1 Bheetero 1:7 - Eriiraghano Eriihë

⁷ Amasaki ghayo ngakurëngi obhokumi bhoonyu bhorighibhu kubha m‑bho hëënë. Asahaabhu ayeene ne egheghiro kino kehaasakibhu gho ghweku no omororo, nangabha ehaasarëka. Hangʼu hangʼu obhokumi bhoonyu bhuno bhoonyi bho riighori ikoro ghokera asahaabhu, mbokwëndëru bhurëngu, bhorighibhu kubha m‑bho hëënë. Hayo Yesu Kirisito nakobhaha aghongo, no obhokumi obhokoro na asooko, orosiko runo akuucha kwiyërëkani haheero.

1 Bheetero 1:7 Referans Kwoze

Yakobho 1:12

Ngʼoni omooto uno aghoghumereri ghusakibhu, gho kubha hano aghokinda ghusakibhu, Eryobha ndekomuha atuho yaache e bhuhöru bho miishe ghyose, kinya ꞉riiraghiri kobhaha bhoose bhano bharesiighiri.

1 Bheetero 4:12

Abhasiighani bhaane, motahagha ighoro e masaki mahaari ghano ghakorwera ghate yaanyu ghusaki obhokumi bhoonyu. Motarighi kinya n‑egheghiro ghighëni kino ghekobhabhöna.

Abharuumi 2:7

Ndekobhaha obhuhöru bho miishe ghyose abhaato bhano bhaghwiköngʼi ghuköra amachömu, gho kubha mbaghutabhara aghongo, na asooko no obhuhöru bhuno bhotaanyi na antenero.

1 Abhakorinto 3:13

ne emeremo ghe mooto woose ngekorighibhu kubha nibhu gheere. Orosiko ruure ro ghoteneru ekiina emeremo ghyose ngeghotooru haheero, gho kubha emeremo ghe mooto woose, ngekurëngu kwo mororo o ghotenera ekiina.

Yuuta 1:24

Eryobha niryo reenyi no obhotoro bho kobhachonga motaacha kobhora. Wiiki ndeenyi no obhotoro bho kobharëëta ambërë yaache mo‑bhokumi bhooche obhokoro, moonyi no oghuchömëru, motaanyi no obhobhe bhobhoose.

2 Bheetero 1:4

Gho nchëra iyo, ndetoheere ebhihaano ebhekoro na bhe riighori, bhino ꞉reeturaghiire. Ebhihaano bhiyo, mbeghototoori koru mo‑bhobhe bho ghusari abhaato bhuno bhoonyi mo‑se, gho ghiri e miighombo amabhe. Wiiki mbeghototoori tubhe no obhughöötani bho simoka e Ryobha.

1 Bheetero 2:4

Momutambane uno anyi eriibhohe erihöru re kwabhëkëra. Eriibhohe riyo, abhaato ꞉mbaaryangiri, amare Eryobha ꞉ndeeryahwire, wiiki n‑de riighori ikoro mo‑miisho ghaache.

Mataayo 25:21

“Omutëmi waache akamobhoorera akabhugha, ‘Nuköriri bhoheene chwee. Iye n‑omusësë omughareeya onyi, wiiki omuhëënë! Noore omuhëënë kwo bhesuuhu bhino ꞉neekoheere, ibheere neghoghotoora kubha omwimeerereri o bheghiro bhyaru. Nuuche uchömëru haghirohamu na neeni.’

Obhohunyurëru 3:10

Ndekuucha eriibhagha re nyaako mo‑se ingima, na abhaato bhoose mbakurëngighu. Amare eriibhagha riyo, nekobhachonga inyu, gho kubha ꞉mooghumeriiri anyaako kinya ꞉neebharagheriiri.

Obhohunyurëru 2:10

Motatiina anyaako ino ekuucha ghokoonyu. Mumööhi! Erishambu ndekobhasaki gho kobhatoora abhamu ghate yaanyu mwighërëcha. Inyu mokunyaaka gho chaasiko ikomi. Amare mubhe abhahëënë ghokoone, mbagha ghoku, na neeni nekobhaha atuho e bhuhöru bho miishe ghyose.

Obhohunyurëru 1:7

Mumööhi! Nakuucha mo‑mashaaro! Abhaato bhoose mbakomorighi, koru abhaato bhaare ꞉bhaamongʼuutiri eriitimo. Amatöngö ghoose mo‑se ngakwihiinyërëra gho ghiri yaache. Hëënë, neekubha hangʼu. Hawubhaabha.

1 Abhakorinto 4:5

Ibheere, motighe ghotenera ekiina abhaato eriibhagha reeche rekeere kohika, mughanye mbagha orosiko runo Omutëmi Yesu akuucha. Iwe niwe akobhetoora haheero ebheghiro bhyose bhino bhebhisuru mo‑kengʼuuri na kwërëki bhino bheenyi mo‑metema ghe bhaato. Niho omooto woose akubhöna aghongo ino emurëngʼaaniire, koru kwo Waryobha.

Amaköri gha Bhatomu 8:20

Bheetero akamobhoorera akabhugha, “Iye na chambiiri cheecho, mokwere kurë haare, gho kubha noghwituuri noghotora ghoghora ekihaano ke Ryobha gho chambiiri!

Yohana 12:26

Omooto wowoose uno akwënda kuuhökëri eni, nekwëndëru antambane. Wiiki hohoose hano neekubha, hayo niho no omutamishi waane akubha. Taata nakomosooka omooto wowoose uno akuuhökëri eni.

