1 Bheetero 1:18 - Eriiraghano Eriihë

¹⁸ Inyu, moore mumanyiri kurëngʼaana na amaköri ghaanyu amabhe, kinya bhuno ꞉muughabhiri koru kwo bhasookoro bhaanyu. Ibheere mumënyë kubha, Eryobha retabhatooriri inyu koru mo‑ghano moore moraköra, gho kuhökëri ebheghiro bhino bhehaasarëka, kinya chambiiri na chasahaabhu.

1 Bheetero 1:18 Referans Kwoze

1 Abhakorinto 6:20

gho kubha moghoruru kwo riighori ikoro. Mbe, moreghongi Eryobha mo‑mebhere gheenyu.

1 Abhakorinto 7:23

Moghoruru kwo riighori ikoro. Gho ghayo, motabha abhasësë bha bhaato.

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.

Abhagharatiya 1:4

Kirisito ꞉naaruusiri eriimanya reeche, gho ghiri e masari ghiito, kubha atotoori koru mo‑mabhe ghoose gha se ino yi ibheere. ꞉Naaköriri hangʼu kurëngʼaana na amënda gha Waryobha Taata wiito.

Abhaebheeso 4:17

Mbe, kwo riina re Mutëmi ˆnekabhatöngëra kubha, motamanya wiiki kinya abhaato bhano bhataryeche Eryobha. Ibho amiihëëbhö ghaabho ghataanyi no obhwëra,

Abharuumi 1:21

Nangabha bharyeche Eryobha kinya reenyi, amare bhataakoreghongi koru koriitabheri kinya Eryobha reebho. Amiihëëbhö ghaabho ghaakabha amabhe, ghaghakundekeru ne ekengʼuuri.

1 Bheetero 4:3

Kare, moore moraköra amangʼana gha bhaato bhano bhataryeche Eryobha. ꞉Muutambiine amiigha ghaanyu amabhe gha bhutaari. ꞉Muumanyiri kinya abharëëbhi na ghosiigha chanyangi che mo‑se. ꞉Muusëngiire chasanaamu, chino Eryobha ryangiri. ꞉Muuköriri amangʼana ghayo kwo riibhagha irë chwee.

1 Bheetero 1:7

Amasaki ghayo ngakurëngi obhokumi bhoonyu bhorighibhu kubha m‑bho hëënë. Asahaabhu ayeene ne egheghiro kino kehaasakibhu gho ghweku no omororo, nangabha ehaasarëka. Hangʼu hangʼu obhokumi bhoonyu bhuno bhoonyi bho riighori ikoro ghokera asahaabhu, mbokwëndëru bhurëngu, bhorighibhu kubha m‑bho hëënë. Hayo Yesu Kirisito nakobhaha aghongo, no obhokumi obhokoro na asooko, orosiko runo akuucha kwiyërëkani haheero.

1 Abhakorinto 3:20

Wiiki yandëkuru mo‑Mandëkö Amatööbhiyu kubha, “Omutëmi neeche amiihëëbhö gha bha mangʼiini, kubha ghataanyi no obhwëra.”

Abheebhuraaniya 9:12

Iwe ꞉naasöhiri mara rimu hangʼu Ahaghiro Ahatööbhiyu ha Hatööbhiyu. Taasöhiri na amasaahë gha chambërëtë hamu gha kimööri, amare ꞉naasöhiri na amasaahë ghaache omwene kubha atotingori emiishe ghyose.

1 Yohana 3:5

Mweche kubha Kirisito ꞉niichiri koruusi amasari ghiito. Wiiki iwe taaghuköra amasari ghoghoose.

Maariko 8:37

Ghetaanyi‑ho egheghiro ghyokyose kino omooto aghotora koruusi gho ghotingori obhuhöru bho miishe ghyose!