1 Bheetero 1:22 - Eriiraghano Eriihë

²² Inyu mumanyiri kurëngʼaana na ameeghi gha hëënë ighoro e Yesu. Gho ghayo, emetema gheenyu ngyeghuru ni ibheere moghotora ghosiigha abhaghëndi bhaanyu kwo bhuhëënë. Mbe, mosiighane kwo mukörö mwero,

1 Bheetero 1:22 Referans Kwoze

1 Timotewo 1:5

Ekebhune ke meeghi ghiito n‑kubha, abhakumi bhasiighane kwo mukörö mwero, na kwo mënda machömu no obhokumi bho hëënë.

Abheebhuraaniya 13:1

Mwëndërërë ghosiighana kinya bhuno ekwëndëru mo‑bhakumi.

1 Yohana 4:12

Taanyi‑ho wowoose uno arerooche Eryobha naabha. Amare torasiighana, nekwërëki kubha Eryobha ndeenyi no obhumu na niitu, obhosiighi bhooche mbohikeriine ghokwito.

1 Yohana 4:7

Abhasiighani bhaane, tosiighane, gho kubha obhosiighi mbookoru kwo Waryobha. Omooto wowoose uno asiighiri mughëndi waache, n‑omoona o Ryobha, wiiki niwe aryeche Eryobha.

1 Bheetero 3:8

Antenero, ˆnekabhabhoorera bhoose kubha, mughöötane, na mubhe ne eriihëëbhö rimu, na mosiighane kinya abhahiiri, na morigherani changori na mubhe bhanyööhu.

Yakobho 4:8

Mubhe morariishukerera Eryobha, niho ryose, rekobhiishukerera inyu. Inyu bhano moonyi bha masari, motighe amasari ghaanyu na ghuköra amachömu, inyu bhano moonyi na amiihëëbhö abhere, ghate e Ryobha na ase, moritambane gho chaakörö cheenyu choose.

1 Yohana 3:23

Omoghiro waache niwe uno, kubha tomokumi Omoona waache, Yesu Kirisito, na ghosiighana, kinya bhuno ꞉aturagheriiri.

2 Abhatesaronike 1:3

Abhahiiri bhiito, nekwëndëru koriitabheri Eryobha eriibhagha ryose gho ghiri yaanyu, gho kubha obhokumi bhoonyu mbokwiyëëngëra chwee, wiiki ghosiighana koonyu ngokwiyëëngëra.

1 Abhatesaronike 3:12

Omutëmi abhëëngërë obhosiighi na köbhëëngërëërëri ghosiighana inyu bheene na kobhasiigha abhande bhoose, kinya itu tobhasiighiri inyu.

1 Yohana 4:20

Aribha omooto wowoose aghosiikëra kubha nasiighiri Eryobha ino amurëghiri mughëndi waache, m‑mobhiihi. Ntweche m‑mobhiihi gho kubha, omooto uno atasiighiri mughëndi waache uno akomorighi kwo miisho, taaghotora koresiigha Eryobha rino ataakorerighi.

1 Bheetero 2:17

Mobhasooke abhaato bhoose, na mobhasiighe abhakumi abhaghëndi bhaanyu. Morisëngërë Eryobha, na momosooke Kayisaari, omutëmi waanyu.

Amaköri gha Bhatomu 15:9

Mbe, Eryobha retaaköriri obhwahukani ghate yaabho na niitu, gho kubha bhoose n‑gho nchëra iyo iyo e komokumi Yesu niyo yeeriri emetema gheebho.

1 Yohana 3:11

Korwera eriibhagha rino ꞉muusëëmiri ghokumi, mooghwire amangʼana kubha nekwëndëru tosiighane itu bheene kwo bheene.

2 Bheetero 1:7

Na ghuköra hangʼu, kwëngërëërëru ghosiighana gho kehiiri, na ghosiighana gho kehiiri kuyo kwëngërëërëru no obhosiighi kwo bhoose.

Abhabhiribhi 1:9

Mbe, nekobhasabhera kwo Ryobha kubha, obhosiighi bhoonyu bhwëndërërë kwiyëngëra chwee, wiiki mubhe na amangʼiini no obhongo,

Abhaebheeso 4:3

Mwiköngʼi ghochonga obhumu bhuno bhokurëëtu na Akörö Ahörëëru gho kumanya haghirohamu kwo murëmbë.

