1 Timotewo 2:1 - Eriiraghano Eriihë

¹ Mbe, ghokera ghoose neghusabha mubhe morasabhera abhaato bhoose, kwo masabhi gha manga maaru. Wiiki, mubhe morariitabheri Eryobha gho ghiri e bhaato bhoose.

1 Timotewo 2:1 Referans Kwoze

2 Abhatesaronike 1:3

Abhahiiri bhiito, nekwëndëru koriitabheri Eryobha eriibhagha ryose gho ghiri yaanyu, gho kubha obhokumi bhoonyu mbokwiyëëngëra chwee, wiiki ghosiighana koonyu ngokwiyëëngëra.

Yakobho 5:16

Mbe, mubhe moratuukuunerana amasari ghaanyu na ghusabherana kwo Waryobha, kubha mubhönë kuhöribhu amabhabharu ghaanyu. Amasabhi gha mooto omuhëënë ngaanyi no obhotoro bho ghuköra amangʼana amarito.

Abhaebheeso 5:20

Wiiki, eriibhagha ryose mubhe moramwitabheri Taata Waryobha, gho ghiri e bhaato bhoose, gho kohetera eriina re Mutëmi wiito Yesu Kirisito.

2 Timotewo 2:24

Wiiki, teekwëndëru omutamishi o Mutëmi kubha omurööni. Amare abhe moghumereri, no omuhörëëru mo‑bhaato bhoose, no omooto uno eche kweghi.

1 Timotewo 2:4

Eryobha ndëhëënda abhaato bhoose bhatooribhu na kumënya obhuhëënë.

Abhabhiribhi 1:3

Eriibhagha ryose hano nekobhahiita inyu, nekoriitabheri Eryobha, Omutëmi waane.

Abheebhuraaniya 6:11

Neghwighomba chwee kubha, omooto woose iköngʼi ghuköra amangʼana ghayo mbagha mo‑ntenero kubha moghasongʼaane ghaare ghoose moghwitëngʼëra.

Tiito 3:2

Obhabhoorere bhatatoka omooto wowoose, na bhatabha bharareghesa, bhabhe bhahörëëru, na bhabhe bhanyööhu kwo mooto woose.

Tiito 2:11

Ubhe oreeghi amangʼana ghayo ghoose, gho kubha Eryobha ndyërëkiri aghareeya yaache, gho kurëëta obhotoori mo‑bhaato bhoose.

1 Timotewo 5:5

Omukari omosino uno ataanyi no omooto o komusakeri, uyo nakoriitëngʼëra Eryobha, nakorisasaama na ghusabha obhotoorereri bhooche obhotiko no omwishe.

1 Abhakorinto 15:3

Nebheeghiri ameeghi gha bhwëra ghano eni omwene neghasongʼaaniri, kubha Kirisito ꞉naakuure gho ghiri e masari ghiito, kinya bhuno yandëkuru mo‑Mandëkö Amatööbhiyu.

Amaköri gha Bhatomu 17:30

Hayo kare, abhaato mbaare bharaköra ghayo kwo bhuraghaanu, Eryobha ndeere reriiköri kinya retaaghogharighi, amare ibheere, ndekobhabhoorera abhaato bhoose bha ahaghiro hoose kubha bhatuukuune.

1 Abhatesaronike 3:12

Omutëmi abhëëngërë obhosiighi na köbhëëngërëërëri ghosiighana inyu bheene na kobhasiigha abhande bhoose, kinya itu tobhasiighiri inyu.

Abharuumi 6:17

Kare, inyu moore abhasësë bha masari. Amare nekoriitabheri Eryobha, gho kubha ibheere mwisheriiri kwo metema gheenyu ghyose ghosooka ameeghi gha bhuhëënë ghano ꞉moosongʼaaniri.

Abharuumi 1:8

Nisëëmë gho kobhugha kubha, nekoriitabheri Eryobha kohetera kwo Yesu Kirisito, gho ghiri yaanyu bhoose, gho kubha amangʼana ighoro e bhokumi bhoonyu ngamënyuru mo‑se yoose.

2 Abhakorinto 8:6

Gho ghayo, tokamusasaama Tiito kubha ache abhatoori koru inyu kumara emeremo ghiyo ghe ghareeya, gho kubha niwe asëëmiri emeremo ghiyo ghokoonyu.

Abhaebheeso 3:13

Gho ghayo, nekobhasabha motaku omukörö kwo nyaako ino ekumböna gho ghiri yaanyu, gho kubha anyaako iyo nekobharëëtëra obhwëra.

Abhaebheeso 6:18

Mbe, mubhe morasabha eriibhagha ryose kwo masabhi gha manga ghoose, kurëngʼaana na kinya Akörö Ahörëëru ekobhakangata. Mubhe miisho gho ghiri e ngʼana iyo, na mwiköngʼi kobhasabhera abhatööbhiyu bhoose.

Abhabhiribhi 4:6

Motighe kwinyaaki mo‑ngʼana yoyoose, amare mo‑mangʼana ghoose musabhe na ghusasaama, haghirohamu na ghwitabheri, amënda ghaanyu ghamënyu ne Eryobha.