1 Bheetero 5:8 - Eriiraghano Eriihë

⁸ Mwikabhaahe, wiiki mubhe miisho eriibhagha ryose, gho kubha omobhisa waanyu, Erishambu, ndehaghëndaghënda kinya aka ino eghwitima eratabhara omooto emure.

1 Bheetero 5:8 Referans Kwoze

Abhaebheeso 6:11

Mwinate ebhiröönërö bhyose bhino Eryobha rebhaheere, kubha motore kwanga obhuröngö bhoose bho Rishambu.

Yakobho 4:7

Mbe, mubhe moraresooka Eryobha. Amare moryange Erishambu, niho rekobhangʼösa.

Abhaebheeso 4:27

na motariha Erishambu omweya.

1 Bheetero 1:13

Gho ghayo, mubhe miisho na mutëngë, na mubhe ne ekirëngërë. Motoore amiitëngʼërö ghoose mo‑ghareeya ino mokuucha kubhöna, hano Yesu Kirisito akorighibhu haheero.

1 Bheetero 4:7

Antenero e mangʼana ghoose ˆeghatingʼi. Gho ghayo, mubhe bhangʼiini na mwikabhaahe mo‑ghoose, kubha motore ghusabha.

Ruuka 21:36

Gho ghayo, mubhe miisho eriibhagha ryose! Mwiköngʼi ghusabha Eryobha, kubha rebhatoori ghwisacha ghayo ghoose ghakuucha korwera, muuche motore kwimeerera ambërë yaane eni Omoona o Mooto.”

Ruuka 22:31

Yesu akabhugha, “Oo Simiyooni, oo Simiyooni! Mööhi, Erishambu ndëköbhëënda, ribhönë kobhahonga inyu bhoose kinya bhahaahonga angano.

Tiito 2:12

Aghareeya iyo, neghotweghi kwanga amabhe na amiigha gha mo‑se. Gho ghayo, eriibhagha tokeere mo‑se ino, tubhe ne ekirëngërë, na abhahëënë, na tubhe abhaato bhano bhamanyiri eriimanya rino Eryobha rekwënda.

Obhohunyurëru 12:12

Gho ghayo, muchömëru, inyu bhoose bhano mumanyiri iyo ighoro Mwishaaro! Amare horeera mokorighi inyu bhoose bhano mumanyiri mo‑se na mo‑nyancha, gho kubha Erishambu ndirëkiiru haase ghate yaanyu. Ndikariire chwee, gho kubha ndyeche chaasiko cheeche n‑insuuhu.”

Yohana 8:44

Inyu n‑abhaana bhi iso waanyu Erishambu, wiiki mokwënda ghuköra ghano taata waanyu aghwighomba. Erishambu n‑diiti korwera kare, wiiki retasiighiri kwimeerera mo‑bhuhëënë gho kubha, obhuhëënë bhotaanyi mo‑motema waache. Aribha Erishambu rekobhugha obhuröngö, iyo n‑atëëmö yaache gho kubha iryo n‑iröngö wiiki n‑taata o bharöngö bhoose.

Mataayo 13:39

Omobhisa uno ꞉emiri eghetoki natuubhiine ne Erishambu. Omughësö notuubhiine no orosiko ro ghoteneru ekiina ase, na abhaghësi mbatuubhiine na bhamarayika bha Ryobha.

Obhohunyurëru 12:9

Oghuchöka ghokarëkëru mo‑se. Ghuno nigho oghuchöka ghuure gho kare ghuno ghokobherekeru Ibhiriisi hamu Erishambu. Ngokongʼiina abhaato bhoose mo‑se. Mahëënë ngurëkiiru mo‑se haghirohamu na bhamarayika bhaache.

Mataayo 24:42

Mbe, mubhe miisho, gho kubha moteeche orosiko runo eni Omutëmi waanyu nekuucha.

Obhohunyurëru 20:10

Mbe, Erishambu, rino rebhangʼiiniri, ndekurëkëru mo‑nyancha e mororo muhaari chwee. Hayo niho ahaghiro hano bharëkiire oghotyenyi ghuure no omurööti wuure o bhuröngö. Ibho mbakunyaakibhu iyo obhotiko no omwishe, emiishe ne emiishe.

Ruuka 21:34

“Mubhe miisho, motaacha ghokeyu no obhohobhaaru, no obhurëëbhi, na anyaako e riimanya rino. Wiiki moraanga kubha miisho, orosiko runo ro ntenero ndokobhahikera bhwango na kobhataki!