Yohana 5:44

Mosiighiri ghoghongibhu na abhaghëndi bhaanyu, amare motaaghwiköngʼi ghutabhara asooko ino ekoru kwo Ryobha eryene chiri. Mbe, nibhu moghotora ghokumi?

Ruuka 12:33

Mbe, moghori ebheghiro bheenyu, mobhahë abhahabhe. Mwitoorere amaghöchi ghano ghataaghokunguha, mubhe na agharinga ino etaaghosuuha Mwishaaro, hano omwibhi ataakohika, koru ebhebhongi bhetaakobhongi.

Mataayo 25:23

“Omutëmi waache akamobhoorera akabhugha, ‘Nuköriri bhoheene chwee. Iye n‑omusësë omughareeya onyi, wiiki omuhëënë! Noore omuhëënë kwo bhesuuhu bhino ꞉neekoheere, ibheere neghoghotoora kubha omwimeerereri o bheghiro bhyaru. Nuuche uchömëru haghirohamu na neeni.’

Mataayo 19:28

Yesu akabhagharokeri akabhugha, “Mahëënë ˆnekabhabhoorera, eriibhagha eni uno neenyi Omoona o Mooto neekubha niikeere eghitëmi mo‑ghetumbe keene ke bhokumi obhokoro mo‑se ahë, mbe, na niinyu bhano muntambiine, moghwikara mo‑bhetumbe ikomi na bhibhere ino moratenera ekiina amatöngö ikomi na abhere gha Bhiisiraeri.

Obhohunyurëru 3:18

Gho ghayo, nekobharwacha moghore koru ghokoone asahaabhu ino yeghuru no omororo kubha mubhe abhaame. Moghore angibho ayeero, mobhise ekingʼaabhi keenyu kubha motarighi chaasoni. Wiiki moghore omote o kuhaka mo‑miisho kubha motore korighi.

2 Bheetero 1:1

Anyaarubha ino neyandëkiri eni Simiyooni Bheetero, omutamishi no omotomu o Yesu Kirisito. ˆNekabhaandëkëra inyu bhano mobhwine obhokumi bhuno bho riighori ikoro, kinya bhuno itu bhoose ꞉toobhwine gho kohetera obhuhëënë bho Ryobha no Omotoori wiito Yesu Kirisito.

1 Bheetero 2:7

Ghokoonyu inyu bhano moghokumi eriibhohe riyo, n‑de riighori chwee. Amare, ighoro e bhano bhataakorekumi, Amandëkö Amatööbhiyu ngakobhugha kubha, “Eriibhohe rino abhaabhëki ꞉bhaangiri, niryo ribheere eriibhohe ikoro re bhoroso.”

1 Bheetero 1:5

Eryobha ndekobhachonga inyu gho changuru cheeche, gho nchëra e komokumi Yesu Kirisito. Moghochongu mbagha hano mokubhöna obhotoori bhuno bhokorighibhu mo‑chaasiko che ntenero.

Abharuumi 2:29

Tiyaanyi! Omuyahuuti o hëënë n‑uno ahaasooka Eryobha kwo mukörö waache woose. Oghusaaru kwo hëënë ngoghuköru na Akörö Ahörëëru mo‑motema, taanyi gho kubha ne emeghiro ghe Musa okwene. Omooto anga hangʼu, taaghosongʼaana aghongo koru mo‑bhaato, amare naghoghongibhu ne Eryobha eryene.

Ruuka 17:30

“Hangʼu hangʼu ekubha orosiko runo eni Omoona o Mooto nekuucha.

Abharuumi 2:10

Amare abhaato bhoose bhano bhaghuköra amangʼana amachömu, mbakubhöna aghongo, asooko no omurëmbë, korwera mo‑Bhayahuuti mbagha mo‑bhaato bha matöngö.

Abharuumi 8:19

Ebheghiro bhyose bhino ꞉bhiitëëmuru, mbeghughanya kwo miigha chwee eriibhagha rino Eryobha rekuucha kwërëkani abhaana bhaache.

1 Bheetero 1:13

Gho ghayo, mubhe miisho na mutëngë, na mubhe ne ekirëngërë. Motoore amiitëngʼërö ghoose mo‑ghareeya ino mokuucha kubhöna, hano Yesu Kirisito akorighibhu haheero.

1 Bheetero 4:13

Amare muchömëru kubha mokunyaaka kinya bhuure Kirisito ꞉anyaakiri. Muchömëru ibheere, kubha mokuucha ghuchömëru chwee, hano akuucha, no obhokumi bhooche obhokoro kwërëkibhu haheero.

1 Bheetero 5:1

Ibheere neghosiikëra na niinyu abhagharuka bha riikanisa. Eni n‑omugharuka mughëndi waanyu neenyi, na nerooche kwo miisho ghaane bhuno Kirisito anyaakiru. Wiiki, eni neghusanga na niinyu mo‑bhokumi obhokoro bhuno ˆbhoghatingʼi korighibhu. Gho ghayo ˆnekabhasasaama inyu,

2 Bheetero 3:14

Gho ghayo abhasiighani bhaane, eriibhagha moghughanya orosiko ruure, mukörë ghwiköngʼi araacha kuucha abhönë moonyi no omukörö mwero motaanyi ne eriisari ambërë e Ryobha, na mubhe no omurëmbë.