1 Timotewo 1:17 - Eriiraghano Eriihë

¹⁷ Eryobha niryo Omutëmi o miishe ghyose, retaaghoku, koru retaakorighibhu, na retaanyi‑ho erende kinya iryo. Eryobha resongʼaane asooko na ghoghongibhu, emiishe ne emiishe. Hawubhaabha.

1 Timotewo 1:17 Referans Kwoze

Yuuta 1:25

Iryo niryo Eryobha eryene, rino reenyi Omotoori wiito gho kohetera Yesu Kirisito Omutëmi wiito. Eryobha reghongibhu chwee, gho kubha iryo niryo reenyi no obhokumi obhokoro, na changuru, no obhotoro no obhokoro, korwera kare, ni ibheere, na koru emiishe ghyose. Hawubhaabha.

Obhohunyurëru 19:1

Hano ghayo ghahetiri, nekooghu kinya amaraka gha rikinda ikoro re bhaato iyo Mwishaaro. Bhaghatiiri amaraka gharabhugha, “Aghongibhu Waryobha! Obhotoori, no obhokumi obhokoro no obhotoro m‑bhe Waryobha wiito,

Obhohunyurëru 17:14

Mbaghughöötana nagho ghuköra eriihë no Omoona o Ngʼöndu. Amare Omoona o Ngʼöndu haghirohamu na abhaato bhaache mbakobhahicha, gho kubha iwe n‑Omutëmi o bhatëmi no Omukangati o bhakangati. Abhaato bhaache m‑bhaare ꞉bhaabherekiiru na kwahoru ne Eryobha, abhaato bhayo m‑bha hëënë.”

Abhakorosaayi 1:15

Kirisito n‑eghetuubhaani ke Ryobha, rino retaakorighibhu, na niwe omutange o bheghiro bhyose bhino ꞉bhiitëëmuru.

Obhohunyurëru 19:16

Omooto uyo naare ne eriina rino reere ryandëkiri mo‑ndachana yaache eribhaara re mwitango kubha, omukangati o bhakangati no omutëmi o bhatëmi.

Abharuumi 1:23

Mbatighiri korisëngëra Eryobha Eritööbhiyu rino reenyi‑ho emiishe ghyose, bhaghikareerera ghusëngëra chasanaamu che misambu chino chetuubhiine na abhaato bhano bhaaghoku, hamu chatyenyi, hamu ebhinyönyi hamu ebhetyenyi bhino bhekwingʼuurera chanda.

Obhohunyurëru 19:6

Nekamara, nekooghu amaraka kinya gha rikinda ikoro. Amaraka ghayo ghakaherera kinya bhuure amanche maaru ghahaaherera hano ghahaabha gharaghëri. Wiiki ngaare kinya eriiraka ikoro re runanehi. Gharabhugha, “Aghongibhu Waryobha! Gho kubha Omutëmi Waryobha wiito o Bhotoro Bhoose aghasëëma ghukangata.

1 Yohana 4:12

Taanyi‑ho wowoose uno arerooche Eryobha naabha. Amare torasiighana, nekwërëki kubha Eryobha ndeenyi no obhumu na niitu, obhosiighi bhooche mbohikeriine ghokwito.

Yohana 1:18

Taanyi‑ho omooto wowoose uno arerooche Eryobha. Amare n‑Omoona omwene chiri, uno anyi Eryobha, wiiki naanyi haghirohamu na Taata Waryobha, niwe atohunyuriire Eryobha kinya reenyi.

Mataayo 6:13

Wiiki otatusöhi mo‑masaki, amare ototoori no Omobhisa wuure, [gho kubha obhutëmi m‑bho bhoocho, na changuru, no obhokumi obhokoro, koru emiishe ghyose. Hawubhaabha.]’”

Obhohunyurëru 15:3

Mbaare bhareemba omwembo o Musa omusësë o Ryobha, no o Moona o Ngʼöndu, bharabhugha, “Omutëmi Waryobha o Bhotoro Bhoose, amaköri ghaacho m‑makoro na gha koroghoori. Iye niiye Omutëmi o matöngö ghoose, na chanchëra cheecho n‑che hëënë, na che bhuhëënë.

