1 Timotewo 2:3 - Eriiraghano Eriihë

³ Angʼana ino n‑inchömu, wiiki neghotegheri Waryobha Omotoori wiito.

1 Timotewo 2:3 Referans Kwoze

Abheebhuraaniya 13:16

Mwëndërërë kobhatoori abhaghëndi na ghusanga nabho ebheghiro bhino moonyi nabhyo, gho kubha ghuköra hangʼu, nigho amaruusi ghano ghaghuchömëri Eryobha.

1 Timotewo 1:1

Anyaarubha ino neyandëkiri eni Bhawuro. Eni netomuru kubha omotomu o Kirisito Yesu gho kuhatëku ne Eryobha Omotoori wiito na Kirisito Yesu uno anyi eriitëngʼërö riito.

1 Bheetero 2:20

Mokubhöna atuho ke moraghumereri anyaako ino murëngʼaaniire gho ghiri e masari ghaanyu? Amare aribha moraghumereri anyaako gho kubha muköriri amachömu, hayo mokoretegheri Eryobha.

Abharuumi 14:18

Omooto wowoose uno akomukörëra amangʼana ghayo Kirisito, nakorichömëri Eryobha, wiiki na abhaato mbaghuchömëru nawe.

1 Bheetero 2:5

Mbe, mumënyë kubha koru inyu n‑kinya amabhohe ghano ghaanyi amahöru, mokwabhëku ne Eryobha mubhe erikindahaase re körö. Wiiki ndekobhaköra mubhe abhachaama bhaache bhano bhaahwiru koruusi amaruusi gha mo‑chaakörö gho nchëra e Yesu Kirisito.

1 Abhatesaronike 4:1

Ibheere bhahiiri bhiito, mweghiri koru ghokwito bhuno mokwëndëru kumanya, gho ghiri e korichömëri Eryobha. Na mahëënë eriimanya reenyu hangʼu reenyi. Ibheere, ntokobhasabha na ntokobhasasaama kwo bhukangati bho Mutëmi Yesu kubha, mubhe moraköra hangʼu na ghokera hayo.

Abhakorosaayi 1:10

Niho moghotora kumanya kebhuno Omutëmi Yesu akwënda, na komotegheri mo‑mangʼana ghoose. Eriimanya reenyu ndekomotegheri kwo meremo gheenyu emichömu, wiiki moghwiköngʼi korimënya Eryobha.

Ruuka 1:47

na noghosiigherasiighera Waryobha, Omotoori waane,

Abhabhiribhi 1:11

Eriimanya reenyu ndeghwichora amangʼana gha hëënë ghano ghakubhönëka gho nchëra e Yesu Kirisito. Ghayo ghoose gharekumi na koreghongi Eryobha.

1 Timotewo 5:4

Amare omosino wowoose arabha na abhaana hamu abhaachokoro, nekwëndëru bhayo singa bheeghe kebhuno bhakobhatoori abhahiiri bhaabho. Bharaköra hangʼu, niho bhakoreha abhiibhori bhaabho amachömu ghano ꞉bhaabhaköriire. Hangʼu nibhu Eryobha reghuchömëru.

Abhabhiribhi 4:18

Ibheere, ebheghiro bhyose bhiire montomaniiri gho kohetera Ebhabhurotiito, nebhebhwine. Mbiishiri kumara amënda ghaane ghoose, wiiki mbeghokera koru bhino neere kwënda. Obhotoorereri bhuyo mbobheere kinya eriruusi re keneeso ghichömu, amaruusi ghano ghaghwisherereru na ghakoretegheri Eryobha.

2 Timotewo 1:9

Iryo ꞉ndeetotooriri, reghatobherekera tubhe abhaana bhaache abhatööbhiyu. Retaaköriri hangʼu gho ghiri e maköri ghiito, amare ꞉ndiiköriri gho ghiri e miigha ghaache na aghareeya yaache. ꞉Ndeetoheere aghareeya iyo gho nchëra e Kirisito Yesu, koru ase ino ekeere ghutëëmu.

1 Timotewo 4:10

Riyo niryo reghughëri toriiköngʼi ghuköra emeremo gho ghwiköngʼi, gho kubha ntokoriitëngʼëra Eryobha rino reenyi ihöru. Iryo niryo Omotoori o bhaato bhoose, ahanene kwo bhano bhaghokumi.