Abhagharatiya 5:5

Amare itu, kino toghwitëngʼëra kwo bhotoro bho Körö Ahörëëru n‑kubha, Eryobha ndeghotubhara kubha abhaato abhahëënë, gho kubha ntokomokumi Yesu.

Obhohunyurëru 2:4

Amare neenyi na angʼana imu ino ekunyaaki ighoro yaanyu. Motighiri obhosiighi bhoonyu o bhumbërë.

1 Bheetero 4:17

Mumënyë kubha, eriibhagha re ghoteneru ekiina ˆrekahika, ne Eryobha ndeghusëëma ghotenera ekiina abhaato bhaache. Ibheere, aribha ghoteneru ekiina ngoghusëëmëra ghokwito itu bhano toonyi abhaato bhaache, kana nibhu ekubha kwo bhano bhakwanga Angʼana Anchömu e Ryobha?

1 Bheetero 4:8

Ghokera ghayo ghoose, mosiighane chwee, gho kubha obhosiighi mbohaakundekeri amasari maaru.

Abheebhuraaniya 11:8

Obhokumi ꞉mbuuköriri Abhurahamu akaresooka Eryobha, hano remobhooriire kubha aru mo‑se yaache, aghi mo‑se ino Eryobha ꞉reemuraghiri komuha. Abhurahamu akaru mo‑se yaache, nangabha taamënyiri hano aghuye.

Abheebhuraaniya 9:14

Amare ibheere amasaahë gha Kirisito ngaanyi na changuru chwee ghokera amasaahë gha chatyenyi chiyo! Gho nchëra e Körö ino enyi e miishe ghyose, iwe ꞉niiruusiri kwo Waryobha kubha amaruusi ghano ghahikeriine. Amasaahë ghaache nigho ghaghotomusa emetema ghiito ighoro e masari ghano ghaghughëri oroko kubha torisëngërë Eryobha rino reenyi ihöru.

Abheebhuraaniya 6:10

Mbe, gho kubha Eryobha n‑ihëënë, retaaghotora ghogheebhu amaköri amachömu ghano muköriri. Wiiki retaaghotora kwebhu obhosiighi bhuure mwërëkiri ghokooche gho nchëra e kobhatoori abhakumi abhaghëndi bhaanyu korwera hano musëëmiri mbagha ibheere.

2 Abhakorinto 6:6

Wiiki ntokwërëki kubha itu n‑abhatamishi bha Ryobha mo‑bhughöröröku, na mo‑bhumënyi, na mo‑bhoghumereri, na mo‑bhuhöriicho, na gho nchëra e ghukangatu na Akörö Ahörëëru, na mo‑bhosiighi bho hëënë,

Yohana 15:17

Mbe, nekabhahatëka inyu kubha, mosiighane.”

1 Bheetero 3:1

Hangʼu hangʼu inyu abhakari, mobhasooke abhasubhe bhaanyu, kubha aribha bhaanyi‑ho bhano bhataakorekumi Eryobha, bhatore korutu gho korighi atëëmö yaanyu anchömu. Gho ghayo bhatore ghokumi Eryobha nangabha bhatabhooriiru angʼana,

Abheebhuraaniya 5:9

Kurëngʼaana na ghayo, Eryobha rekamohikeerani na kurëngʼaanera kubha simoka e bhotoori bho miishe ghyose gho ghiri e bhaato bhoose bhano bhakomosooka.

2 Timotewo 1:14

Angʼana e bhuhëënë ino uhaabhuru na Yesu, oyighöötërërë gho changuru che Körö Ahörëëru ino enyi moose yiito.

1 Timotewo 5:2

abhakari abhakungu obharwache kinya bhaanyako, na abhaakë obharwache kinya abhasubhaati bhaacho. Ukörë hangʼu amare ukabhaahe otabhiighomba.

1 Timotewo 4:12

Omooto wowoose ataghutaraaha gho kubha iye okeere omobhureni, amare wiköngʼi kubha ekyërëkërëri ghichömu mo‑bhakumi gho ghughamba koocho, na atëëmö yaacho, no obhosiighi bhoocho, no obhokumi bhoocho no obhughöröröku bhoocho.

