1 Timotewo 2:6 - Eriiraghano Eriihë

⁶ Iwe ꞉naaruusiri eriimanya reeche omwene, kubha abhatingori abhaato bhoose. Bhuno nibho obhwibhateri bhuno Kirisito atoheere kwo riibhagha rino Eryobha retooriri.

1 Timotewo 2:6 Referans Kwoze

Mataayo 20:28

Gho nchëra iyo iyo, eni uno neenyi Omoona o Mooto ntiichiri kuhökëru, amare niichiri nebhahökëri abhaato na koruusi obhuhöru bhoone kubha nebhatingori abhaato bhaaru.”

1 Bheetero 3:18

Kirisito woose nanyaakiru mara rimu hangʼu gho ghiri e masari, omooto omuhëënë gho ghiri e bhaato bhano bhataanyi abhahëënë, kubha atughöötani ne Eryobha. Omobhere ꞉wiituru, amare kwo bhotoro bho Akörö Ahörëëru ꞉naabhwine wiiki obhuhöru.

Abhagharatiya 4:4

Amare eriibhagha rino rirënguru hano rehikiri, Eryobha rekamotoma Omoona waache mo‑se ino. Omoona waache akiibhoru no omukari kinya itu, akamanya haase e meghiro ghe Musa.

Obhohunyurëru 1:5

na koru kwo Yesu Kirisito, ghibhe haghirohamu na niinyu. Uyo niwe omwibhateri omuhëënë. Niwe o mumbërë koryoka koru mo‑bhaku, kubha abhe omukangati o bhatëmi bhoose mo‑se. Yesu niwe atosiighiri aghatusaasura koru mo‑masari ghiito gho nchëra e masaahë ghaache.

1 Yohana 4:10

Bhuno nibho obhosiighi, taanyi kubha niitu ꞉tooresiighiri Eryobha, amare iryo niryo ꞉reetosiighiri itu. Nikyo ꞉reemotomiri Omoona waache, abhe amaruusi gha ghosinchu kubha aruusi amasari ghiito na ghotutëmëërani ne Eryobha.

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.

1 Abhakorinto 1:6

Ghano ngakwërëki kubha amangʼana ghano tobharaghaniiri ighoro e Kirisito n‑gha hëënë.

1 Timotewo 6:15

Kuucha kooche ngookubha eriibhagha rino rerwachiri Eryobha. Eryobha niryo reghoghongibhu, niryo reghukangata eryene, niryo Omukangati o bhakangati no Omutëmi o bhatëmi.

Abhaebheeso 5:2

Mumanye eriimanya re bhosiighi, kinya bhuure Kirisito ꞉atosiighiri itu, akiiruusi aghaku gho ghiri yiito, akabha kinya eriruusi re keneeso ghichömu kino ghekoretegheri Eryobha.

1 Bheetero 2:24

Kirisito omwene ꞉niimokiri amasari ghiito mo‑mobhere waache ighoro e musarabha. ꞉Naaköriri hangʼu, kubha itu toku mo‑mangʼana gha amasari, amare tubhe abhahöru mo‑mangʼana gha bhuhëënë. Na gho ghutëmu kooche, inyu muhöruru.

Tiito 1:3

Ibheere, n‑eriibhagha rino Eryobha ryëndiri kwërëki haheero Angʼana yaache Anchömu. Eryobha Omotoori wiito ꞉ndiihatëkiri kuuha omoremo o koyiraghani angʼana iyo.

2 Abhakorinto 5:21

Kirisito taare na amasari ghoghoose, amare Eryobha ꞉ndeemubhariire amasari gho ghiri yiito, kubha itu tubhareru obhuhëënë ambërë e Ryobha gho kohetera ghokooche.

Abharuumi 5:6

Mbe, hano itu toore tokeere totaanyi ni inguru, Kirisito ꞉niichiri. Hano eriibhagha rehikiri, aghaku gho ghiri yiito abhabhe.

Yohana 10:15

kinya bhuno Taata anyeche eni, na neeni nemweche. Na neeni nekobhoruusi obhuhöru bhoone, gho ghiri e changʼöndu cheene.

