Biblia Todo Logo
Bib sou entènèt

- Piblisite -




1 Bheetero 3:1 - Eriiraghano Eriihë

1 Hangʼu hangʼu inyu abhakari, mobhasooke abhasubhe bhaanyu, kubha aribha bhaanyi‑ho bhano bhataakorekumi Eryobha, bhatore korutu gho korighi atëëmö yaanyu anchömu. Gho ghayo bhatore ghokumi Eryobha nangabha bhatabhooriiru angʼana,

Gade chapit la Kopi




1 Bheetero 3:1
26 Referans Kwoze  

Inyu abhakari, mubhe morabhasooka abhasubhe bhaanyu kinya ekwëndëru mo‑bhaato bhano bhamokumi Omutëmi Yesu.


Amare na niinyu bhoose ˆnekabhabhoorera kubha, omooto woose amosiighe omukari waache kinya bhuno isiighiri omwene. No omokari woose, atatigha komosooka omosubhe waache.


Amare ibheere nekwënda mumënyë kubha omutu o mosubhe wowoose uno akumiri, n‑Kirisito, no omutu o mukari, n‑omosubhe waache, no omutu o Kirisito n‑Eryobha.


Iye omukari omokumi, toghotora kumënya! Hamu omosubhe waacho naghotora komokumi Kirisito gho ghiri e bhokumi bhoocho. Hamu na niiye omosubhe omokumi, toghotora kumënya! Hamu omukari waacho naghotora komokumi Kirisito gho ghiri e bhokumi bhoocho.


Inyu abhasubhe, mwikare na abhakari bhaanyu kwo bhongo, moramënya kubha bhataanyi ni inguru kinya inyu. Mobhatughe gho kobhasooka, gho kubha ibho bhoose mbaghughabha aghareeya e bhuhöru. Gho ghayo abhasubhe, mukörë hangʼu, kubha amasabhi ghaanyu ghatahööchërëru.


Motighe nëbhëërëkërëri angʼana iyo gho ghetuubhaani. Emeghiro ngekwërëkërëri kubha, omukari uno akwiruru taaghwisherereru ghutaana no omosubhe waache akeere anyi omuhöru. Amare aribha omosubhe waache araku, emeghiro ghiyo ghetaakomubhöha wiiki.


Hano mookubha mwikomiine, abhakari bhabhe bhakiriri, gho kubha bhataaghwisherereru ghosiikëra. Bhabhe abhasooku kinya bhuno emeghiro ghe Musa ghekobhugha.


“Aribha omokumi mughëndi waacho aghutasiiri, omutambane omoshaangʼi moonyi inyu bheene. Aribha arakoghwera, mbe, nookubha obhwine wiiki omokumi mughëndi waacho.


Mubhe na amangʼiini mo‑bhoghwani bhoonyu na abhaato bhano bhataamara bhamokumi Yesu, wiiki muhökëri eriibhagha reenyu bhoheene.


Obhokumi ꞉mbuuköriri Abhurahamu akaresooka Eryobha, hano remobhooriire kubha aru mo‑se yaache, aghi mo‑se ino Eryobha ꞉reemuraghiri komuha. Abhurahamu akaru mo‑se yaache, nangabha taamënyiri hano aghuye.


Yesu niwe akobharööna bhoose bhano bhakoryanga Eryobha na bhano bhataaghosooka Angʼana yaache Anchömu.


Kare, inyu moore abhasësë bha masari. Amare nekoriitabheri Eryobha, gho kubha ibheere mwisheriiri kwo metema gheenyu ghyose ghosooka ameeghi gha bhuhëënë ghano ꞉moosongʼaaniri.


Mumënyë kubha, eriibhagha re ghoteneru ekiina ˆrekahika, ne Eryobha ndeghusëëma ghotenera ekiina abhaato bhaache. Ibheere, aribha ghoteneru ekiina ngoghusëëmëra ghokwito itu bhano toonyi abhaato bhaache, kana nibhu ekubha kwo bhano bhakwanga Angʼana Anchömu e Ryobha?


Inyu mumanyiri kurëngʼaana na ameeghi gha hëënë ighoro e Yesu. Gho ghayo, emetema gheenyu ngyeghuru ni ibheere moghotora ghosiigha abhaghëndi bhaanyu kwo bhuhëënë. Mbe, mosiighane kwo mukörö mwero,


Kurëngʼaana na ghayo, Eryobha rekamohikeerani na kurëngʼaanera kubha simoka e bhotoori bho miishe ghyose gho ghiri e bhaato bhoose bhano bhakomosooka.


Koru hangʼu, taanyi Abhiisiraeri bhoose bhayiisheriiri na koyesooka Angʼana Anchömu iyo, abhaaru ꞉mbaayaangiri. Omurööti Isaaya ꞉naabhughiri kubha, “Omutëmi, n‑niwe uno ꞉akumiri amangʼana ghiito?”


gho kubha mbakorighi eriimanya reenyu kinya reenyi ichömu na re sooko.


Swiv nou:

Piblisite


Piblisite