1 Bheetero 5:2 - Eriiraghano Eriihë

² morechonge erikinda re Ryobha rino muhaabhuru. Wiiki morechonge kinya bhuno Eryobha rekwënda, taanyi gho kuhaamereru, amare gho kwënda koonyu inyu bheene. Motaköra emeremo gheenyu gho ghwighomba chambiiri, amare mubhe no omukörö o ghwiköngʼi.

1 Bheetero 5:2 Referans Kwoze

Tiito 1:7

Ibheere asikoofu, nakwëndëru abhe omooto uno ataanyi ni isörö, gho kubha nahaabhuru emeremo ghe Ryobha. Atabha omooto uno anyi no omutu muköngʼu, na atabha mwango o ghukarara, na atabha omurëëbhi, na atabha omurööni, wiiki atiighomba kwibhönëra chambiiri gho nchëra ambe.

1 Timotewo 3:8

Amashemaasi hangʼu hangʼu, bhabhe abhaato bhano bhaanyi na atëëmö inchömu, bhatabha chaghughuuti, bhatabha abharëëbhi, bhatiighomba kwibhönëra chambiiri gho nchëra ambe.

Tiito 3:1

Ubhe orabhahiiti abhaato kubha, bhabhasooke na kobhoghwera abhakangati na bhano bhaanyi no obhotoro. Bhabhe bhiisëëmiri ghuköra angʼana yoyoose anchömu.

1 Timotewo 3:3

Atabha omurëëbhi, atabha omurööni, abhe muhörëëru uno asiighiri omurëmbë. Wiiki atabha omosiighi o chambiiri.

1 Abhakorinto 9:7

N‑omoshirikare ke uno aghuye mwihë gho kwirehera omwene? N‑omoremi ke uno akwemi emisabhiibhu mo‑moghondo waache, uno ataakurë amakorobhese ghaache? Wiiki n‑omoriishi ke uno ataakunyo amabhëërë gha chaatugho cheeche?

2 Bheetero 2:3

Kwo miigha ghaabho amabhe gha kubhöna obhwëra koru ghokoonyu, mbaakubha bharabhabhoorera amaghano gha bhuröngö. Amare korwera kare, Eryobha ndiisëëmiri kobhatenera ekiina na retaamara ryebhu kobhasireekereri!

Abheebhuraaniya 12:15

Mubhe amiisho kubha ataacha kubha‑ho omooto wowoose uno aghokindu kubhöna aghareeya e Ryobha. Wiiki eriitina re bhosongo retasebhoka rebhanyaaki, reghonchi chaakörö che bhaato bhaaru.

Tiito 1:11

gho kubha mbakorumeeri abhaato mo‑chanyumba chaaru. Mbakweghi amangʼana ghano ghatanchekiine, mbaghutabhara kwibhönëra chambiiri gho nchëra ambe.

Ruuka 12:32

“Motatiina, inyu erikinda isuuhu, gho kubha Iso waanyu uno anyi Mwishaaro nasiighiri kobhaha obhutëmi bhooche.

Bhiremooni 1:14

Amare ibheere nerooche teenyi bhoheene ghuköra ghyokyose ntaamara mböna amitëghëërërö ghaacho. Nteekwënda ghokuhatëka kubha ontoori, amare obhuhöriicho bhoocho obhukörë gho kwënda koocho iye mwene.

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.

Abharuumi 1:15

Gho ghayo, neghwighomba chwee niiche kuraghani Angʼana Anchömu koru na ghokoonyu bhano moonyi iyo Ruumi.

Amaköri gha Bhatomu 21:13

Amare aghatugharokeri akabhugha, “Ghwake mokorera na kwënda koonyita omukörö? Kana eni niisheriiri kubhöhu, koru ghwitu iyo Yerusareemu gho ghiri e riina re Mutëmi Yesu.”

Amaköri gha Bhatomu 20:29

“Nyeeche kubha hano neekubha nebhatighiri inyu, abhaato bhahaari kinya chasuuche, mbakuucha ghateghate yaanyu, na bhataakorerigheri changori erikinda riyo.