1 Timotewo 1:5 - Eriiraghano Eriihë

⁵ Ekebhune ke meeghi ghiito n‑kubha, abhakumi bhasiighane kwo mukörö mwero, na kwo mënda machömu no obhokumi bho hëënë.

1 Timotewo 1:5 Referans Kwoze

1 Timotewo 1:19

Gho ghayo, ughöötërërë obhokumi na kubha no omotema omuchömu. Abhaato abhande bhatatereeriri ghuköra ghaare bheeche kubha n‑gha hëënë, ghayo ngabhaköriri bhasari obhokumi bhoobho.

Abhagharatiya 5:22

Amare aribha toghukangatu na Akörö Ahörëëru, ntookubha ne eriikorobhese re Körö Ahörëëru. Eriikorobhese riyo n‑obhosiighi, na ghuchömëru, no omurëmbë, no obhoghumereri, no obhuhöriicho, na ghughënëhi, no obhuhëënë,

2 Timotewo 2:22

Ungʼösë amiigha gha bhobhureni, wiköngʼi ghutambana ghano Eryobha rekwënda, ubhe no obhokumi, no obhosiighi no omurëmbë. Ughöötërërë ghayo, haghirohamu na bhoose bhano bhakomusabha Omutëmi kwo mukörö mwero.

2 Timotewo 1:5

Wiiki, nekohiita obhokumi bhoocho bho hëënë. Obhokumi bhuyo, naare nabho nyaghokoro Rooyisi na nyako Ewunike. Neenyi no obhuhëënë kubha iye woose noonyi nabho.

2 Timotewo 1:3

Nekoriitabheri Eryobha gho ghiri yaacho eriibhagha neghokohiita mo‑masabhi ghaane obhotiko no omwishe, na nekorihökëri kwo mënda meero, kinya bhasookoro bhaane ꞉bhaarihökiiri.

1 Bheetero 3:21

Amanche ghayo n‑eghetuubhaani ke bhubhatiiso, bhuno bhoghototoori, taanyi gho koruusi eriiku mo‑mobhere, amare n‑eriiraghano re mënda meero kwo Waryobha. Amangʼana ghayo, ngaakubha gho kohetera koryoka kwo Yesu Kirisito.

1 Bheetero 3:16

na mubhe na amënda meero, kubha aribha bharabhibhoneereri ighoro e mangʼana ghayo moghuköra gho ghiri e Kirisito, mbe, bharighi chaasoni.

1 Bheetero 1:22

Inyu mumanyiri kurëngʼaana na ameeghi gha hëënë ighoro e Yesu. Gho ghayo, emetema gheenyu ngyeghuru ni ibheere moghotora ghosiigha abhaghëndi bhaanyu kwo bhuhëënë. Mbe, mosiighane kwo mukörö mwero,

2 Bheetero 1:7

Na ghuköra hangʼu, kwëngërëërëru ghosiighana gho kehiiri, na ghosiighana gho kehiiri kuyo kwëngërëërëru no obhosiighi kwo bhoose.

Abharuumi 10:4

Kirisito nahikeriini emeghiro ghyose ghe Musa, kubha abhaato bhoose bhano bhakomokumi, bhabhareru kubha mbaanyi no obhuhëënë ambërë e Ryobha.

Tiito 1:15

Abhaato bhayo mbakweghi kubha, mbeenyi‑ho ebheghiro bheghonchu. Amare eni nebhugha kubha, mo‑bhaato bhano bhaanyi na akörö yeero ambërë e Ryobha, ebheghiro bhyose mbemusuru. Abhaato abhaghonchu na bhano bhataanyi abhakumi, ebheghiro bhyose m‑bheghonchu, gho kubha amiihëëbhö ghaabho na amënda ghaabho, ngiichwire obhoghonchu.

1 Timotewo 3:9

Amare, bhabhe abhaato bhano bhaghughöötërëra obhuhëënë bho bhokumi bhwito bhuno Eryobha retohunyuriire kwo motema omuchömu.

2 Abhakorinto 1:12

Mbe, itu ntokwihachera rino, mo‑metema ghiito ntoonyi no obhuhëënë kubha, mo‑se hano, na ahanene mo‑bhughöötani bhwito na niinyu, ntumanyiri kwo bhughöröröku na kwo bhuhëënë bhuno bhookoru kwo Waryobha. Totaaköriri hangʼu kwo mangʼiini gha se ino, amare n‑gho ghareeya e Ryobha.

1 Bheetero 4:8

Ghokera ghayo ghoose, mosiighane chwee, gho kubha obhosiighi mbohaakundekeri amasari maaru.

Yakobho 4:8

Mubhe morariishukerera Eryobha, niho ryose, rekobhiishukerera inyu. Inyu bhano moonyi bha masari, motighe amasari ghaanyu na ghuköra amachömu, inyu bhano moonyi na amiihëëbhö abhere, ghate e Ryobha na ase, moritambane gho chaakörö cheenyu choose.

