1 Timotewo 1:9 - Eriiraghano Eriihë

⁹ Wiiki, ntokwëndëru kumënya kubha emeghiro ghetatooruru gho ghiri e bhaato abhahëënë, amare n‑kwo bhano bhaghusari emeghiro na kwo bhano bhataanyi na asooko, na kwo bhano bhataakorekumi Eryobha na abhaköri bha masari, na kwo bhano bhataanyi no omukörö mwero na kwo bhaghonchu, na kwo bhano bhaghwita bhiishe na bhaanyina na kwo bhiiti bha bhaato,

1 Timotewo 1:9 Referans Kwoze

Abhagharatiya 3:19

Ibheere, emeghiro ngeenyi ne emeremo ke? Emeghiro ngyengiiru gho ghiri e kwërëki amasari gha bhaato, mbagha eriibhagha rino akuucha omwibhoru o Abhurahamu, uno Eryobha ꞉reemuraghiire kubha nakuucha. Emeghiro ghiyo, Eryobha ꞉ndeemoheere Musa kohetera kwo bhamarayika, na Musa akabha omorwachi ghate e Ryobha na abhaato bhaache.

1 Bheetero 4:18

Amandëkö Amatööbhiyu ngakobhugha kubha, “Aribha n‑ghuköngʼu kwo bhano bhaanyi abhahëënë ghotooribhu, kana, nibhu ekubha kwo bhano bha masari bhano bhataakoresooka Eryobha?”

Abharuumi 5:20

Hano emeghiro ghe Musa ghiichiri, gheghaghëri amasari ghakiyëngëra. Koru hangʼu, hano amasari ghëëngiire, aghareeya e Ryobha yoose ëkëëndërëra kwiyëngëra chwee.

Abhagharatiya 5:23

no obhuhörëëru ne ekirëngërë. Toonyi‑ho omoghiro uno okwanga omooto ataköra amangʼana ghayo.

Tiito 3:3

Koru itu bheene eriibhagha riire toore tokeere komokumi Yesu, ntoore bharaghaanu, na abhiigharori, wiiki ntongʼiinuru chwee. Ntoore abhasësë bha miigha amabhe gha manga maaru gha se ino. Eriimanya riito ndeere re bhobhe ne eriihari. Abhaato mbaare bhaturëghiri, na niitu ntoore tobharëghiri.

Abharuumi 6:14

Amasari ghataakobhakangata wiiki, gho kubha motaaghukangatu no obhotoro bho meghiro, amare moghukangatu na aghareeya e Ryobha.

Abharuumi 1:30

na m‑bha amatoki, na mbahaarirëgha Eryobha. Bhataaghotereera amangʼana gha bhaghëndi bhaabho, wiiki n‑abhaato bha mitu miköngʼu na mbiihachi. Eriibhagha ryose mbaghutabhara anchëra ahë e ghuköra amabhe. Bhataaghosooka abhiibhori bhaabho,

Obhohunyurëru 22:15

Amare abhaturutumbi bhoose, na abhataari, na abhiiti, na bhano bhaghusëngëra emisambu na abhande bhoose bhano bhasiighiri ghosiikëra obhuröngö, mbaakubha anche e moghya uyo kinya chaseese.

Obhohunyurëru 21:8

Amare abhatiini, na bhano bhataakorekumi Eryobha, na bhano bhakorikarari Eryobha, na abhiiti, na abhataari, na abhaturutumbi, na abhasëngëri bha misambu, na abharöngö, bhayo bhoose ahaghiro haabho n‑anyancha e mororo muhaari chwee. Na ruyo niro oroko ro kabhere.”

Tiito 1:16

Abheene mbakobhugha kubha mbeeche Eryobha, amare amaköri ghaabho ngakwërëki kubha, mbakoryanga. Bhayo mbaghukarari, na m‑bhiigharori, na bhataakurëngʼaanera kwo ngʼana yoyoose anchömu.

1 Bheetero 3:20

Chaakörö chiyo n‑che bhano bhataresookiri Eryobha hayo kare, eriibhagha Nuhu are araabhëka asafina. Eryobha ꞉ndeeghumeriiri obhobhe bhoobho mbagha asafina ekamaru kwabhëku, amare antenero abhaato bhanaane hangʼu, nibho ꞉bhaatooriibhu koru mo‑manche.

Abheebhuraaniya 11:31

Obhokumi ꞉mbuuköriri Rahaabhu uno are omukari musöngörëëri akahöna ghwitu haghirohamu na abhaato bhano bhataare bhararekumi Eryobha. Akahöna ghwitu gho kubha ꞉naabhaghënëhiri abhaseghaayi bha Bhiisiraeri kwo murëmbë.

