1 Bheetero 2:24 - Eriiraghano Eriihë

²⁴ Kirisito omwene ꞉niimokiri amasari ghiito mo‑mobhere waache ighoro e musarabha. ꞉Naaköriri hangʼu, kubha itu toku mo‑mangʼana gha amasari, amare tubhe abhahöru mo‑mangʼana gha bhuhëënë. Na gho ghutëmu kooche, inyu muhöruru.

1 Bheetero 2:24 Referans Kwoze

Mataayo 8:17

Ghayo ꞉ngaaköruru kubha ehikeerane angʼana yiire esiikiiru no omurööti Isaaya kubha, “Omwene ꞉niimokiri obhutöbhu bhwito, na ghoghaghëgha amabhabharu ghiito.”

Abharuumi 6:11

Inyu bhoose, mubhe moriirighi kubha mokuure haghirohamu nawe, na amasari ghataaghotora kobhakangata wiiki. Hangʼu hangʼu, mubhe moriirighi kubha ibheere m‑bhahöru moonyi, na mumanyiri gho ghiri e koretegheri Eryobha, gho ghughöötana na Kirisito Yesu.

Obhohunyurëru 22:2

Orooche ruyo ndoore roraghëri ghateghate e nchëra ankoro e moghya uyo. ꞉Haare no omote uno okobhaha abhaato obhuhöru uno urandiri chambaara choose che rooche. Omote uyo noghusönga amakorobhese mara ikomi na kabhere kwo mooka, kurëngʼaana ne emyëri. Amato ghaache n‑omote o kuhöri amatöngö.

1 Yohana 2:29

Mweche kubha Kirisito n‑o bhuhëënë, gho ghayo, mumënyë kubha wowoose uno aghuköra gha bhuhëënë, niwe omoona o Ryobha.

Yakobho 5:16

Mbe, mubhe moratuukuunerana amasari ghaanyu na ghusabherana kwo Waryobha, kubha mubhönë kuhöribhu amabhabharu ghaanyu. Amasabhi gha mooto omuhëënë ngaanyi no obhotoro bho ghuköra amangʼana amarito.

Abheebhuraaniya 9:28

Hangʼu hangʼu Eryobha ꞉ndeemoruusiri Kirisito kubha aku na kubha amaruusi mara rimu hangʼu kubha Eryobha rebhaabhërë abhaato bhaaru amasari ghaabho. Wiiki Kirisito nakuucha mara e kabhere. Amare eriibhagha riyo, taakuucha kwabhëra abhaato amasari ghaabho, amare nakuucha kobhaha obhotoori abhaato bhano bhaghwiköngʼi komughanya.

Abhagharatiya 3:13

Kirisito natotingwiri koru mo‑riihiimo re meghiro gho kwimoki eriihiimo riyo gho ghiri yiito. Amandëkö Amatööbhiyu ngakobhugha, “Wowoose uno amamburu mo‑musarabha, niihiimuru.”

Abharuumi 6:2

Naabha, koru hasuuhu! Itu ntubheere kinya abhaku kwo mangʼana gha ghuköra amasari. Gho ghayo, totaaghotora kwëndërëra kumanya wiiki mo‑masari.

Abhakorosaayi 3:3

gho kubha atëëmö yaanyu e masari nekuure. Ibheere obhuhöru bhoonyu mboonyi haghirohamu na Kirisito ambërë e Ryobha. Amare obhuhöru bhuyo bhotaakorighibhu mo‑bhaato abhande.

Abharuumi 6:13

Motiishereri ebhyemo bhyobhyose bhe mebhere gheenyu bhihökëru gho ghiri e masari kinya ebheghiro ebhebhe, amare mwiruusi kwo Waryobha. Mwirighi kubha moonyi abhaato bhano bharyokiibhu koru mo‑bhaku, na ghusöhibhu mo‑bhuhöru obhuhë. Mwiruusi kwo Waryobha, ne ebhyemo bhyose bhe emebhere gheenyu bhibhe bherarikörëra emeremo kinya ebheghiro ebhihëënë.

Yohana 1:29

Atabhoori yaache, Yohana akamorighi Yesu araacha ghokooche. Akabhabhoorera abhaato bhano ꞉bhaare hayo akabhugha, “Mööhi, uyo n‑Omoona o Ngʼöndu o Ryobha, uno akoruusi amasari gha bhaato bhoose!

Abharuumi 7:6

Ntoore tubhöhuru ne emeghiro, amare ibheere ntokuure haghirohamu na Kirisito, gho ghayo emeghiro ghiyo ghetaaghotubhöha wiiki. Ibheere totaakorihökëri Eryobha gho kohetera anchëra e kare e ghughööta emeghiro ghino ghyandëkuru, amare gho nchëra ahë e ghukangatu na Akörö Ahörëëru.

1 Yohana 3:7

Ibheere abhaana bhaane abhasiighani, motiishereri kubha omooto wowoose abharumeeri. Wowoose uno aghuköra gha bhuhëënë naanyi no obhuhëënë ambërë e Ryobha, kinya bhuno Kirisito anyi no obhuhëënë.

Abharuumi 6:7

Omooto araku anyi hangʼu, nabheere omooto huuru, koru taakubhöhu na amasari.

Abharuumi 6:16

Moteeche kubha, moriiruusi kwo mooto na ghuköra ghano akwënda, niho mookubha moramosooka kinya abhasësë bhaache? Mbe, kinya mookubha moriiruusi ghuköra amasari, mookubha abhasësë bha masari, na kino ghekobhabhöna n‑oroko. Amare aribha moriiruusi koresooka Eryobha, mookubha abhasësë bha Ryobha, na kino ghekobhabhöna n‑eriimanya rino reenyi re bhuhëënë.