Obhohunyurëru 7:12

bharabhugha, “Hawubhaabha! Eryobha riito ndeenyi no obhokumi obhokoro, na ndeenyi na amangʼiini, wiiki ndeenyi no obhotoro na changuru choose, toreghongi, toriitabheri, toresooke, emiishe ne emiishe. Hawubhaabha!”

2 Bheetero 3:18

Amare mwëndërërë ghokora mo‑ghareeya na gho komumënya Omutëmi no Omotoori wiito Yesu Kirisito. Aghongibhu, ibheere ne emiishe ghyose! Hawubhaabha.

1 Bheetero 5:11

Eryobha ribhe no obhotoro emiishe ghyose! Hawubhaabha.

Abheebhuraaniya 11:27

Obhokumi ꞉mbuuköriri Musa akaru mo‑se e Miisiri, ino ataaghotiina ghukarara kwo mutëmi. ꞉Naaghumeriiri gho kubha naare kinya akorerighi Eryobha rino retaakorighibhu.

Abharuumi 16:27

Eryobha eryene niryo reenyi na amangʼiini ghoose. Iryo niryo ribhe reraghongibhu emiishe ghyose, gho nchëra e Yesu Kirisito! Hawubhaabha.

Abharuumi 11:36

Eryobha niryo ꞉riitëëmiri ebheghiro bhyose. N‑kohetera ghokooche ebheghiro bhyose mbekwëndërëra kubha‑ho, ne ebheghiro bhyose mbeenyi‑ho gho ghiri e bhokumi bhooche obhokoro. Eryobha reghongibhu emiishe ghyose! Hawubhaabha.

Abharuumi 2:7

Ndekobhaha obhuhöru bho miishe ghyose abhaato bhano bhaghwiköngʼi ghuköra amachömu, gho kubha mbaghutabhara aghongo, na asooko no obhuhöru bhuno bhotaanyi na antenero.

Abharuumi 1:20

Simoka e se, Eryobha ꞉ndiitëëmiri ebheghiro bhyose. Korwera eriibhagha riyo, abhaato mbaghotora korimënya Eryobha kebhuno reenyi, koru nangabha bhataakorerighi. Ebheghiro bhino ꞉riitëëmiri mbëköbhëërëki kubha Eryobha ndeenyi na changuru choose, wiiki kubha iryo niryo Eryobha eryene, retaanyi‑ho erende. Gho ghayo, abhaato bhataaghotora kobhugha kubha bhataryeche Eryobha.

Mataayo 28:20

Wiiki mobheeghi ghoghaghööta ghoose ghano nebherekeriiri inyu. Mööhi! Neekubha haghirohamu na niinyu eriibhagha ryose mbagha mo‑ntenero e se.”

Mataayo 25:34

“Niho eni uno neenyi Omutëmi nekobhabhoorera abhaato bhaare bhaanyi okubhökö koone gho kwiro nebhughe, ‘Muuche, inyu bhano Taata waane abhitabhiiri. Musöhë mo‑bhutëmi bhuno Eryobha rebhasëëmiire korwera ghutëëmu gho se ino.

Yohana 5:44

Mosiighiri ghoghongibhu na abhaghëndi bhaanyu, amare motaaghwiköngʼi ghutabhara asooko ino ekoru kwo Ryobha eryene chiri. Mbe, nibhu moghotora ghokumi?

Abharuumi 2:10

Amare abhaato bhoose bhano bhaghuköra amangʼana amachömu, mbakubhöna aghongo, asooko no omurëmbë, korwera mo‑Bhayahuuti mbagha mo‑bhaato bha matöngö.

Abheebhuraaniya 2:7

꞉Noomoheere omooto changuru insuuhu ghokera bhamarayika kwo riibhagha ighuhe. Amare ibheere nomoheere uyo obhokumi obhokoro na asooko,