Amaköri gha Bhatomu 23:1

Niho Bhawuro akabhoomeri amiisho abhakoro bha riibharacha riyo akabhabhoorera akabhugha, “Oo bhahiiri bhaane, mbagha reero ino neghwiköngʼi chwee kubha no omotema omuchömu, etabha‑ho angʼana ino eghunkörëra chaasoni ambërë e Ryobha.”

1 Yohana 3:3

Omooto wowoose uno aghwitëngʼëra kubha naghotuubhaana na Kirisito, iyeri abhe mutööbhiyu, kinya bhuno Kirisito omwene anyi mutööbhiyu.

Abheebhuraaniya 10:22

Mbe, tubhe toraghe ambërë e Ryobha ne emetema myero ghino ghekomokumi kwo bhuhëënë, gho kubha Eryobha ndetomusiri emetema ghiito emebhe gho nchëra e masaahë gha Yesu na ghoghyeghi emebhere ghiito na amanche ameero.

1 Abhakorinto 13:1

Koru nengasiikiire gho ghighambo ke bhaato hamu ke bhamarayika, amare aribha nteenyi no obhosiighi, nengabheere kinya amareghe gha riitëbhë rino retaanyi ne egheghiro, hamu kinya amareghe gha membe ino eghutëmu bhoowa.

Abharuumi 14:15

Gho ghayo, aribha iye gho kurë ekiinyakurë nyarebhe ngoghughëri omokumi mughëndi waacho abhe na amacheeche mo‑motema waache, hayo nookubha otaanyi no obhosiighi kwo mughëndi waacho. Mbe, otiishereri kubha, gho nchëra e kiinyakurë keecho, omobhori omooto uno Kirisito akweriire!

Abharuumi 9:1

Kirisito neeche kubha kino neghosiikëra ibheere, n‑ke mahëënë. Koru omotema waane uno oghukangatu na Akörö Ahörëëru woose nokuhëënëhi kubha, nteeghosiikëra obhobhiihi.

Amaköri gha Bhatomu 24:16

Gho ghayo, neghwiköngʼi chwee kubha no omotema omuchömu, etabha‑ho ngʼana ino eghunkörëra chaasoni ambërë e Ryobha.

Amaköri gha Bhatomu 15:9

Mbe, Eryobha retaaköriri obhwahukani ghate yaabho na niitu, gho kubha bhoose n‑gho nchëra iyo iyo e komokumi Yesu niyo yeeriri emetema gheebho.

Mataayo 12:35

Omooto omuhëënë naharuusi amachömu koru mo‑machömu ghano ghiichwire mo‑motema waache, amare omooto omobhe naharuusi amabhe koru mo‑mabhe ghano ghiichwire mo‑motema waache.

Mataayo 5:8

Ngʼoni bhano bhaanyi na akörö yeero, gho kubha mbakorerighi Eryobha.

1 Yohana 3:23

Omoghiro waache niwe uno, kubha tomokumi Omoona waache, Yesu Kirisito, na ghosiighana, kinya bhuno ꞉aturagheriiri.

Abheebhuraaniya 13:18

Mwëndërërë ghotusabhera. Ntoonyi no obhuhëënë kubha emetema ghiito ghetaaghototenera ekiina ghyokyose, gho kubha ntoghwiköngʼi ghuköra ghano ghaanyi gha hëënë kwo bhaato bhoose.

Abheebhuraaniya 9:14

Amare ibheere amasaahë gha Kirisito ngaanyi na changuru chwee ghokera amasaahë gha chatyenyi chiyo! Gho nchëra e Körö ino enyi e miishe ghyose, iwe ꞉niiruusiri kwo Waryobha kubha amaruusi ghano ghahikeriine. Amasaahë ghaache nigho ghaghotomusa emetema ghiito ighoro e masari ghano ghaghughëri oroko kubha torisëngërë Eryobha rino reenyi ihöru.

Abhagharatiya 5:6

Mbe, aribha tughöötiine na Kirisito Yesu, ghusaaru hamu kwanga ghusaaru ghotaanyi ne ekebhune ghyokyose. Egheghiro ke bhwëra n‑obhokumi bhwito bhuno bhohaaköra emeremo kwo bhosiighi.

Abharuumi 12:9

Mobhasiighe abhaghëndi kwo mukörö mwero. Motighe kimu ghuköra amabhe, amare mukörë amachömu eriibhagha ryose.

1 Timotewo 1:18

Omoona waane Timotewo, ˆneghakuha amëërëkërëri ghayo, kurëngʼaana na amangʼana gha bharööti ghano ꞉ghaasiikiiru ighoro yaacho. Amangʼana ghayo ngaghoghotoori kurööna eriihë ichömu re meremo ghe Ryobha.

1 Yohana 3:10

Amare omooto uno ataaghuköra gha hëënë, hamu uno atamosiighiri mughëndi waache, uyo taanyi omoona o Ryobha. Hangʼu niho tokumënya obhwahukani bho bhaana bha Ryobha, na abhaana bha Rishambu.