2 Abhatesaronike 2:8

Hayo niho Omwigharurani uyo akorighibhu, amare Omutëmi Yesu hano akuucha, nakomwita no omwika koru mo‑monu waache. Wiiki nakomosireekereri kwo murëngaari o kuucha kooche.

Abharuumi 4:13

Eryobha ꞉ndiiraghiri Abhurahamu na abhaato bha rwibhoro rooche kubha, ndengabhaheere ase yoose ibhe aghabho yaabho. Eryobha retaaraghiri hangʼu gho kubha Abhurahamu naare ahikeriini ghano emeghiro ghekwënda, amare n‑gho kubha naare ararekumi Eryobha. Niho Eryobha rekamubharera Abhurahamu kubha naanyi no obhuhëënë ambërë yaache.

Mataayo 10:21

“Kwo riibhagha riyo, omohiiri nakomwigharurani omohiiri waache na komuhaana mo‑mabhökö gha bhabhisa, kubha itu. Wiiki, omwibhori nakomuhaana omoona waache mo‑mabhökö gha bhabhisa kubha itu. Abhaana nabho mbakobhiigharurani abhiibhori bhaabho na ghughëri bhiitu.

1 Bheetero 2:7

Ghokoonyu inyu bhano moghokumi eriibhohe riyo, n‑de riighori chwee. Amare, ighoro e bhano bhataakorekumi, Amandëkö Amatööbhiyu ngakobhugha kubha, “Eriibhohe rino abhaabhëki ꞉bhaangiri, niryo ribheere eriibhohe ikoro re bhoroso.”

Abheebhuraaniya 12:16

Mubhe miisho kubha ataacha kubha‑ho omooto wowoose ghate yaanyu omutaari hamu uno ataakoresooka Eryobha kinya Esaawu. Iwe aghaghori omweya waache o bhutange gho ghiri e kiinyakurë ke riibhagha rimu hangʼu.

Abhagharatiya 5:21

no obhwighombi bho bheghiro bhe bhande, no obhurëëbhi, no obhohobhaaru na amangʼana aghande ghoose ghano ghatuubhiine na ghayo. ˆNekabhabhoorera wiiki kinya bhuno neere nebhabhooriire kubha, abhaato bhano bhahaaköra amangʼana ghayo, bhataaghughabha ghyokyose mo‑bhutëmi bho Ryobha.

Abhagharatiya 5:18

Amare morakangatu na Akörö Ahörëëru, motaanyi haase e meghiro kinya abhasësë.

1 Timotewo 4:7

Amare waange kimu amaghano gha kare ghano ghataanyi no obhwëra, amare wiköngʼi ghuköra ghano ghakwëndëru ambërë e Ryobha.

1 Timotewo 6:20

Timotewo, ughöötërërë bhoheene angʼana e bhuhëënë ino uhaabhuru. Otighe ghwitoora mo‑mangʼana amaghonchu, ghano ghataanyi no obhwëra bhobhoose. Wiiki otiisöhi mo‑mahakaano gha ghighëëghë, ghano bhakobhugha nigho amangʼiini.

2 Timotewo 2:16

Otighe ghosiikëra amangʼana ghano ghataanyi no obhwëra, na ghano ghataakwëndëru ne Eryobha, gho kubha bhano bhakweghi ghayo, mbaghughëri abhaato bhabhe kurë chwee ne Eryobha.

2 Timotewo 3:2

Eriibhagha riyo, abhaato mbaakubha bharisiigha abheene, na mbaakubha abhasiighi bha chambiiri, na mbaakubha bhariirighi, na mbaakubha ne emitu miköngʼu, na mbaakubha abhaato bha matoki, na bhataakobhasooka abhiibhori bhaabho, na bhataanyi no oghwitabheri, na bhataanyi no omukörö mwero.

Tiito 1:6

Omugharuka o riikanisa, nakwëndëru abhe omooto uno ataanyi ni isörö ryoryose. Abhe omosubhe o mukari umu hangʼu, na abhaana bhaache bhabhe abhakumi, bhatabha abhatiriighanu hamu bhano bhataanyi na asooko.

Tiito 1:10

ˆNeghakobhoorera hangʼu, gho kubha hayo Kireete mbaanyi‑ho abhaato bhaaru bhano bhataanyi na asooko, mbaghosiikëra amangʼana ghano ghataanyi no obhwëra, wiiki m‑bhabhiihi, abhamu m‑bhano bhahënëriire emeghiro ghe Kiyahuuti. Abhaato bhayo otabhiisherereri kweghi,

Yuuta 1:15

kubha atenere ekiina abhaato bhoose, na kobharööna abhaköri bha masari kwo maköri ghaabho amabhe, haghirohamu na amangʼana amabhe ghoose ghano bhaghosiikëra ighoro e Mutëmi.”