1 Bheetero 1:3 - Eriiraghano Eriihë

³ Aghongibhu Waryobha, Taata o Mutëmi wiito Yesu Kirisito. Kurëngʼaana na changori cheeche chaaru, natwibhwire mara e kabhere gho nchëra e komoryoki Yesu Kirisito koru mo‑bhaku. Gho ghayo, ntobhwine eriitëngʼërö re bhuhöru.

1 Bheetero 1:3 Referans Kwoze

1 Bheetero 1:23

gho kubha mwibhwiru mara e kabhere. Kwibhoru kuyo, ghotarweriire mo‑bhiiso bhano bhaghotora ghoku, amare inyu mwibhwiru kwo ngʼana e Ryobha ino enyi ihöru na neekubha‑ho emiishe ghyose.

1 Yohana 5:4

gho kubha uno anyi o moona o Ryobha, naghoghakinda gha mo‑se ino. Ntoghoghakinda gho nchëra e bhokumi bhwito.

Abharuumi 15:13

Eryobha niryo toghwitëngʼëra kubha ndeghuköra ghoose ghano ꞉reeturaghiri. Gho ghayo, nekobhasabhera kubha, rebhahë omurëmbë chwee na ghuchömëru kwaru hano mokwëndërëra korekumi. Hayo niho mookubha ne eriitëngʼërö ikoro, rino moonyi naryo gho changuru che Körö Ahörëëru.

Abhaebheeso 1:7

Eryobha ndetotingwiri gho nchëra e masaahë gha Yesu Kirisito, niko kobhugha ndetwabhiire amasari ghiito ghoose, kurëngʼaana no obhwaru bho ghareeya yaache.

2 Abhakorinto 1:3

Aghongibhu Waryobha, Taata o Mutëmi wiito Yesu Kirisito, Taata uno anyi ne ebheghongi, wiiki ne Eryobha rino reghotughambisani mo‑ghoose.

1 Yohana 3:3

Omooto wowoose uno aghwitëngʼëra kubha naghotuubhaana na Kirisito, iyeri abhe mutööbhiyu, kinya bhuno Kirisito omwene anyi mutööbhiyu.

Abharuumi 12:12

Muchömëru gho kubha moonyi ne eriitëngʼërö re kubhöna ghoose ghano Eryobha ꞉reebharaghiire. Moghumereri mo‑nyaako ino ekobhabhöna, na mwëndërërë korisabha Eryobha.

1 Yohana 2:29

Mweche kubha Kirisito n‑o bhuhëënë, gho ghayo, mumënyë kubha wowoose uno aghuköra gha bhuhëënë, niwe omoona o Ryobha.

Abhaebheeso 1:3

Mbe, reghongibhu Eryobha, Taata o Mutëmi wiito Yesu Kirisito! Iryo niryo retoheere orubhango ro mo‑chaakörö ro manga maaru mo‑se ino etaakorighibhu gho nchëra e ghughöötana kwito na Kirisito.

Abhaebheeso 3:20

Mbe, reghongibhu Eryobha rino reghotora ghuköra amangʼana gha koroghoori chwee ghokera ghoose ghano toghotora ghusabha hamu kwihëëbha, gho kirëngërë ghe changuru cheeche chino cheghuköra emeremo moose yiito.

Abhaebheeso 1:17

Nekwëndërëra korisabha Eryobha re Mutëmi wiito Yesu Kirisito, Taata o bhokumi obhokoro, abhahë inyu Akörö yaache kubha mubhe na amangʼiini no obhohunyurëru, motore korimënya bhoheene.

1 Bheetero 3:21

Amanche ghayo n‑eghetuubhaani ke bhubhatiiso, bhuno bhoghototoori, taanyi gho koruusi eriiku mo‑mobhere, amare n‑eriiraghano re mënda meero kwo Waryobha. Amangʼana ghayo, ngaakubha gho kohetera koryoka kwo Yesu Kirisito.