2 Abhakorinto 6:17

Gho ghayo Omutëmi Waryobha ꞉naabhughiri wiiki kubha, “Moru ghateghate yaabho, mwiyaahukani nabho. Motaturi egheghiro egheghonchu, niho na neeni nekobhaghënëhi.

Amaköri gha Bhatomu 5:30

Inyu momwitiri Yesu gho nchëra e komumamba mo‑musarabha, amare Eryobha re bhasookoro bhiito rekamoryoki.

Ruuka 4:18

“Akörö e Mutëmi Waryobha, neenyi haghirohamu na neeni. Wiiki, nimariri konyaahura kobhamënyi, abhahabhe Angʼana Anchömu. Nentomiri kwo bhabhöhu, nebhabhoorere kubha mbaghotighooroku. Abhahuku, bhatore korighi wiiki, na bhano bhakunyaakibhu, nebhatoori.

Mataayo 5:20

Mbe, ˆnekabhabhoorera kubha, aribha moraanga ghuköra ghano Eryobha rekwënda ghokera Amabharisaayo na abheeghi bha meghiro, motaaghusöha kimu mo‑bhutëmi bho Mwishaaro.

Abheebhuraaniya 12:13

Mughëndë mo‑chanchëra chino chighörörökiri, kubha kino keenyi ekibhëëru ghetaacha kunyahaareka, amare kihöru.

Amaköri gha Bhatomu 13:29

Hano bhahikeriine ghuköra ghoose ghano ꞉ghaare ghaandëkuru ighoro e Yesu, bhakamwiki koru mo‑musarabha, bhakamoryeka.

Amaköri gha Bhatomu 10:35

Iryo ndekobhiishereri abhaato bha matöngö ghoose bhano bhakomoghwera, na ghuköra ghano ghaanyi gha hëënë ambërë yaache.

Abheebhuraaniya 7:26

Omuchaama Omokoro anga uyo nakwëndëru chwee ghokwito gho kubha iwe m‑Mutööbhiyu, na taanyi ni isörö, wiiki taaköriri amasari ghoghoose ghaare. Eryobha ndemwahwire koru mo‑bhaköri bha masari, rekamotiiri ghuye Mwishaaro.

Abhakorosaayi 2:20

Inyu atëëmö yaanyu e kare ꞉neekuure haghirohamu na Kirisito, gho kubha ꞉naabhatooriri koru mo‑chaakörö chambe chino cheghukangata ase ino. Mbe, ngwake mokeere mwikeere kinya abhaato bha mo‑se ino? Motiishereri ghosooka emeghiro ghenga ghino,

Abharuumi 6:22

Ibheere Eryobha ndebharuusiri koru mo‑kibhöhö ke masari, kubha motabha abhasësë bha masari wiiki. Amare ndebhaköriri kubha abhasësë bhaache, na kurëngʼaana na ghayo mobhwine obhwëra. Obhwëra bhuyo n‑korihökëri Eryobha gho körö imu na antenero yaache n‑ghosongʼaana obhuhöru bho miishe ghyose.

Amaköri gha Bhatomu 10:39

“Itu n‑abhiibhateri bha ghayo ghoose ghano Yesu ꞉aköriri mo‑se e Bhayahuuti, na mo‑moghya o Yerusareemu. Bhakamara bhakamwita gho komumamba mo‑musarabha,

Mataayo 27:26

Akamara Bhiraato akabhiighorera Bharaabha, amare akahatëka abhaashirikare bhaache kubha bhamutëmë Yesu ne emicharicho na komumamba mo‑musarabha.

Abhaebheeso 5:9

Ghano ghakwërëki kubha mumanyiri mo‑bhwero n‑ghuköra amangʼana amachömu, na ghano Eryobha rekwënda, na gha bhuhëënë.

Yohana 19:1

Mbe, Bhiraato akahatëka abhaashirikare bhamwimoki Yesu bhamutëmë emicharicho.

Abhabhiribhi 1:11

Eriimanya reenyu ndeghwichora amangʼana gha hëënë ghano ghakubhönëka gho nchëra e Yesu Kirisito. Ghayo ghoose gharekumi na koreghongi Eryobha.

Maariko 15:15

Bhiraato naare arëënda korichömëri erikinda riyo re bhaato, gho ghayo akabhiighorera Bharaabha. Akahatëka abhaashirikare bhaache bhamutëmë Yesu ne emicharicho. Akamara akamuhaana, bhamumambe mo‑musarabha.

1 Abhakorinto 15:3

Nebheeghiri ameeghi gha bhwëra ghano eni omwene neghasongʼaaniri, kubha Kirisito ꞉naakuure gho ghiri e masari ghiito, kinya bhuno yandëkuru mo‑Mandëkö Amatööbhiyu.

Abhakorosaayi 2:14

Eryobha ndetorehiire asiire e masari, nderehiri inkongʼorimu gho nchëra e Yesu ghotokwera mo‑musarabha.

Abheebhuraaniya 10:5

Nikyo ꞉ghiighëriri hano Kirisito ichiri mo‑se ino, akarebhoorera Eryobha akabhugha, “Iye tookwënda amaruusi gha chatyenyi koru amaruusi gha ghosireekereru, amare nusëëmiri omobhere waane.

Abheebhuraaniya 10:10

Mbe, gho kubha Yesu ꞉naahikeriine amënda gha Ryobha, itu ntoghuköru abhatööbhiyu gho nchëra e maruusi gha mobhere o Yesu Kirisito uno ꞉iruusiri mara rimu hangʼu.