Yohana 6:51

Eni n‑ekiinyakurë kino gheghwika koru Mwishaaro, kino ghekobhaha abhaato obhuhöru. Omooto wowoose uno akurë ekiinyakurë kiyo, naakubha no obhuhöru bho miishe ghyose. Ekiinyakurë kiyo n‑omobhere waane uno nekoworuusi gho ghiri e bhaato bhoose, kubha bhabhe no obhuhöru bho miishe ghyose.”

Maariko 10:45

Koru eni uno neenyi Omoona o Mooto, ntiichiri kuhökëru, amare niichiri nebhahökëri abhaato na koruusi obhuhöru bhoone kubha nebhatingori abhaato bhaaru.”

Obhohunyurëru 5:9

Bhakamwembera Omoona o Ngʼöndu omwembo omuhë uno ore orabhugha, “Iye nokurëngʼaanera kwimoki eghitabhu kiyo, na kunaanura emehuuri gheeche ghe nyaghame, gho kubha iye ꞉noosinchuru. Amasaahë ghaacho, ghakareghorera Eryobha abhaato bha matöngö ghoose, na bha bhighambo bhyose, na abhahiiri bhoose na chaase choose.

Abheebhuraaniya 9:12

Iwe ꞉naasöhiri mara rimu hangʼu Ahaghiro Ahatööbhiyu ha Hatööbhiyu. Taasöhiri na amasaahë gha chambërëtë hamu gha kimööri, amare ꞉naasöhiri na amasaahë ghaache omwene kubha atotingori emiishe ghyose.

2 Timotewo 1:8

Mbe, otarighi chaasoni ghughambera angʼana ighoro e Mutëmi wiito Yesu Kirisito, hamu korighi chaasoni gho kubha eni neenyi mo‑kibhöhö gho ghiri yaache. Amare, oghumereri mo‑nyaako haghirohamu na neeni, gho ghiri e Ngʼana Anchömu, kurëngʼaana na changuru chino okuhaabhu ne Eryobha.

2 Abhatesaronike 1:10

Kuröönu kuyo ngookubha orosiko ruure Omutëmi akuucha kuhaabhu obhokumi obhokoro na asooko koru mo‑bhaato bhaache abhatööbhiyu bhano bhamokumiri. Inyu bhoose mookubha haghirohamu nabho, gho kubha mokumiri angʼana ino ꞉toobharaghaniiri.

Abharuumi 16:26

na kohetera mo‑Mandëkö Amatööbhiyu gha abharööti, angʼana iyo nimënyuru kwo bhaato bha amatöngö ghoose mo‑se. Eryobha re miishe ghyose niryo rihatëkiri angʼana iyo iraghanibhu mo‑bhaato bhoose, kubha bhayo bhoose bhatore komokumi na komosooka Omutëmi Yesu.

Abhaebheeso 1:17

Nekwëndërëra korisabha Eryobha re Mutëmi wiito Yesu Kirisito, Taata o bhokumi obhokoro, abhahë inyu Akörö yaache kubha mubhe na amangʼiini no obhohunyurëru, motore korimënya bhoheene.

Abhaebheeso 1:7

Eryobha ndetotingwiri gho nchëra e masaahë gha Yesu Kirisito, niko kobhugha ndetwabhiire amasari ghiito ghoose, kurëngʼaana no obhwaru bho ghareeya yaache.

Abhaebheeso 3:5

Ekebhisere kiyo retaabhamënyiri abhaato bha kare, amare ibheere ndebhahunyuriire abhatööbhiyu bhaache abhatomu na abharööti gho nchëra e Körö yaache.

Maariko 1:15

Eriibhagha are araraghani, naare arabhugha, “Eriibhagha rino rirööturu, ˆrekahika. Wiiki, obhutëmi bho Ryobha ˆbhoghatingʼi. Mbe, motuukuunere amasari ghaanyu, na koyekumi Angʼana Anchömu iyo.”

Abhagharatiya 1:4

Kirisito ꞉naaruusiri eriimanya reeche, gho ghiri e masari ghiito, kubha atotoori koru mo‑mabhe ghoose gha se ino yi ibheere. ꞉Naaköriri hangʼu kurëngʼaana na amënda gha Waryobha Taata wiito.