo Taata! Obhaabhërë, gho kubha bhateeche kino bhaghuköra.” Bhakamara, abhaashirikare bhayo bhakahööha amaghööti gha Yesu gho ghoghatëmëra akuura.

Mataayo 21:21

Yesu akabhagharokeri arabhugha, “Mahëënë ˆnekabhabhoorera, aribha moonyi no obhokumi ino motaanyi na ahaho, na niinyu moghotora ghoghaköra kinya ghano niköriri mo‑mote uno. Wiiki motaaghuköra ghano agheene hangʼu, koru aribha morabhoorera egheghoro kino, ‘Iheka na kwirëkëra mo‑nyancha,’ nagho ngaghuköru.

Mataayo 5:44

Amare eni ˆnekabhabhoorera kubha, mobhasiighe abhabhisa bhaanyu. Wiiki, mobhasabhere kwo Ryobha bhoose bhano bhakobhanyaaki.

Mataayo 6:12

Otwabhërë chasiire chiito, kinya na niitu bhoose tohaabhaabhëra abhasiire bhiito.

1 Abhakorinto 1:2

ntokobhakëëri inyu abhaato bha riikanisa re Ryobha bhano moonyi mo‑moghya o Korinto. Eryobha ndebhahwire gho nchëra e Kirisito Yesu na kobhabherekera mubhe abhaato bhaache. Ntokobhakëëri inyu haghirohamu na abhaato bhoose bha chambaara choose bhano bhakomusabha Yesu Kirisito, uno niwe Omutëmi waabho no Omutëmi wiito itu bhoose.

2 Abhakorinto 2:14

Amare ntokoriitabheri Eryobha gho kubha ndeghotukangata eriibhagha ryose mo‑murööbhö o ghuchaghanera obhokindi bho Kirisito ighoro e bhabhisa bhaache. Wiiki Eryobha ndeghotuköra itu ghusanchi obhumënyi bho ngʼana ighoro e Kirisito chambaara choose, nibheere kinya bhuno ekeneeso eghichömu kehaasancha ahaghiro hoose.

Abhabhiribhi 1:12

Mbe, bhahiiri bhaane, nekwënda mumënyë bhoheene kubha ghoose ghano ghambwine, ngantooriri chwee kuraghani Angʼana Anchömu.

1 Abhatesaronike 1:8

Korwera ghokoonyu, abhaato mbooghwire Angʼana e Mutëmi Yesu. Taanyi kwo bhaato bha Maketoniya na Akaaya abheene, amare obhokumi bhoonyu kwo Waryobha mbumanyëkiine hoose. Gho ghayo, totaakwinyaaki ghosiikëra ghyokyose ighoro e bhokumi bhoonyu.