1 Abhatesaronike 5:15 - Eriiraghano Eriihë

¹⁵ Mumööhi, omooto wowoose atamoreha omughëndi waache amabhe kwo mabhe. Amare eriibhagha ryose mubhe morakörërana amachömu inyu bheene na kobhakörëra abhande bhoose.

1 Abhatesaronike 5:15 Referans Kwoze

1 Bheetero 3:9

Motareha amabhe kwo mabhe, hamu amatoki kwo matoki, amare mobhiitabheri abhande. Mobherekiiru ghuköra hangʼu, kubha inyu bhoose mubhönë orubhango.

Abhagharatiya 6:10

Mbe, eriibhagha ryoryose torabha no omweya, tobhakörërë abhaato bhoose amachömu, amare ahanene abhakumi bhaghëndi bhiito.

3 Yohana 1:11

Ibheere Ghaayo, omosiighani waane, oteegha amabhe, amare weeghe amachömu. Wowoose uno aghuköra amachömu, uyo n‑omoona o Ryobha. Amare uno aghuköra amabhe, uyo taryeche Eryobha.

Abheebhuraaniya 12:14

Mbe, mwiköngʼi kumanya kwo murëmbë na abhaato bhoose. Wiiki mwiköngʼi kubha abhatööbhiyu mo‑riimanya reenyu gho kubha taanyi‑ho omooto uno aghotora komorighi Omutëmi ino ataanyi omutööbhiyu.

1 Bheetero 1:22

Inyu mumanyiri kurëngʼaana na ameeghi gha hëënë ighoro e Yesu. Gho ghayo, emetema gheenyu ngyeghuru ni ibheere moghotora ghosiigha abhaghëndi bhaanyu kwo bhuhëënë. Mbe, mosiighane kwo mukörö mwero,

2 Timotewo 2:24

Wiiki, teekwëndëru omutamishi o Mutëmi kubha omurööni. Amare abhe moghumereri, no omuhörëëru mo‑bhaato bhoose, no omooto uno eche kweghi.

1 Timotewo 6:11

Amare iye, omooto o Ryobha, oghangʼösë amangʼana ghayo. Utambane ghano Eryobha rekwënda, no orisëngërë, ubhe no obhokumi, no obhosiighi, no obhoghumereri no obhuhörëëru.

Tiito 3:2

Obhabhoorere bhatatoka omooto wowoose, na bhatabha bharareghesa, bhabhe bhahörëëru, na bhabhe bhanyööhu kwo mooto woose.

1 Abhatesaronike 2:12

kubha mubhe moratambana ghano Eryobha resiighiri. Eryobha niryo rekobhabherekera kubha, mubhe haase e bhukangati no obhokumi bhooche obhokoro.

Abhaebheeso 5:15

Gho ghayo, mubhe bhangʼiini mo‑riimanya reenyu. Motamanya kinya abhaghëëghë, amare mumanye kinya abhaato abhangʼiini.

1 Abhakorinto 14:1

Mwiköngʼi kubha no obhosiighi na mwighombe kubhöna ebhihaano bhe Körö Ahörëëru, ahanene ekihaano ghe koruusi obhurööti.

1 Abhakorinto 6:7

Ghusëmana kuyo ngokwërëki kubha mokeyuru inkongʼorimu. Tengabheere ngʼoni, komotigha omooto aghukörë kobhe hamu akuhökë obhwame bhoocho?

Abharuumi 14:19

Gho ghayo, twiköngʼi eriibhagha ryose ghuköra amangʼana ghano ghakurëëta omurëmbë na ghano ghaghuköngʼi bhaghëndi bhiito mo‑bhokumi.

Abharuumi 12:9

Mobhasiighe abhaghëndi kwo mukörö mwero. Motighe kimu ghuköra amabhe, amare mukörë amachömu eriibhagha ryose.

Ruuka 6:35

“Amare inyu, mobhasiighe abhabhisa bhaanyu, mobhatoori, mobhahë asiire, motiitëngʼëra kubha mbakobhagharokeri. Moraköra hangʼu niho mokubhöna atuho inkoro, na kubha abhaana bha hëënë bha Waryobha Omokoro o Bhyose. Gho kubha, Eryobha ndeghusakëri koru bhaare bhataakoriitabheri, na abhaköri bha mabhe.

Mataayo 5:39

Amare eni ˆnekabhabhoorera kubha, otamoreha obhobhe omooto uno aghuköriire obhobhe. Aribha omooto araghutëma orohe mo‑rusa ro kwiro, omugharurere na ro kumosi wiiki.

1 Bheetero 2:17

Mobhasooke abhaato bhoose, na mobhasiighe abhakumi abhaghëndi bhaanyu. Morisëngërë Eryobha, na momosooke Kayisaari, omutëmi waanyu.

Abhaebheeso 5:33

Amare na niinyu bhoose ˆnekabhabhoorera kubha, omooto woose amosiighe omukari waache kinya bhuno isiighiri omwene. No omokari woose, atatigha komosooka omosubhe waache.

1 Abhakorinto 16:10

Timotewo araacha bhowaanyu, momughënëhi bhoheene, kubha ikare ataanyi na ahaho, gho kubha iwe naghuköra emeremo ghe Mutëmi kinya eni.

Obhohunyurëru 22:9

Amare akamboorera akabhugha, “Tigha! Eni woose n‑omutamishi mughëndi waacho neenyi. Nturëngʼiine na abhahiiri bhaacho abharööti, na abhande bhoose bhano bhaghutambana amangʼana gha ghitabhu kino. Mbe, orisëngërë Eryobha eryene chiri!”

Obhohunyurëru 19:10

Niho neghagho kebhuuma ambërë e marayika uyo, kubha nemusëngërë. Amare akamboorera akabhugha, “Tigha! Eni woose n‑omutamishi mughëndi waacho neenyi. Nturëngʼiine na abhahiiri bhaacho abharööti, na abhande bhoose bhano bhakoruusi obhwibhateri ighoro e Yesu. Mbe, usëngërë Eryobha eryene chiri! Gho kubha, obhuhëënë bhuno Yesu ërëkiri, nibho bhoghughëri abhaato bhararuusi obhurööti.”

1 Abhatesaronike 5:21

amare moghasaki amangʼana ghoose gha bhurööti na ghughööta ghano ghaanyi machömu,

Amaköri gha Bhatomu 16:28

Amare Bhawuro aghatiiri eriiraka reeche akamobhoorera akabhugha, “Otiyita! Itu bhoose niho toonyi!”