1 Timotewo 1:15 - Eriiraghano Eriihë

¹⁵ Angʼana e hëënë ino ekwëndëru abhaato bhayiishereri n‑kubha, “Kirisito Yesu ꞉niichiri mo‑se, kubha atoori abhaato bha masari.” Ghate e bhaato bha masari, eni niköriri amasari ghokera bhoose.

1 Timotewo 1:15 Referans Kwoze

Maariko 2:17

Hano Yesu oghwire hangʼu, akabhabhoorera akabhugha, “Abhaato abhahöru bhataakwënda omughabho, amare abhabhabharu nibho bhakwënda omughabho. Eni ntiichiri kobhabherekera bhano bhakwirighi kubha m-bhahëënë ambërë e Ryobha! Amare niichiri kobhabherekera bhano bhaanyi na amasari.”

Ruuka 19:10

Eni Omoona o Mooto niichiri ghutabhara na ghotoori bhano bhabhoriri.”

Yohana 12:47

“Omooto wowoose uno aghutëghëërëra amangʼana ghaane, amare taaghoghatambana, eni nteekuucha komotenera ekiina, gho kubha ntiichiri mo‑se ino kobhatenera ekiina abhaato, amare niichiri kobhatoori.

Yohana 1:12

Amare bhoose bhano ꞉bhaamosongʼaaniri na komokumi, ꞉naabhaheere obhotoro bho kubha abhaana bha Ryobha.

Ruuka 5:32

Eni ntiichiri kobhabherekera bhano bhakwirighi kubha, m-bhahëënë ambërë e Ryobha. Amare niichiri kobhabherekera bhano bhaanyi na amasari, kubha bhatuukuune.”

1 Yohana 3:5

Mweche kubha Kirisito ꞉niichiri koruusi amasari ghiito. Wiiki iwe taaghuköra amasari ghoghoose.

1 Timotewo 1:13

꞉Naaköriri hangʼu, nangabha ekimbërë hayo ꞉neemotokiri, na neere mutarighanu ghokooche, wiiki ꞉neebhanyaakiri abhaato bhaache. Amare, iwe ꞉naandoochiire changori, gho kubha neere neraköra ghayo kwo bhuraghaanu bhoone na gho kwanga kubha no obhokumi.

Mataayo 20:28

Gho nchëra iyo iyo, eni uno neenyi Omoona o Mooto ntiichiri kuhökëru, amare niichiri nebhahökëri abhaato na koruusi obhuhöru bhoone kubha nebhatingori abhaato bhaaru.”

1 Abhakorinto 15:9

Eni m‑mosuuhu ghokera abhatomu bhoose, nteekurëngʼaanera koru kobherekeru omotomu, gho kubha ꞉neebhanyaakiri abhakumi bha Ryobha.

Yohana 1:29

Atabhoori yaache, Yohana akamorighi Yesu araacha ghokooche. Akabhabhoorera abhaato bhano ꞉bhaare hayo akabhugha, “Mööhi, uyo n‑Omoona o Ngʼöndu o Ryobha, uno akoruusi amasari gha bhaato bhoose!

Mataayo 9:13

Mbe, moghi mweghe amangʼana gha Ryobha mo‑Mandëkö Amatööbhiyu ghano ghakobhugha kubha, ‘Nekwënda möbhëërëki abhaato abhande changori, ghokera konduuseri amaruusi.’ Mbe, eni ntiichiri kobhabherekera bhano bhakwirighi kubha m-bhahëënë ambërë e Ryobha! Amare niichiri kobhabherekera bhano bhaanyi na amasari.”

Mataayo 1:21

Nakwibhora omoona o ghesiite, niiye omoroke eriina reeche Yesu, gho kubha niwe akobhatoori abhaato bhaache koru mo‑masari ghaabho.”

Abheebhuraaniya 7:25

Gho ghiri iyo, iwe naanyi na changuru che kobhatoori kimu kimu abhaato bhoose bhano bhaaghuye kwo Waryobha kohetera ghokooche, gho kubha iwe muhöru emiishe ghyose, nakobhasabhera kwo Waryobha eriibhagha ryose.

1 Timotewo 4:9

Angʼana iyo n‑e hëënë, wiiki abhaato mbakwëndëru bhayiishereri.

Abharuumi 5:6

Mbe, hano itu toore tokeere totaanyi ni inguru, Kirisito ꞉niichiri. Hano eriibhagha rehikiri, aghaku gho ghiri yiito abhabhe.

1 Yohana 3:8

Amare omooto wowoose uno akwëndërëra ghuköra amasari, n‑omooto o Rishambu. Ntweche ghayo gho kubha Erishambu ndyëndëriire ghuköra amasari korwera kare. Nikyo Omoona o Ryobha ꞉ichiri mo‑se, kubha aghisari emeremo ghe Rishambu.

1 Timotewo 3:1

Angʼana ino n‑e hëënë kubha, “Erabha omooto akwënda emeremo ghe bhwimeerereri bho riikanisa, uyo niighombiri emeremo emichömu.”