1 Timotewo 1:3

Eriibhagha rino ꞉niitanwire ghuye mo‑mukööwa o Maketoniya, ꞉neeghusabhiri wiikare mo‑moghya o Ebheeso, obhashaangʼi abhaato bhano bhakweghi iyo, kubha bhatëëndërëra kweghi ameeghi gha bhuröngö.

2 Abhatesaronike 2:13

Mbe, itu ntokwëndëru koriitabheri Eryobha eriibhagha ryose gho ghiri yaanyu bhahiiri bhiito, inyu bhano mosiighiru no Omutëmi Yesu. Ntokwëndëru ghuköra hangʼu, gho kubha, nabhaahwire inyu korwera simoka, kubha mubhönë obhotoori. Obhotoori bhuyo mobhobhwine gho nchëra e Körö Ahörëëru ino ekobhamusa, na gho ghokumi obhuhëënë.

Abhagharatiya 3:1

Inyu Abhagharatiya abharaghaanu! N‑niwe abharoghiri? Yesu Kirisito ꞉naaghamburu haheero ambërë yaanyu kubha namamburu.

Abhagharatiya 5:7

Ekimbërë, moore moraköra bhoheene! Ibheere n‑niwe abharëkiri motaghööta ameeghi gha bhuhëënë?

Abharuumi 8:13

Aribha moramanya gho ghukangatu na simoka e masari, mooghoku. Amare, moraanga kimu gho changuru che Körö Ahörëëru ghuköra amangʼana ghano simoka yaanyu e masari ekwënda mukörë, mokumanya emiishe ghyose.

Abharuumi 2:8

Amare ndekobhakararera na kobharööna abhaato bhano bhakwanga obhuhëënë na ghuköra amabhe, gho kurëngʼaana no obhusööhu bhoobho.

Abharuumi 1:5

Gho kohetera ghokooche Eryobha ndeheere aghareeya e kubha omotomu o Mutëmi Yesu, kubha nebharaghaneri Angʼana Anchömu abhaato bhoose bha matöngö, bhabhönë komokumi na komosooka.

Yohana 17:17

Oo Taata, ˆneghaghusabha obhakörë kubha abhaato bhaacho inkongʼorimu mo‑bhuhëënë bhoocho, gho kubha angʼana yaacho niyo obhuhëënë.

Yohana 15:3

Inyu mumariri ghuköngööru, gho kubha moghokumi ameeghi ghaane.

Amaköri gha Bhatomu 6:7

Angʼana e Ryobha ëkëëndërëra ghusancha mo‑bhaato. Wiiki ekirëngërë ke bhaghëndi bha Yesu ghëkëëngëra chwee iyo Yerusareemu, na koru erikinda ikoro re bhachaama bhakamokumi Yesu.

Yohana 17:19

ˆNeghiitoora ghokuhökëri iye gho ghiri yaabho, kubha nabho bhatooru ghokoocho mo‑bhuhëënë.

Yakobho 1:21

Gho ghayo, mutaane no obhobhe bhoose, haghirohamu na amabhe maaru ghano ghaghashiri. Moyighöötë gho kwinyööhi angʼana ino Eryobha retooriri mo‑metema gheenyu, gho kubha niyo eghotora kobhatoori.

1 Bheetero 1:2

Korwera kare, Taata Waryobha nabhamënyiri na kobhaahura gho ghiri yaache. Akörö yaache nebhaköriri mubhe abhatööbhiyu, kubha momosooke Yesu Kirisito na komusu kwo masaahë ghaache. Nëköbhëëndëra aghareeya no omurëmbë kwo bhwaru, ghibhe na niinyu.

1 Bheetero 3:20

Chaakörö chiyo n‑che bhano bhataresookiri Eryobha hayo kare, eriibhagha Nuhu are araabhëka asafina. Eryobha ꞉ndeeghumeriiri obhobhe bhoobho mbagha asafina ekamaru kwabhëku, amare antenero abhaato bhanaane hangʼu, nibho ꞉bhaatooriibhu koru mo‑manche.