1 Abhatesaronike 5:14 - Eriiraghano Eriihë

¹⁴ Mbe, bhahiiri bhiito, ntokobhasasaama, mubhe morabhashaangʼi abhatöbhu na kobhaköngʼi bhano bhakuure omukörö. Wiiki mubhe morabhaköngʼëërëri bhano bhataamara bhaköngʼëri mo‑bhakumi na kobhaghumereri abhaato bhoose.

1 Abhatesaronike 5:14 Referans Kwoze

2 Timotewo 4:2

Ibheere, ubhe oraraghani Angʼana Anchömu e Ryobha. Ubhe wiisëëmiri ghuköra hangʼu eriibhagha ryoryose, kwo riibhagha rino rirëngʼaaniire na rino retarëngʼaaniire. Ubhe oratöngëra, no orahiinya no orabhaköngʼi abhaato. Ukörë hangʼu, ino oreeghi kwo bhoghumereri bhoose.

Abharuumi 14:1

Momughënëhi omokumi mughëndi waanyu uno ataamara aköngʼëri mo‑bhokumi bhooche. Motahakaana nawe ighoro e miihëëbhö ghaache gharaanga koghwana na ghaghaanyu.

Amaköri gha Bhatomu 20:35

Gho ghayo, neere nerabhëërëki kubha ntokwëndëru tubhe torahöki kwo bhigheri, kubha tubhönë ebheghiro bhe kobhatoori abhaato bhano bhataaghotora. Eriibhagha ryose mohiite amangʼana ghano Omutëmi Yesu omwene abhughiri, ‘Ngʼoni abhaato bhano bhakoruusi, ghokera bhano bhakuhaabhu.’”

Abhakorosaayi 1:28

Iwe Kirisito niwe tokuraghani amangʼana ghaache, ntokobhashaangʼi na kobheeghi abhaato bhoose kwo mangʼiini ghoose, kubha tobharëëtë bhoose ambërë e Ryobha bhaköngʼiri gho ghughöötana koobho na Kirisito.

Abheebhuraaniya 13:3

Mobhahiite bhano bhaanyi mo‑kibhöhö, mubhe kinya mubhöhuru haghirohamu nabho. Mobhahiite bhano bhakunyaaka, mubhe kinya mokunyaaka haghirohamu nabho.

1 Timotewo 6:11

Amare iye, omooto o Ryobha, oghangʼösë amangʼana ghayo. Utambane ghano Eryobha rekwënda, no orisëngërë, ubhe no obhokumi, no obhosiighi, no obhoghumereri no obhuhörëëru.

Abhaebheeso 4:2

Eriibhagha ryose mubhe bhanyööhu, na abhahörëëru, na abhaghumereri. Moghumererani inyu bheene kwo bheene kwo bhosiighi.

1 Abhakorinto 4:14

Nteekobhaandëkëra amangʼana ghano kobhasooki, amare nekwënda kobhashaangʼi kinya abhaana bhaane abhasiighani.

Amaköri gha Bhatomu 20:31

Gho ghayo, mubhe amiisho! Mubhe morahiita kubha, ꞉niimariri emeeka etato, obhotiko no omwishe nerabhashaangʼi omooto woose, gho changishori.

Mataayo 12:20

Taakobhuna amoori ino imomontiine, taakororimi orutambe runo roghoghunda eryoki, antenero naghuköra obhuhëënë bho Ryobha bhokinde.

Abheebhuraaniya 12:12

Mbe, mwëngërë changuru mo‑mabhökö ghaanyu ghano ghaanyi amatöbhu na mo‑maru ghaanyu ghano ghaghosingisa.

Tiito 1:6

Omugharuka o riikanisa, nakwëndëru abhe omooto uno ataanyi ni isörö ryoryose. Abhe omosubhe o mukari umu hangʼu, na abhaana bhaache bhabhe abhakumi, bhatabha abhatiriighanu hamu bhano bhataanyi na asooko.

1 Timotewo 3:3

Atabha omurëëbhi, atabha omurööni, abhe muhörëëru uno asiighiri omurëmbë. Wiiki atabha omosiighi o chambiiri.

Abhaebheeso 4:32

Amare morigherani changori mubhe ne emetema myero kwo bhande. Mubhe moraabhërana kinya bhuno Eryobha rebhaabhiire gho kohetera gho Kirisito.

Abhagharatiya 5:22

Amare aribha toghukangatu na Akörö Ahörëëru, ntookubha ne eriikorobhese re Körö Ahörëëru. Eriikorobhese riyo n‑obhosiighi, na ghuchömëru, no omurëmbë, no obhoghumereri, no obhuhöriicho, na ghughënëhi, no obhuhëënë,

Abharuumi 12:1

Ibheere abhahiiri bhaane, mweche kebhuno Eryobha reghotorigheri changori. Gho ghayo, ˆnekabhasasaama kubha, moruusi eriimanya reenyu kwo Waryobha. Mubhe kinya amaruusi ghano ghaanyi amahöru, na amatööbhiyu, ghano ghakoretegheri Eryobha. Ghuköra hangʼu, niyo anchëra e hëënë e korisëngëra.

Amaköri gha Bhatomu 20:27

gho kubha ghano ghoose Eryobha reere rërëënda mumënyë, nebhabhooriire ghoose netaanyi na ahaho yoyoose.

Ruuka 22:32

Amare, neghusabhiire kwo Waryobha, kubha otakindu mo‑bhokumi bhoocho. Na hano okubha ungarökiire, obhatoore changuru abhaghëndi bhaacho.”

Tiito 1:10

ˆNeghakobhoorera hangʼu, gho kubha hayo Kireete mbaanyi‑ho abhaato bhaaru bhano bhataanyi na asooko, mbaghosiikëra amangʼana ghano ghataanyi no obhwëra, wiiki m‑bhabhiihi, abhamu m‑bhano bhahënëriire emeghiro ghe Kiyahuuti. Abhaato bhayo otabhiisherereri kweghi,

1 Abhakorinto 8:7

Amare taanyi abhaato bhoose bhano bhaanyi no obhumënyi bhuyo, gho kubha mbaanyi‑ho abhande bhano ꞉bhaare na chaasughara che ghusëngëra chasanaamu. Koru ibheere, eriibhagha bhaakurë ebhiinyakurë bhino bhiihëriinu mo‑chasanaamu, ebhiinyakurë bhiyo mbekobhaköra bhahiite chasanaamu. Hayo mbakwirighi mo‑metema gheebho kubha mbaghuköra amasari, gho kubha bhataamara bhaköngʼëri mo‑bhokumi.

2 Abhatesaronike 3:15

Amare motamubhara kinya omobhisa, mubhe moramoshaangʼi kinya omughëndi waanyu.