1 Abhatesaronike 4:6 - Eriiraghano Eriihë

⁶ Gho ghayo, omooto wowoose atamutaaseri mughëndi waache, koru komongʼiina. Kinya bhuure ꞉toobhashaangʼiri na kobhabhoorera kubha, bhano bhoose bhaghuköra ghayo, Omutëmi nakobharööna.

1 Abhatesaronike 4:6 Referans Kwoze

Abheebhuraaniya 13:4

Obhokwiri mbokwëndëru ghosooku na abhaato bhoose, wiiki omosubhe no omukari bhiikabhaahane no obhutaari gho kubha Eryobha ndekobhatenera ekiina abhaato bhoose bhano bhaghuköra obhutaari.

Abharuumi 12:19

Abhasiighani bhaane, motarehani asiire, amare motighere Eryobha rikörë ghayo. Neghosiikëra hangʼu, gho kubha mo‑Mandëkö Amatööbhiyu Omutëmi Waryobha nakobhugha kubha, “Korehani asiire n‑emeremo gheene, eni niwe nekorehani asiire.”

Abharuumi 1:18

Eryobha eryene ndëhëërëki haheero koru Mwishaaro kubha, ndehaarööna abhaato bhano bhakoryanga na ghuköra amabhe. Abhaato bhayo mbahaanga obhuhëënë bhooche, kurëngʼaana na amabhe ghaabho,

Yakobho 5:4

Mumööhi! Inyu motabharehiri bhano ꞉bhaare bharabhahökëri mo‑meghondo gheenyu, bhano bhabhaghësiire mbakwirereeri ne eriirera reebho ndehikiri mo‑matu gha Mutëmi Waryobha o bhakëëya bha Mwishaaro.

Yakobho 2:6

Amare, inyu mobhataraahiri chwee abhahabhe! Kana, abhaame bhayo taanyi ibho bhahabhibhönëërëri inyu, na kobhahira ambërë e bhateni bha kiina?

Abhagharatiya 5:21

no obhwighombi bho bheghiro bhe bhande, no obhurëëbhi, no obhohobhaaru na amangʼana aghande ghoose ghano ghatuubhiine na ghayo. ˆNekabhabhoorera wiiki kinya bhuno neere nebhabhooriire kubha, abhaato bhano bhahaaköra amangʼana ghayo, bhataaghughabha ghyokyose mo‑bhutëmi bho Ryobha.

Abharuumi 13:4

Omukangati o serekaare n‑omutamishi o Ryobha, ne emeremo ghino aghuköra ngeenyi no obhwëra ghokoonyu. Amare, oraköra amabhe, nokomotiina! M‑mahëënë kubha naanyi no obhotoro bho kobharööna. Gho ghuköra hangʼu, naakubha omutamishi o Ryobha na kohikeerani ghukarara kooche kwo uno aghuköra amabhe.

Ruuka 12:5

Amare, nekobhëërëki uno moghotora ghotiina. Motiine Eryobha, gho kubha reramara ghwita omooto, ndeenyi no obhotoro bho komurëkëra mwiribha re mororo. Mbe, uyo niwe momotiine.

2 Abhatesaronike 1:8

Yesu niwe akobharööna bhoose bhano bhakoryanga Eryobha na bhano bhataaghosooka Angʼana yaache Anchömu.

Abhaebheeso 5:6

Amangʼana ghanga ghayo, nigho ghaghughëri Eryobha rebharöönë abhaato bhano bhataakoresooka. Motiishereri omooto wowoose abhangʼiine kwo mangʼana ghano ghataanyi gha mahëënë kubha momutambane.

Abhaebheeso 4:17

Mbe, kwo riina re Mutëmi ˆnekabhatöngëra kubha, motamanya wiiki kinya abhaato bhano bhataryeche Eryobha. Ibho amiihëëbhö ghaabho ghataanyi no obhwëra,

Maariko 10:19

Ibheere, noghyeche emeghiro ghe Ryobha ghino ghekobhugha kubha, ‘Otiita, no otataara, no otiibha, no otaruusi obhwibhateri bho bhuröngö, no otangʼiina, no obhasooke iso na nyako.’”

Abhaebheeso 4:28

Uno are ariibha atagharokeri kwibha wiiki, amare akörë emeremo ghino ghiishereriiru kwo mabhökö ghaache omwene, abhönë egheghiro ghe komuhööhi uno ataghöötë.

Ruuka 16:28

neenyi na bhaomwito bhataano, abhashaangʼi bhataacha kuucha ino mo‑nyaako ahaari.’

2 Abhakorinto 7:11

Mööhi! Amacheeche ghano ghakuucha gho ghiri e mënda gha Ryobha ngakobharëëtëra obhwëra obhokoro. Amacheeche ghayo ngabhaköriri kubha na amiigha makoro gha ghuköra ghano ghakwëndëru, na ngabhaköriri ˆmoghiitachura kubha ghano moghuköra n‑gha mahëënë. Wiiki ngabhaköriri kobhurëgha obhobhe, na koresooka Eryobha, na kubha na amiigha gha kondighi, na korighi kubha uno asariri nasongʼaaniri amareho ghaache. Mo‑ghayo ghoose mokwërëki kubha motaanyi ne eriisari mo‑ngʼana ino.

1 Abhatesaronike 2:11

Wiiki mweche kubha eriibhagha hano toore bhowaanyu ntoore torabhakörëra bhoose kinya bhuno taata ahabhakörëra abhaana bhaache. Ntoore torabhatoora omukörö na kobhakumeereri,

Abheebhuraaniya 2:6

“Omooto n‑ghento ke koru omwihëëbhërë? Kana, omoona o mooto n‑niwe, koru omotereere?