1 Bheetero 2:20 - Eriiraghano Eriihë

²⁰ Mokubhöna atuho ke moraghumereri anyaako ino murëngʼaaniire gho ghiri e masari ghaanyu? Amare aribha moraghumereri anyaako gho kubha muköriri amachömu, hayo mokoretegheri Eryobha.

1 Bheetero 2:20 Referans Kwoze

1 Bheetero 2:19

Eryobha ndeghuchömëru hano moghoghumereri anyaako ino motaakurëngʼaanëra, gho ghiri e koritambana iryo.

1 Bheetero 3:17

Ngʼoni kunyaaka gho ghiri e ghuköra amachömu, aribha nigho amënda gha Ryobha, ghokera kunyaaka gho ghuköra amabhe.

1 Bheetero 3:14

Amare nangabha mokunyaaka gho ghiri e ghuköra ghano ghaanyi gha bhuhëënë, Eryobha ndekobhiitabheri. Gho ghayo, motabha na ahaho koru ghotiina bhano bhakobhanyaaki. Amare, mubhe no Omutëmi umu hangʼu mo‑metema gheenyu, niwe Kirisito.

Ruuka 6:32

“Morabhasiigha bhaare abheene bhabhasiighiri inyu, mookubha mobhwine obhwëra ke? Koru bhano bha masari, mbasiighiri abhaato bhano bhabhasiighiri.

Mataayo 5:47

Wiiki, erabha mokobhakëëri bhano bhakobhakëëri abheene, mokubhöna bhwëra ke? Mööhi na bhano bhataakorekumi Eryobha, bhoose mbahaabhakëëri abhaghëndi bhaabho.

1 Abhakorinto 4:11

Koru eriibhagha ri ibheere, ntoonyi na anchëra na anyööta, wiiki totaanyi na changibho che ghwisha, ntoghutëmu, wiiki totaanyi na ha ghwikara.

Maariko 14:65

Niho abhande bhaghasëëma komotwera amatë, komubhöha ne eghitambara mo‑bhosho na komutëma ebhekundi, ino bharamobhoorera kubha, “Nuröötë n‑niwe uno aghutëmiri!” Abhachongi bhano ꞉bhaare hayo, bhakamwimoki, bhakamutëma orohe.

Mataayo 26:67

Bhakamara bhaghasëëma komotwera amatë Yesu mo‑miisho, bhakamutëma ne ebhekundi. Abhande bhakamutëma orohe,

Abhabhiribhi 4:18

Ibheere, ebheghiro bhyose bhiire montomaniiri gho kohetera Ebhabhurotiito, nebhebhwine. Mbiishiri kumara amënda ghaane ghoose, wiiki mbeghokera koru bhino neere kwënda. Obhotoorereri bhuyo mbobheere kinya eriruusi re keneeso ghichömu, amaruusi ghano ghaghwisherereru na ghakoretegheri Eryobha.

Abhaebheeso 5:10

Mwiköngʼi kumanya na ghuköra amangʼana ghano ghakomotegheri Omutëmi.

Abhagharatiya 4:18

N‑angʼana inchömu ghwiköngʼi, amare ibhe gho ghuköra amaköri amachömu. Mukörë hangʼu eriibhagha ryose, koru kwo riibhagha rino netaanyi haghirohamu na niinyu.