Tiito 1:8

Nakwëndëru abhe omooto uno asiighiri ghughënëhi abhaato, na abhe omooto uno asiighiri amachömu, na uno anyi ne ekirëngërë, no omuhëënë, na mutööbhiyu, na uno aghotora ghwikangata.

2 Timotewo 4:17

Amare Omutëmi Yesu naare haghirohamu na neeni. ꞉Naaheere changuru che kuraghani Angʼana Anchömu kwo bhohikeeranu, kubha abhaato bhoose bha matöngö bhayooghu. ꞉Naantooriri mo‑tabhaaribhaari e roko, gho kubha neere kinya uno anyi mo‑monu o ka.

Tiito 2:6

Koru abhabhureni, obhatöngërë bhabhe ne ekirëngërë.

Tiito 2:2

Obhabhoorere abhagharuka bha ghesubhe, bhabhe ne ekirëngërë, na asooko, na amangʼiini, bhabhe abhahëënë mo‑bhokumi, na mo‑bhosiighi na mo‑bhoghumereri.

1 Timotewo 2:15

Amare hano omukari akwibhora na ghotugha omoona waache, naghotooribhu aribha akwëndërëra ghwikara mo‑bhokumi, no obhosiighi, no obhutööbhiyu na kubha ne ekirëngërë.

Obhohunyurëru 20:2

Aghaghughööta oghuchöka ghuure, oghuchöka ghuure gho kare ghuno ghokobherekeru Ibhiriisi hamu Erishambu, aghaghubhöha no omunyörörö kwo riibhagha re meeka egheku kimu,

Tiito 2:4

Gho ghuköra hangʼu, bhabhe bhareeghi abhasubhaati kubha bhabhasiighe abhasubhe bhaabho na abhaana bhaabho.

1 Timotewo 3:11

Abhakari bhaabho nabho, bhabhe bhano bhaanyi na atëëmö inchömu, bhatabha abhitaamereri bha bhaato, bhabhe ne ekirëngërë, wiiki bhabhe abhahëënë mo‑mangʼana ghoose.

1 Timotewo 2:9

Hangʼu hangʼu nekwënda abhakari bhiichöchë, bhabheeke amaghööti gha sooko ghano ghakwëndëru, gho sooko ne ekirëngërë. Ghwichöcha koobho ghotabha gho ghoshuka chanchweri, hamu gho kobheeka ebheghiro bhe sahaabhu na bhino bhekubharibhari, hamu changibho che riighori ikoro.

Mataayo 4:1

Akamara Yesu aghakangatu na Akörö Ahörëëru ghuye mwibhara kubha asakibhu ne Erishambu.

1 Timotewo 3:2

Mbe, asikoofu uyo, abhe omooto uno ataanyi ni isörö. Abhe no omukari umu hangʼu, na abhe ne ekirëngërë, wiiki abhe uno anyi na amangʼiini. Abhe omooto uno aghosooku, na abhe omooto uno asiighiri ghughënëhi abhaato, na uno eche kweghi abhaato angʼana e Ryobha.

Mataayo 25:41

“Niho nekobhabhoorera bhaare bhaanyi okubhökö koone gho kumosi nebhughe, ‘Mondwere hano inyu bhano Eryobha riihiimiri! Moghi mo‑mororo o miishe ghyose uno Eryobha riisëëmiri gho ghiri e Rishambu na bhamarayika bhaache.

Mataayo 4:11

Niho Erishambu rekamotigha Yesu hayo, hayo hayo bhamarayika bha Ryobha bhakaacha komuhökëri.

Maariko 4:15

Abhaato abhande mbatuubhiine ne eriiröbhë re mo‑nchëra. Hano bhakooghu hangʼu angʼana e Eryobha, Erishambu ndehaacha, na koyeruusi angʼana yiire mo‑metema gheebho.

2 Abhakorinto 2:11

kubha Erishambu retaacha ghotokinda, gho kubha ntweche obhongʼiiningʼiini bhooche.

Obhohunyurëru 12:10

Mbe, nekooghu eriiraka ikoro koru Mwishaaro rerabhugha, “Ibheere, Eryobha riito ˆreghatoori abhaato bhaache. Ndihökiiri obhotoro bhooche ghusëëmi obhutëmi bhooche! Kirisito woose nëërëkiri obhotoro bhooche, gho kubha omusëmi o bhakumi bhaghëndi bhiito narëkiiru haase, uno akobhasëma ambërë e Ryobha obhotiko no omwishe.