1 Abhatesaronike 5:13 - Eriiraghano Eriihë

¹³ Mobhasooke chwee na kobhasiigha kurëngʼaana ne emeremo gheebho. Wiiki mubhe no omurëmbë ghate yaanyu.

1 Abhatesaronike 5:13 Referans Kwoze

Maariko 9:50

Omoonyo m‑muchömu, amare orabhori obhuchömu bhooche, moghotora ghotoora egheghiro ke kubha ughöötë wiiki? Na niinyu moose yaanyu, mubhe kinya omoonyo uno ughöötiri, mubhe no obhoghwani inyu bheene kwi inyu bheene.”

Abheebhuraaniya 12:14

Mbe, mwiköngʼi kumanya kwo murëmbë na abhaato bhoose. Wiiki mwiköngʼi kubha abhatööbhiyu mo‑riimanya reenyu gho kubha taanyi‑ho omooto uno aghotora komorighi Omutëmi ino ataanyi omutööbhiyu.

Yakobho 3:18

Abhaato bha murëmbë, bhareemi chaatëtërë che murëmbë, mbaghughësa obhuhëënë.

Abhaebheeso 4:3

Mwiköngʼi ghochonga obhumu bhuno bhokurëëtu na Akörö Ahörëëru gho kumanya haghirohamu kwo murëmbë.

Abhagharatiya 5:22

Amare aribha toghukangatu na Akörö Ahörëëru, ntookubha ne eriikorobhese re Körö Ahörëëru. Eriikorobhese riyo n‑obhosiighi, na ghuchömëru, no omurëmbë, no obhoghumereri, no obhuhöriicho, na ghughënëhi, no obhuhëënë,

2 Abhakorinto 13:11

Ibheere, abhahiiri bhaane, masaraamu! Mubhe bhaghöröröku, na mwighambisani, na mubhe no obhumu, na mubhe no omurëmbë. Eryobha ryose rino reenyi no obhosiighi no omurëmbë ndeekubha haghirohamu na niinyu.

Yohana 15:17

Mbe, nekabhahatëka inyu kubha, mosiighane.”

2 Timotewo 2:22

Ungʼösë amiigha gha bhobhureni, wiköngʼi ghutambana ghano Eryobha rekwënda, ubhe no obhokumi, no obhosiighi no omurëmbë. Ughöötërërë ghayo, haghirohamu na bhoose bhano bhakomusabha Omutëmi kwo mukörö mwero.

2 Abhatesaronike 3:16

Ibheere, Omutëmi Yesu omwene uno anyi omutangi o murëmbë, abhe arabhaha omurëmbë eriibhagha ryose gho chanchëra haghare haghare. Iwe abhe haghirohamu na niinyu bhoose.

Abhakorosaayi 3:15

Omurëmbë o Kirisito ukangate mo‑metema gheenyu. Inyu mubheere omobhere umu, gho ghayo, mumanye kwo murëmbë. Wiiki mubhe morariitabheri Eryobha.

Abhagharatiya 6:6

Omooto uno akweghibhu angʼana e Ryobha, nakwëndëru abhe aramuhööhi omweghi waache ebheghiro ebhichömu bhino akubhöna.

Abhagharatiya 4:14

Nangabha kunyaakibhu kwo mobhere waane ꞉nguughëriri musakibhu, amare inyu motantaraahiri hamu konyanga. Amare kino ꞉muuköriri n‑konyiishereri kinya bhuno mongamwisheriiri marayika o Ryobha, hamu kinya Kirisito Yesu omwene.

Mataayo 10:40

“Omooto wowoose uno akobhaghënëhi inyu, nangënëhiri na neeni. Wiiki, wowoose uno angënëhiri eni, namughënëhiri wuure antomiri eni.

1 Abhatesaronike 5:14

Mbe, bhahiiri bhiito, ntokobhasasaama, mubhe morabhashaangʼi abhatöbhu na kobhaköngʼi bhano bhakuure omukörö. Wiiki mubhe morabhaköngʼëërëri bhano bhataamara bhaköngʼëri mo‑bhakumi na kobhaghumereri abhaato bhoose.