1 Bheetero 3:9 - Eriiraghano Eriihë

⁹ Motareha amabhe kwo mabhe, hamu amatoki kwo matoki, amare mobhiitabheri abhande. Mobherekiiru ghuköra hangʼu, kubha inyu bhoose mubhönë orubhango.

1 Bheetero 3:9 Referans Kwoze

Abharuumi 12:17

Hano abhaato bhakobhakörëra amabhe, motarehani amabhe kwo mabhe. Amare eriibhagha ryose hano mookubha mokeere ghuköra ghyokyose kwo bhande, mwihëëbhë singa na mukörë ghaare ghakorighibhu kubha m‑machömu kwo bhaato bhoose.

Abharuumi 12:14

Mobhasabhere abhaato bhano bhakobhanyaaki, kubha Eryobha rebhiitabheri. Motabha morabhasabhera kubha bhiihiimu.

1 Abhatesaronike 5:15

Mumööhi, omooto wowoose atamoreha omughëndi waache amabhe kwo mabhe. Amare eriibhagha ryose mubhe morakörërana amachömu inyu bheene na kobhakörëra abhande bhoose.

Mataayo 5:44

Amare eni ˆnekabhabhoorera kubha, mobhasiighe abhabhisa bhaanyu. Wiiki, mobhasabhere kwo Ryobha bhoose bhano bhakobhanyaaki.

Abhaebheeso 4:32

Amare morigherani changori mubhe ne emetema myero kwo bhande. Mubhe moraabhërana kinya bhuno Eryobha rebhaabhiire gho kohetera gho Kirisito.

Mataayo 5:39

Amare eni ˆnekabhabhoorera kubha, otamoreha obhobhe omooto uno aghuköriire obhobhe. Aribha omooto araghutëma orohe mo‑rusa ro kwiro, omugharurere na ro kumosi wiiki.

1 Bheetero 5:10

Eryobha rino reenyi na aghareeya yoose, ndebhabherekiire ghusanga obhokumi bhooche obhokoro bho miishe ghyose, gho ghughöötana na Kirisito. Amare moramara kunyaaka kwo riibhagha ighuhe, iryo eryene ndekobhaköngʼi, ndekobhaha changuru, na kobhaköngʼëërëri.

Abharuumi 8:28

Ntweche kubha, mo‑ghoose Eryobha ndehaabhakörëra amachömu abhaato bhoose bhano bharesiighiri, bhano rebhabherekiire kurëngʼaana na amënda ghaache.

Mataayo 25:34

“Niho eni uno neenyi Omutëmi nekobhabhoorera abhaato bhaare bhaanyi okubhökö koone gho kwiro nebhughe, ‘Muuche, inyu bhano Taata waane abhitabhiiri. Musöhë mo‑bhutëmi bhuno Eryobha rebhasëëmiire korwera ghutëëmu gho se ino.

Abheebhuraaniya 6:14

Eryobha ꞉ndiirahiiri kwo Abhurahamu rerabhugha, “Hëënë neghoghwitabheri na koruköra orwibhoro roocho kubha rwaru.”

Ruuka 18:18

Wiiki omukangati umu omwame, akaacha komobhoori Yesu akabhugha, “Omweghi omuhëënë, nikörë ke, kubha mo‑rosiko ro ntenero nibhönë obhuhöru bho miishe ghyose?”

Ruuka 10:25

Orosiko rumu, omweghi umu o meghiro ghe Musa akiimeerera, akamobhoori Yesu eribhoori gho komusaki, akamobhoorera akabhugha, “Oo Omweghi, nikörë ke, kubha mo‑rosiko ro ntenero nibhönë obhuhöru bho miishe ghyose?”

Mataayo 19:29

Mbe, omooto wowoose uno atighiri anyumba hamu bhaömööbhö hamu abhasubhaati hamu ishe hamu nyina hamu abhaana bhaache hamu emeghondo gho ghiri yaane, naghosongʼaana bhyose kwo bhwaru chwee. Wiiki nakubhöna obhuhöru bho miishe ghyose.

Abharuumi 8:30

Mbe, bhayo reere ryahwire, nibho bhano ꞉reebherekiire, na bhano ꞉reebherekiire, nibho bhano ꞉riibhariire kubha mbaanyi no obhuhëënë, na bhano ꞉riibhariire kubha mbaanyi no obhuhëënë, nibho bhano ꞉riiraghiire kubha ndekobhaha obhokumi obhokoro.

Maariko 10:17

Hano Yesu na abhaanabheegha bhaache bhasëëmiri ghutanura, omooto umu akamuyaarera, akabhuna ebheru ambërë yaache. Akamobhoori Yesu akabhugha, “Omweghi omuhëënë, nikörë ke, kubha mo‑rosiko ro ntenero nibhönë obhuhöru bho miishe ghyose?”

Abhagharatiya 3:14

Natotooriri, kubha orubhango runo ahaabhuru Abhurahamu, robhahikere abhaato bha matöngö kohetera Yesu Kirisito. Mbe, ibheere itu bhoose ntoghotora ghosongʼaana Akörö Ahörëëru ino Eryobha ꞉riiraghiri ghotuha gho nchëra e komokumi Yesu Kirisito.

Abheebhuraaniya 12:17

Inyu mweche kubha, eriibhagha Esaawu ꞉ëndiri ghughabha orubhango, ishe akaanga, gho kubha tabhwine omweya o ghotuukuuna amasari ghaache, nangabha ꞉atabhiire gho changishori.