1 Timotewo 1:14

Mahëënë Omutëmi wiito Kirisito Yesu ꞉naansakiiri aghareeya yaache kwo bhwaru, gho kuuha obhokumi no obhosiighi gho ghughöötana nawe.

Abhaebheeso 2:4

Amare Eryobha ndeenyi ne ebheghongi no obhosiighi bhooche m‑bhokoro,

Yakobho 1:18

Gho kwënda kooche eryene, ndetuköriri tubhe abhaana bhaache, gho nchëra e ngʼana yaache e hëënë, kubha tubhe a bhambërë mo‑bhyose bhino ꞉riitëëmiri.

Tiito 2:13

Tughöötë amangʼana ghano, toraghanya na ghwitëngʼëra orosiko ruure oruchömu ro ghugharuka kwo Kirisito Yesu. Orosiko ruyo nakorighibhu mo‑bhokumi bhooche obhokoro. Iwe niwe Eryobha riito Eriikoro no Omotoori wiito.

1 Abhakorinto 15:20

Amare ibheere, obhuhëënë n‑kubha Kirisito naryokiri koru mo‑bhaku, na niwe o mumbërë koryoka kwo bhano bhakuure.

1 Abhakorinto 13:13

Mbe, ibheere, ebheghiro bhino bhitato bhetaaghosira, obhokumi, na amiitëngʼërö no obhosiighi. Na mo‑bhino, egheghiro eghekoro ghokera bhyose n‑obhosiighi.

1 Yohana 3:9

Wowoose uno abheere omoona o Ryobha, taakwëndërëra ghuköra amasari, gho kubha naanyi na tëëmö e Ryobha moose yaache. Taaghotora kwëndërëra ghuköra amasari gho kubha iwe n‑omoona o Ryobha.

1 Bheetero 2:2

Kinya bhuno ebhengʼwerere bhehiighomba amabhëërë gha bhaanyina, na niinyu bhuure bhuure mwighombe amabhëërë gha hëënë gha Körö e Ryobha, kubha muköngʼë na ghotooribhu.

Abheebhuraaniya 3:6

Amare Kirisito m‑muhëënë kinya Omoona uno akwimeererera abhaato bha mo‑nyumba e Ryobha. Na niitu n‑anyumba iyo, aribha tokwëndërëra ghwiköngʼi na kubha bhasubhesubhe na kwihachera mo‑ghaare toghwitëngʼëra.

1 Abhatesaronike 1:3

Hano tookubha torabhasabhera o‑Taata wiito Waryobha, ntokohiita emeremo ghino muköriri kwo bhokumi. Ntokohiita ghwiköngʼi koonyu kuno ghokorwera mo‑bhosiighi bhoonyu, na kebhuno mwimeeriire mo‑bhokumi na kwo miitëngʼërö ghaanyu gha ghugharuka kwo Mutëmi wiito Yesu Kirisito.

Abhakorosaayi 1:27

Bhayo nibho Eryobha ꞉reesiighiri kobhahunyurera ekebhisere kiyo ghe koroghoori kino riköriri gho ghiri e bhaato bha matöngö. Angʼana iyo e kebhisere n‑kubha, Kirisito naanyi moose yaanyu, wiiki niwe akobhaha amiitëngʼërö kubha moghusanga obhokumi obhokoro bho Ryobha.

Abharuumi 8:24

Eriitëngʼërö riyo, ntoonyi naryo korwera hano Eryobha retotooriri. Amare aribha toghwitëngʼëra egheghiro kino toghotora ghokerighi, riyo taanyi eriitëngʼërö. Kana, n‑niwe aghwitëngʼëra kuhaabhu egheghiro kino anyi nakyo?

Abharuumi 8:11

Akörö Ahörëëru ino eghwikara moose yaanyu, niyo Akörö e Ryobha ino emoryokiri Kirisito Yesu koru mo‑bhaku. Gho ghayo, Eryobha ndeghoghiha obhuhöru emebhere gheenyu ghino ghehaaku, gho changuru che Körö Ahörëëru ino eghwikara moose yaanyu.

