1 Timotewo 2:10 - Eriiraghano Eriihë

¹⁰ Amare ghwichöcha koobho, kubhe kwo maköri amachömu, kinya bhuno ekwëndëru mo‑bhakari bhano bhiisheriiri korisëngëra Eryobha.

1 Timotewo 2:10 Referans Kwoze

1 Bheetero 2:12

Mobhakörërë amachömu abhaato bhano bhataryeche Eryobha, kubha eriibhagha bhaakubha bharabhabhiihera amangʼana amabhe, bharighi amaköri ghaanyu amachömu. Niho bhaghotora koreghongi Eryobha gho ghiri yaanyu, mo‑rosiko ro kuucha kooche.

Obhohunyurëru 2:19

Nyeeche amaköri ghaanyu, no obhosiighi bhoonyu, no obhokumi bhoonyu, ne emeremo gheenyu, no obhoghumereri bhoonyu. Wiiki nekobharighi inyu kubha, ibheere moghuköra bhoheene, ghokera hayo ekeenyuma.

Amaköri gha Bhatomu 9:36

Mo‑moghya o Yoobha naare‑ho omukari umu omughëndi o Yesu, eriina reeche Tabhiita. (Na mo‑ghighambo ghe Keyunaani, eriina riyo n‑Torikaasi, egheteemoro keeche n‑asuma.) Torikaasi uyo naare arabhasakeri abhahabhe, akabha araköra amaköri amachömu.

2 Bheetero 3:11

Mbe, gho kubha ebheghiro bhyose mbeghosireekereru gho nchëra iyo, inyu mokwëndëru kumanya imanya ke mo‑se ino? Mokwëndëru kumanya eriimanya eritööbhiyu na re koresooka Eryobha.

Tiito 3:8

Angʼana iyo n‑e hëënë. Nekwënda iye oyihënërërë, kubha bhoose bhano bhakorekumi Eryobha, bhaghaghöötë na ghwiköngʼi ghuköra amachömu. Amangʼana ghayo m‑machömu, wiiki ngaanyi no obhwëra mo‑bhaato bhoose.

Abhaebheeso 2:10

Itu ne emeremo ghe mabhökö gha Ryobha toonyi. ꞉Ndeetobhombiri bhuhë gho ghotughöötani na Kirisito Yesu kubha tukörë amaköri amachömu, ghano ꞉reetusëëmiire tubhe toraköra.

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.

Amaköri gha Bhatomu 9:39

Mbe, Bheetero aghatanura haghirohamu nabho. Hano bhahikiri Yoobha, bhakamohira mo‑kenyumba kiyo. Hano bhahikiri‑mu, abhasino bhaaru bhakamwinaareri bhararera, bhakamwërëki chandachana, na amaghööti ghano Tabhiita are abhatumiire, eriibhagha are akeere anyi muhöru.

1 Timotewo 2:9

Hangʼu hangʼu nekwënda abhakari bhiichöchë, bhabheeke amaghööti gha sooko ghano ghakwëndëru, gho sooko ne ekirëngërë. Ghwichöcha koobho ghotabha gho ghoshuka chanchweri, hamu gho kobheeka ebheghiro bhe sahaabhu na bhino bhekubharibhari, hamu changibho che riighori ikoro.

1 Timotewo 2:11

Abhakari, hano bhaakubha bhareegha, bhabhe abhatëghëërëri na abhasooku.