Abhaebheeso 3:8

Eni m‑mosuuhu neenyi ghokera abhatööbhiyu bhoose bha Ryobha, amare Eryobha ndinsakiiri aghareeya kubha nebharaghaneri abhaato bha matöngö obhwame bho rubhango ro Kirisito runo rotaanyi ne ekirëngërë.

Obhohunyurëru 22:6

Akamara marayika uyo akamboorera akabhugha, “Amangʼana ghano n‑gha mahëënë na gha bhuhëënë. Omutëmi Waryobha uno akobhaha abharööti Akörö yaache, iwe ꞉naatomiri marayika waache kwërëki abhatamishi bhaache amangʼana ghano ghakwëndëru gharwere ghano matiko.”

Obhohunyurëru 5:9

Bhakamwembera Omoona o Ngʼöndu omwembo omuhë uno ore orabhugha, “Iye nokurëngʼaanera kwimoki eghitabhu kiyo, na kunaanura emehuuri gheeche ghe nyaghame, gho kubha iye ꞉noosinchuru. Amasaahë ghaacho, ghakareghorera Eryobha abhaato bha matöngö ghoose, na bha bhighambo bhyose, na abhahiiri bhoose na chaase choose.

Tiito 3:8

Angʼana iyo n‑e hëënë. Nekwënda iye oyihënërërë, kubha bhoose bhano bhakorekumi Eryobha, bhaghaghöötë na ghwiköngʼi ghuköra amachömu. Amangʼana ghayo m‑machömu, wiiki ngaanyi no obhwëra mo‑bhaato bhoose.

2 Timotewo 2:11

Angʼana ino n‑e hëënë, kubha, “Aribha tokuure haghirohamu na Kirisito, ntookubha abhahöru haghirohamu nawe.

Amaköri gha Bhatomu 3:26

Mbe, hano Eryobha remwahwire omutamishi waache Yesu, ꞉ndeemotomiri ghokoonyu singa, kubha abhiitabheri gho koruusi mooto woose mo‑mabhe ghaache.”

Yohana 3:36

Omooto wowoose uno akomokumi Omoona o Ryobha naanyi no obhuhöru bho miishe ghyose. Amare omooto wowoose uno akomwanga taanyi no obhuhöru, gho kubha ghukarara kwo Waryobha ngokwëndërëra kubha ighoro yaache.

Obhohunyurëru 21:5

Akamara wuure are ikeere mo‑ghetumbe ghe ghitëmi akamboorera akabhugha, “Ibheere egheghiro kyose ˆneghaghiköra kibhe kihë!” Wiiki akamboorera akabhugha, “Andëka ghayo, gho kubha amangʼana ghayo n‑gha bhuhëënë na gha mahëënë.”

1 Yohana 5:11

Obhuhëënë bhuyo nibho bhuno, Eryobha ndetoheere obhuhöru bho miishe ghyose. Obhuhöru bhuyo ntokobhubhöna gho nchëra e ghokumi Omoona waache.

1 Timotewo 1:19

Gho ghayo, ughöötërërë obhokumi na kubha no omotema omuchömu. Abhaato abhande bhatatereeriri ghuköra ghaare bheeche kubha n‑gha hëënë, ghayo ngabhaköriri bhasari obhokumi bhoobho.

Mataayo 18:10

Yesu akëëndërëra kobhabhoorera, “Mubhe amiisho, motataraaha umu mo‑bhasuuhu bhano! Gho kubha ˆnekabhabhoorera kubha, bhamarayika bhaabho bha Mwishaaro eriibhagha ryose mbaanyi ambërë e Taata waane uno anyi Mwishaaro. [

Amaköri gha Bhatomu 11:18

Hano Abhayahuuti bhayo bhooghwire ghayo, bhataare na re ghugharokeri. Bhakaritöghösi Eryobha bhakabhugha, “Kana, Eryobha ndebhaheere abhaato bha matöngö aghande omweya o ghotuukuunera amasari ghaabho, kubha bhabhönë obhuhöru bho miishe ghyose!”

Amaköri gha Bhatomu 11:1

Ibheere abhatomu bha Yesu na abhakumi abhande bha iyo Yuteya, bhakooghu kubha abhaato bha matöngö bhoose mbiisheriiri angʼana e Ryobha.

Ruuka 15:2

Gho ghayo, eghaghëri Amabharisaayo na abheeghi bha meghiro, bhariingʼunyerangʼunyera bharabhugha, “Omooto uno, ngwake akobhaghënëhi abhaato bhano bha masari! Wiiki nakuraaghëra haghirohamu nabho!”

Abharuumi 11:14

gho nchëra yoyoose yiire, nebhakörë Abhiisiraeri abhaghëndi bhaane bhabhe na amiigha gha kubhöna obhotoori kinya bhuno inyu mobhwine, kubha abhamu ghate yaabho bhatooribhu.

1 Timotewo 6:13

Neghaghokumereri ambërë e Ryobha rino reghotoora obhuhöru moose e bheghiro bhyose, na ambërë e Kirisito Yesu uno aruusiri obhwibhateri bho mahëënë ambërë e Bhontiyo Bhiraato, kubha,

Mataayo 18:11

Eni uno neenyi Omoona o Mooto ꞉niichiri mo‑se kubha nebhatoori bhano bhabhoriri.]