1 Timotewo 1:20 - Eriiraghano Eriihë

²⁰ Ghate e bhaato bhayo naanyi‑mu Himenaayo, na Arekisanta. Abhaato bhayo nereheere Erishambu kubha bhabhönë ameeghi, bhatighe koretoka Eryobha.

1 Timotewo 1:20 Referans Kwoze

2 Timotewo 2:17

Wiiki ameeghi ghaabho ngakorumeeri abhande kinya erighaati re gheseese rino reekurë omobhere. Ghate yaabho mbaanyi‑mu Himenaayo na Bhireeto.

1 Abhakorinto 11:32

Amare ibheere, hano tokuröönu no Omutëmi, hayo naakubha aratweghi, kubha Eryobha retaacha ghototenera ekiina kinya bhuno rekobhatenera ekiina abhaato bhano bhataryeche.

2 Abhatesaronike 3:15

Amare motamubhara kinya omobhisa, mubhe moramoshaangʼi kinya omughëndi waanyu.

Obhohunyurëru 3:19

Abhaato bhano eni nesiighiri, nehaabhahiinya na kobhahööcha. Mbe, mubhe moriiköngʼi na ghotuukuunera amasari ghaanyu.

Amaköri gha Bhatomu 19:33

Abhayahuuti bhakamwimeereri Arekisanta ambërë e bhaato bhayo. Arekisanta akabhahongera okubhökö abhaato bhayo kubha bhakire, gho kubha naare arëënda ghwitachura ambërë yaabho.

Obhohunyurëru 13:1

Nekamara nekarighi oghotyenyi ghumu, ghorarwera mo‑nyancha. Ngoore ne emitu mohungate na chahëmbë ikomi, na kira ruhëmbë ndoore no orohuuru. Wiiki kira omutu noore wandëkuru eriina re ghotoka Eryobha.

2 Timotewo 3:2

Eriibhagha riyo, abhaato mbaakubha bharisiigha abheene, na mbaakubha abhasiighi bha chambiiri, na mbaakubha bhariirighi, na mbaakubha ne emitu miköngʼu, na mbaakubha abhaato bha matoki, na bhataakobhasooka abhiibhori bhaabho, na bhataanyi no oghwitabheri, na bhataanyi no omukörö mwero.

2 Timotewo 2:14

Obhahiiti abhakumi amangʼana ghayo, na kobhashaangʼi ambërë e Ryobha, bhatighe kuhakaana ighoro e mangʼana amasuuhusuuhu. Okuhakaana kuyo ghotaanyi no obhwëra, amare ngoghusari bhano bhakobhatëghëërëra.

2 Abhakorinto 10:6

Hano mookubha momosookiri inkongʼorimu, itu ntookubha tumariri ghwisëëma ghutëma anchagho amangʼana ghoose ghano ghataanyi gha sooko.

Amaköri gha Bhatomu 13:45

Amare Abhayahuuti hano bharooche kubha abhaato bhaaru mbiikomiine kobhatëghëërëra abhatomu bhayo, bhaghaghöötu ne eriihari chwee. Bhaakabha bharashangʼaana na Bhawuro, na ghosiikëra amangʼana amabhe gha kwanga, ghano Bhawuro are arasiikëra.

2 Abhakorinto 13:10

ˆNekabhaandëkëra amangʼana ghano eriibhagha nekeere kuucha, kubha hano nekuucha bhowaanyu, netagharighi ghano ghaghotora ghunköra nibhe muhaari ighoro e bhotoro bhuno aheere Omutëmi. Neghosiikëra hangʼu, gho kubha obhotoro bhuno, m‑bho kobhaköngʼi inyu mo‑bhokumi, taanyi bho kobharumeeri.

Mataayo 18:17

Aribha ataakabhoghwera bhayo bhoose, nooghi orebhoorere eriikanisa. Aribha ataakaryoghwera eriikanisa, mbe, momubhare kinya omooto uno ataakorekumi Eryobha hamu omutöbhi o righööti.

1 Timotewo 5:15

Nekobhugha hangʼu, gho kubha abhande mbamariri korumeera na koritambana Erishambu.

Abheebhuraaniya 12:5

Kana, mwebhuru amangʼana ghano Eryobha ꞉reebhabhooriire gho kobhatoora omukörö inyu bhano moonyi abhaana bhaache? Eryobha ꞉ndeebhughiri kubha, “Iye omoona waane, otabha orachëëra ghano Omutëmi Waryobha waacho, aghoghutöngëra. Wiiki otaku omukörö hano akubha arakurööna.