1 Timotewo 2:4 - Eriiraghano Eriihë

⁴ Eryobha ndëhëënda abhaato bhoose bhatooribhu na kumënya obhuhëënë.

1 Timotewo 2:4 Referans Kwoze

2 Bheetero 3:9

Abhaato abhande mbaghwituuri kubha Omutëmi Waryobha naghukëëchëra kohikeerani ghaare ꞉araghiri, amare taaghukëëchëra. Amare iwe naghwiköngʼëërëri gho ghiri yaanyu, gho kubha taakwënda kubha, omooto koru umu ache abhore. Kino akwënda n‑kubha bhoose bhatuukuunere amasari ghaabho.

Tiito 2:11

Ubhe oreeghi amangʼana ghayo ghoose, gho kubha Eryobha ndyërëkiri aghareeya yaache, gho kurëëta obhotoori mo‑bhaato bhoose.

2 Timotewo 2:25

Nakwëndëru abhe arabhakaariha abhaato bhano bhakuhakaana nawe kwo bhuhörëëru, kubha hande abhe hamu, Eryobha rebhahë ghotuukuuna na gho ghayo, bhamënyë obhuhëënë.

1 Timotewo 4:10

Riyo niryo reghughëri toriiköngʼi ghuköra emeremo gho ghwiköngʼi, gho kubha ntokoriitëngʼëra Eryobha rino reenyi ihöru. Iryo niryo Omotoori o bhaato bhoose, ahanene kwo bhano bhaghokumi.

Ruuka 24:47

Na abhaato bha matöngö ghoose, korwera Yerusareemu, mbakuraghaneru kwo riina reeche kubha, mbakwëndëru bhatuukuunere amasari ghaabho, bhaabhëru.

Obhohunyurëru 14:6

Nekamara, nekarighi marayika owonde arituumuka ghateghate e riighoro. Marayika uyo naare na Angʼana Anchömu e miishe ghyose e kuraghaneri abhaato bhano bhiikeere mo‑se, kwo bhaato bha chaase choose, na amatöngö ghoose, ne ebhighambo bhyose na abhahiiri bhoose mo‑se ingima.

Yohana 14:6

Yesu akamugharokeri akabhugha, “Eni n‑anchëra, no obhuhëënë, no obhuhöru. Taanyi‑ho uno aghotora kuucha o‑Taata aribha atahetiire ghokoone.

Mataayo 28:19

Mbe, mughëndë kwo bhaato bha matöngö ghoose na kobhaköra kubha abhaanabheegha bhaane. Mobhakörë bhabhe abhaanabheegha bhaane gho kobhabhatiisa, kwo riina re Taata, na re Moona na re Akörö Ahörëëru.

Tiito 1:1

Anyaarubha ino neyandëkiri eni Bhawuro, omutamishi o Ryobha, no omotomu o Yesu Kirisito. Eni netomuru gho ghiri e kwërëkërëri abhaato bhano bhaahwiru ne Eryobha, kubha bhatore komokumi na kumënya obhuhëënë ighoro e Yesu Kirisito. Obhuhëënë bhuyo mbokobhakangata ghuköra ghano ghakwëndëru ambërë e Ryobha,

2 Timotewo 3:7

Mbakwegha chaasiko choose, amare bhataaghotora kumënya obhuhëënë.

Ruuka 14:23

“Omutëmi akamobhoorera, ‘Mbe! Oghi anche e moghya mo‑chanchëra chino cheeghuye mo‑bhyaro ebhesuuhu, na mo‑meghondo, obhahaamërëri abhaato bhaache bhasöhë mo‑ka yaane, mbagha yiichore.

Ruuka 1:77

Nakobhabhoorera abhaato bhaache, bhuure bhaghotooribhu, gho nchëra e kwabhëru amasari ghaabho.

Yohana 17:17

Oo Taata, ˆneghaghusabha obhakörë kubha abhaato bhaacho inkongʼorimu mo‑bhuhëënë bhoocho, gho kubha angʼana yaacho niyo obhuhëënë.

Yohana 6:37

Abhaato bhoose bhano Taata aheere, mbakuucha ghokoone na ghonkumi. Wiiki nteekomwanga naabha koru umu uno akuucha ghokoone.

Maariko 16:15

Niho akabhabhoorera akabhugha, “Mughëndë mo‑se yoose, muraghani Angʼana Anchömu kwo bhaato bhoose.

Abheebhuraaniya 10:26

Aribha ntokwëndërëra ghuköra amasari gho ghitaraaho eriibhagha ntobhweche obhuhëënë bho Ryobha, mbe, retaanyi‑ho eriruusi erende rino reghotora ghotomusa amasari.

Abharuumi 11:14

gho nchëra yoyoose yiire, nebhakörë Abhiisiraeri abhaghëndi bhaane bhabhe na amiigha gha kubhöna obhotoori kinya bhuno inyu mobhwine, kubha abhamu ghate yaabho bhatooribhu.

Yakobho 3:14

Amare aribha moonyi ne eriihari rino risangeriine obhororo no obhunyawumu mo‑chaakörö cheenyu, motiihacha kubha moonyi na amangʼiini, ino morasiikëra obhuröngö mo‑bhuhëënë.

2 Yohana 1:1

Eni omugharuka o riikanisa, neghokwandëkëra iye omosubhaati omwahöru, haghirohamu na abhaana bhaacho bhano nesiighiri kwo bhuhëënë. Taanyi eni mwene hangʼu nebhasiighiri, koru na abhande bhano bheeche obhuhëënë, ibho bhoose mbabhasiighiri kwo hëënë.