Yohana 1:13

Bhayo nibho abhaana bha Ryobha, bhano ꞉bhiibhwiru taanyi kwo masaahë, hamu amiigha gha mobhere, hamu amiigha gha mosubhe, amare n‑kwo Ryobha eryene.

1 Yohana 5:18

Ntweche kubha omoona wowoose o Ryobha, taakwëndërëra ghuköra amasari, gho kubha Omoona o Ryobha nakomochonga, Erishambu retaaghotora komoturi.

1 Yohana 5:1

Omooto wowoose uno aghokumi kubha Yesu n‑Kirisito, niwe omoona o Ryobha. Wowoose uno akomosiigha omwibhori, nakobhasiigha na abhaana bha mwibhori uyo.

Abhakorosaayi 1:23

Amare mokwëndëru kwëndërëra koyekumi Angʼana Anchömu, mubhe muköngʼiiri na kubha na changuru. Motiishereri ghotigha eriitëngʼërö rino ꞉moobhwine hano mooghwire Ngʼana Anchömu. Angʼana Anchömu iyo eni Bhawuro nibheere omutamishi waache, wiiki ꞉niiraghiinu mo‑bhaato bhoose bha hano mo‑se.

Abharuumi 5:10

Hano itu toore tokeere abhabhisa bhaache, Eryobha reghatutëmëërani itu naryo gho kohetera oroko ro Moona waache. Gho ghayo, gho kubha ntumariri ghutëmëëranibhu ne Eryobha gho kohetera oroko rooche, m‑mahëënë ntoghotooribhu koru mo‑nchagho e Ryobha kohetera obhuhöru bhooche.

Abharuumi 4:25

Eryobha ꞉ndeemoruusiri Yesu, kubha aku gho ghiri e masari ghiito, na komoryoki koru mo‑bhaku, kubha itu tubhareru kubha bhano toonyi no obhuhëënë ambërë yaache.

1 Yohana 4:7

Abhasiighani bhaane, tosiighane, gho kubha obhosiighi mbookoru kwo Waryobha. Omooto wowoose uno asiighiri mughëndi waache, n‑omoona o Ryobha, wiiki niwe aryeche Eryobha.

1 Abhatesaronike 4:13

Inyu bhahiiri bhiito, ntokwënda mumënyë ghano ghakorwera mo‑Bhakirisito bhano bhakuure, kubha motabha na amacheeche ke bhaato abhande bhano bhataanyi na amiitëngʼërö gha koryoka.

Abhagharatiya 6:16

Omurëmbë ne ebheghongi bhino bheekoru kwo Waryobha bhibhe na abhaato bhoose bhano bhakwënda obhuhëënë bhuyo, bhayo nibho abhaato bha Ryobha.

2 Abhatesaronike 2:16

Taata wiito Waryobha natosiighiri, na gho ghareeya yaache aghatughambisani emiishe ghyose na ghotuha amiitëngʼërö amachömu. Iwe ntokomusabha, haghirohamu no Omutëmi wiito Yesu Kirisito kubha,

1 Bheetero 1:13

Gho ghayo, mubhe miisho na mutëngë, na mubhe ne ekirëngërë. Motoore amiitëngʼërö ghoose mo‑ghareeya ino mokuucha kubhöna, hano Yesu Kirisito akorighibhu haheero.

1 Bheetero 1:21

Kohetera gho Kirisito, mokorekumi Eryobha, rino remoryokiri koru mo‑bhaku na komuha obhokumi obhokoro. Gho ghayo, mokomokumi na koriitëngʼëra Eryobha.

1 Bheetero 3:5

Hangʼu nibhu ꞉bhaare bhariichöcha hayo kare, abhakari bhano bhariitëngʼiire Eryobha, ino bharasooka abhasubhe bhaabho.

1 Bheetero 3:15

Mubhe mwisëëmiri eriibhagha ryose ghugharokeri wowoose uno akobhabhoori kino moghwitëngʼëra. Mukörë hangʼu kwo bhuhörëëru na asooko,