1 Bheetero 2:21 - Eriiraghano Eriihë

²¹ Eryobha ndebhabherekiire kwo bhoghumereri bhuyo, gho kubha koru Kirisito omwene nanyaakiru gho ghiri yaanyu. Gho ghuköra hangʼu, akabhatighera eghetuubhaani, kubha mubhe moramwegha.

1 Bheetero 2:21 Referans Kwoze

1 Yohana 2:6

Omooto uno akobhugha naanyi no obhumu ne Eryobha, nakwëndëru amanye kinya bhuure Yesu amanyiri.

Mataayo 16:24

Niho Yesu akabhabhoorera abhaanabheegha bhaache akabhugha, “Omooto wowoose uno akwënda ghuntambana, nakwëndëru iyange omwene, aghëghë omusarabha waache, antambane.

Yohana 13:15

Nëbhëërëkiri eghetuubhaani kubha na niinyu mukörërane kinya eni nebhaköriire inyu.

Abhaebheeso 5:2

Mumanye eriimanya re bhosiighi, kinya bhuure Kirisito ꞉atosiighiri itu, akiiruusi aghaku gho ghiri yiito, akabha kinya eriruusi re keneeso ghichömu kino ghekoretegheri Eryobha.

1 Yohana 3:16

Mbe, Kirisito hano abhoruusiri obhuhöru bhooche gho ghiri yiito, natwërëkiri obhosiighi bho bhuhëënë n‑ghento ke. Wiiki na niitu hangʼu hangʼu, ntokwëndëru toruusi obhuhöru bhwito gho ghiri e bhaghëndi bhiito.

1 Bheetero 2:24

Kirisito omwene ꞉niimokiri amasari ghiito mo‑mobhere waache ighoro e musarabha. ꞉Naaköriri hangʼu, kubha itu toku mo‑mangʼana gha amasari, amare tubhe abhahöru mo‑mangʼana gha bhuhëënë. Na gho ghutëmu kooche, inyu muhöruru.

1 Abhakorinto 11:1

Mbe, moonyeghe eni, kinya bhuno eni nemweghiri Kirisito.

1 Bheetero 4:1

Mbe, gho kubha Kirisito nanyaakiri mo‑mobhere waache, inyu bhoose mwisëëmi kunyaaka kinya iwe. Neghosiikëra hangʼu, gho kubha, omooto uno amariri kunyaaka mo‑mobhere waache, nataaniri na amasari.

Abhabhiribhi 2:5

Amënda ghaanyu ghabhe ghaare ghaare are nagho Kirisito Yesu.

Mataayo 11:29

Mwibhöhërë achooki yaane, mweghe ghokoone mbagha hano nekobhasakeri kubha no omurëmbë mo‑metema gheenyu, gho kubha eni m‑muhörëëru wiiki m‑munyööhu neenyi mo‑körö.

Abharuumi 8:29

Eryobha ꞉ndiimënyiri abhaato bhaache korwera hano ase ere ekeere ghutëëmu. Bhayo nibho Eryobha ꞉ryaahwire korwera kare bhabhe kinya Omoona waache Yesu Kirisito. ꞉Ndiiköriri hangʼu kubha Omoona waache abhe omutange ghate e bhahiiri bhaaru.

Amaköri gha Bhatomu 14:22

Haghiro hoose hano bhaghiire ꞉mbaabhatooriri omukörö abhaghëndi bha Yesu, bhakabhabhoorera bhëëndërërë ghokumi amangʼana gha bhuhëënë ghano bheeghuru. Bhakabhatongera bharabhugha, “Ntokwëndëru ghusöha mo‑bhutëmi bho Ryobha gho kohetera anyaako yaaru.”

1 Bheetero 3:18

Kirisito woose nanyaakiru mara rimu hangʼu gho ghiri e masari, omooto omuhëënë gho ghiri e bhaato bhano bhataanyi abhahëënë, kubha atughöötani ne Eryobha. Omobhere ꞉wiituru, amare kwo bhotoro bho Akörö Ahörëëru ꞉naabhwine wiiki obhuhöru.

Mataayo 10:38

Omooto uno ataaghughëgha omusarabha waache na ghuntambana, taakundëngʼaanera.

1 Bheetero 3:9

Motareha amabhe kwo mabhe, hamu amatoki kwo matoki, amare mobhiitabheri abhande. Mobherekiiru ghuköra hangʼu, kubha inyu bhoose mubhönë orubhango.

Yohana 16:33

Nebhughiri ghayo ghoose kubha mubhe no omurëmbë mo‑metema gheenyu, gho kubha moonyi moose yaane. Mo‑se muno mokubhöna anyaako yaaru, amare mwitoore omukörö gho kubha eni neyekindiri ase.”

Obhohunyurëru 12:11

Ibheere abhakumi bhaghëndi bhiito mbamohichiri kwo masaahë gha Moona o Ngʼöndu, na kwo ngʼana e bhwibhateri bhoobho, mbamohichiri. Bhatatereeriri eriimanya reebho, mbaare bhiisëëmiri ghoku gho ghiri e komokumi Omoona o Ngʼöndu.

Abheebhuraaniya 2:10

Eryobha niryo ꞉riitëëmiri ebheghiro bhyose na kobhetoora kinya bhuno bheenyi. ꞉Ndeesiighiri remohikeerani Yesu uno anyi simoka e bhotoori gho nchëra e kunyaakibhu, kubha rebhasöhi abhakumi bhaaru mo‑bhokumi bhooche obhokoro.

2 Timotewo 3:12

Mbe, bhoose bhano bhakomokumi Kirisito Yesu na mbakwënda kumanya eriimanya re korisëngëra Eryobha, mbaakubha bharanyaakibhu.

1 Bheetero 1:20

Korwera hano ase ere ekeere ghutëëmu, Eryobha ndeere rimariri komwahura gho ghiri iyo. Amare reghaghanya mbagha chaasiko chino che ntenero, niho rekamurëëta na komwërëkani haheero mo‑bhaato bhoose bha mo‑se. Ghayo ghoose ꞉ndiiköriri gho ghiri yaanyu.

1 Abhatesaronike 4:2

Mweche bhoheene amaraghereri ghano ꞉toobharagheriiri kwo bhukangati bho Mutëmi Yesu.

1 Abhatesaronike 3:3

꞉Ntuuköriri hangʼu kubha omooto wowoose ataku omukörö gho ghiri e nyaako iyo. Inyu mweche kubha, ntokwëndëru kohetera nyaako iyo.

Amaköri gha Bhatomu 17:3

arabhëërëki kimu kimu kubha, Kirisito ꞉nëëndiiru anyaakibhu na ghwitu, aramara aryoke koru mo‑bhaku. Bhawuro akabhabhoorera kubha, “Kirisito uyo, niwe Yesu uno nebharaghaniiri amangʼana ghaache.”

Amaköri gha Bhatomu 9:16

Eni mwene nekomwërëki kebhuno akwëndëru kunyaaka gho ghiri e riina reene.”

Ruuka 24:26

Kana yëndiiru Kirisito abhönë anyaako ino, akeere kubhöna obhokumi bhooche obhokoro.”

1 Bheetero 4:13

Amare muchömëru kubha mokunyaaka kinya bhuure Kirisito ꞉anyaakiri. Muchömëru ibheere, kubha mokuucha ghuchömëru chwee, hano akuucha, no obhokumi bhooche obhokoro kwërëkibhu haheero.