1 Abhatesaronike 5:10 - Eriiraghano Eriihë

¹⁰ Uyo niwe akuure gho ghiri yiito, kubha tumanye haghirohamu nawe, ibhe toonyi abhahöru hamu tokuure.

1 Abhatesaronike 5:10 Referans Kwoze

1 Bheetero 3:18

Kirisito woose nanyaakiru mara rimu hangʼu gho ghiri e masari, omooto omuhëënë gho ghiri e bhaato bhano bhataanyi abhahëënë, kubha atughöötani ne Eryobha. Omobhere ꞉wiituru, amare kwo bhotoro bho Akörö Ahörëëru ꞉naabhwine wiiki obhuhöru.

Abhaebheeso 5:2

Mumanye eriimanya re bhosiighi, kinya bhuure Kirisito ꞉atosiighiri itu, akiiruusi aghaku gho ghiri yiito, akabha kinya eriruusi re keneeso ghichömu kino ghekoretegheri Eryobha.

Abharuumi 8:34

Wiiki taanyi‑ho uno aghotora kobhatenera ekiina kubha m‑bha masari moonyi, gho kubha Kirisito Yesu, niwe akuure na koryoka koru mo‑bhaku. Wiiki niikeere eribhaara re kwiro re Ryobha, niwe aghotusabhera.

1 Abhatesaronike 4:17

Niho itu bhano tookubha tusaaghiri toonyi abhahöru, ntoghusaru haghirohamu nabho mo‑mashaaro, kubha tomoturungʼanere Omutëmi mwighoro. Niho tookubha nawe haghirohamu emiishe ghyose.

2 Abhakorinto 5:21

Kirisito taare na amasari ghoghoose, amare Eryobha ꞉ndeemubhariire amasari gho ghiri yiito, kubha itu tubhareru obhuhëënë ambërë e Ryobha gho kohetera ghokooche.

2 Abhakorinto 5:15

Iwe ꞉naakuure gho ghiri e bhaato bhoose, kubha bhano bhaanyi abhahöru bhatighe kumanya gho ghiri yaabho abheene, amare gho ghiri e uno akuure na koryoka gho ghiri yaabho.

1 Bheetero 2:24

Kirisito omwene ꞉niimokiri amasari ghiito mo‑mobhere waache ighoro e musarabha. ꞉Naaköriri hangʼu, kubha itu toku mo‑mangʼana gha amasari, amare tubhe abhahöru mo‑mangʼana gha bhuhëënë. Na gho ghutëmu kooche, inyu muhöruru.

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.

1 Timotewo 2:6

Iwe ꞉naaruusiri eriimanya reeche omwene, kubha abhatingori abhaato bhoose. Bhuno nibho obhwibhateri bhuno Kirisito atoheere kwo riibhagha rino Eryobha retooriri.

1 Abhatesaronike 4:13

Inyu bhahiiri bhiito, ntokwënda mumënyë ghano ghakorwera mo‑Bhakirisito bhano bhakuure, kubha motabha na amacheeche ke bhaato abhande bhano bhataanyi na amiitëngʼërö gha koryoka.

1 Abhakorinto 15:3

Nebheeghiri ameeghi gha bhwëra ghano eni omwene neghasongʼaaniri, kubha Kirisito ꞉naakuure gho ghiri e masari ghiito, kinya bhuno yandëkuru mo‑Mandëkö Amatööbhiyu.

Yohana 15:13

Taanyi‑ho omooto uno anyi no obhosiighi bhokoro ghokera bhuno, bho mooto koruusi obhuhöru bhooche gho ghiri e bhasaani bhaache.

Yohana 10:17

“Taata nansiighiri gho kubha nekoruusi obhuhöru bhoone, kubha neramara nebhwimoki wiiki.

Yohana 10:11

“Eni n‑omoriishi omuhöriicho. Omoriishi omuhöriicho nakobhoruusi obhuhöru bhooche gho ghiri e changʼöndu cheeche.

Mataayo 20:28

Gho nchëra iyo iyo, eni uno neenyi Omoona o Mooto ntiichiri kuhökëru, amare niichiri nebhahökëri abhaato na koruusi obhuhöru bhoone kubha nebhatingori abhaato bhaaru.”

Yohana 10:15

kinya bhuno Taata anyeche eni, na neeni nemweche. Na neeni nekobhoruusi obhuhöru bhoone, gho ghiri e changʼöndu cheene.

1 Abhatesaronike 4:15

Mbe, ghano tokobhabhoorera n‑ameeghi gha Mutëmi Yesu, kubha itu bhano tookubha abhahöru hano akuucha ghugharuka, totaakobhakangata bhano bhamariri ghoku.

1 Abhatesaronike 5:6

Ibheere totamisi chandöörö ke bhaato abhande, amare tubhe miisho na kubha ne ekirëngërë.

2 Timotewo 2:11

Angʼana ino n‑e hëënë, kubha, “Aribha tokuure haghirohamu na Kirisito, ntookubha abhahöru haghirohamu nawe.