1 Abhatesaronike 3:11 - Eriiraghano Eriihë

¹¹ Ntokomusabha Waryobha, Taata wiito omwene, na Yesu Omutëmi wiito, atusëëmërë anchëra e kuucha bhowaanyu.

1 Abhatesaronike 3:11 Referans Kwoze

Mataayo 6:32

Nekobhugha hangʼu gho kubha, bhoose bhano bhataryeche Eryobha mbahaaköra ghayo ghayo, na Taata waanyu uno anyi Mwishaaro neeche bhoheene kubha mokobhyënda.

2 Abhatesaronike 2:16

Taata wiito Waryobha natosiighiri, na gho ghareeya yaache aghatughambisani emiishe ghyose na ghotuha amiitëngʼërö amachömu. Iwe ntokomusabha, haghirohamu no Omutëmi wiito Yesu Kirisito kubha,

1 Abhatesaronike 3:13

Wiiki aköngʼi emetema gheenyu, kubha mubhe abhatööbhiyu, motabha ni isörö ambërë e Waryobha Taata wiito, eriibhagha akuucha Omutëmi wiito Yesu haghirohamu na abhatööbhiyu bhaache bhoose.

Ruuka 12:32

“Motatiina, inyu erikinda isuuhu, gho kubha Iso waanyu uno anyi Mwishaaro nasiighiri kobhaha obhutëmi bhooche.

Mataayo 6:26

Mumööhërëri ebhinyönyi bhe mwishaaro. Bhetaakwemi, bhetaaghughësa koru ghotindëka ebhiinyakurë mo‑ghitara. Koru hangʼu, Taata waanyu uno anyi Mwishaaro, nakobhiraagheri. Mbe, kana inyu motaanyi no obhwëra ghokera ebhinyönyi bhiyo?

1 Yohana 3:1

Mbe, morighi kebhuno Taata Waryobha atosiighiri chwee, kubha itu tobherekeru abhaana bhaache! Mahëënë hangʼu toonyi. Abhaato bhano bhataakoresooka Eryobha bhateeche kubha itu n‑abhaana bha Ryobha toonyi, gho kubha bhataryeche iryo.

2 Abhatesaronike 3:5

Omutëmi aghikangate emetema gheenyu mumënyë bhoheene obhosiighi bho Ryobha no obhoghumereri bhuno bhwërëkuru na Kirisito.

Ruuka 12:30

Abhaato bhano bhataryeche Eryobha hano mo‑se, mbahaanyaakera ebheghiro bhiyo. Amare inyu, Taata waanyu uno anyi Mwishaaro neeche bhoheene kubha mokobhyënda.

Maariko 1:3

“Omutamishi waane uyo, naakubha araraghani mwibhara kwo riiraka ikoro arabhugha, ‘Mukörë anchëra e Mutëmi, mughöröröki chanchëra chino akohetera!’”

Abhagharatiya 1:4

Kirisito ꞉naaruusiri eriimanya reeche, gho ghiri e masari ghiito, kubha atotoori koru mo‑mabhe ghoose gha se ino yi ibheere. ꞉Naaköriri hangʼu kurëngʼaana na amënda gha Waryobha Taata wiito.

Abharuumi 1:3

Angʼana Anchömu iyo n‑angʼana ighoro e Moona waache. Omoona uyo, ꞉niibhwiru kinya omooto mo‑rwibhoro ro mutëmi Tawuti,

Mataayo 6:18

kubha abhaato bhatamënya kubha wiyiimiri ebhiinyakurë. Taata waanyu uno ataakorighibhu, niwe omwene akumënya. Mbe, Taata waanyu uno akorighi ghano ghaghuköru mo‑kebhisere, naghoghoghongi.

Mataayo 6:14

Yesu akëëndërëra kobhugha, “Aribha mokobhaabhëra abhaghëndi amasari ghaabho, Taata waanyu uno anyi Mwishaaro nakobhaabhëra na niinyu amasari ghaanyu.

Mataayo 6:6

Amare iye hano oghusabha Eryobha, usöhë mo‑kenyumba na wighare orwighe. Oramara usabhe gho Taata waacho uno ataakorighibhu. Niho Taata waanyu uno ahaarighi ghano ghaghuköru mo‑kebhisere, naghoghoghongi.

Abhakorosaayi 1:2

Ntokobhaandëkëra inyu abhaato bha Ryobha bhano mwikeere mo‑moghya o Korosaayi, inyu abhahiiri bhiito abhahëënë gho ghughöötana na Kirisito. Ntököbhëëndëra aghareeya no omurëmbë koru kwo Waryobha Taata wiito ghibhe haghirohamu na niinyu.

2 Abhakorinto 6:18

Neekubha Iso waanyu, na niinyu mookubha abhaana bhaane bha ghesubhe na bha ghikari. Hangʼu nibhu Omutëmi Waryobha o Bhotoro Bhoose, akobhugha!”

Mataayo 6:4

kubha obhotoorereri bhoocho bhubhe ne ekebhisere. Taata waanyu uno akorighi ghano ghaghuköru mo‑kebhisere, naghoghoghongi.

Yohana 20:17

Yesu akamobhoorera akabhugha, “Otangööta. Nekeere ntiimara neghi Mwishaaro o‑Taata. Mbe, nooghi obhabhoorere abhahiiri bhaane, kubha ˆneeghaye Mwishaaro o‑Taata waane, nawe n‑Taata waanyu, kwo Ryobha reene naryo n‑Eryobha reenyu.”

1 Abhatesaronike 4:16

Omutëmi omwene naghwika koru Mwishaaro. Naghosiikëra kwo riiraka ikoro, haghirohamu ne eriiraka re marayika omokoro ne eriiraka re ntaara e Ryobha. Niho bhano bhakuure bharamokumi Kirisito, mbakoryokibhu singa.

1 Abhatesaronike 5:23

Eryobha eryene niryo reghotuha omurëmbë, rebhamuse inyu mo‑ghoose. Reghechonge emetema gheenyu no obhuhöru bhoonyu ne emebhere gheenyu, kubha mubhe motaanyi ni isörö mbagha kohikera eriibhagha re kuucha Omutëmi wiito Yesu Kirisito.

2 Abhatesaronike 3:16

Ibheere, Omutëmi Yesu omwene uno anyi omutangi o murëmbë, abhe arabhaha omurëmbë eriibhagha ryose gho chanchëra haghare haghare. Iwe abhe haghirohamu na niinyu bhoose.

Obhohunyurëru 21:3

Nekooghu eriiraka ikoro koru mo‑ghetumbe ghe ghitëmi, rerabhugha, “Mutëghëërëra! Obhwikari bho Ryobha n‑haghirohamu na abhaato. Ndeghuköra obhwikari bhooche haghirohamu na abhaato, nabho mbaakubha abhaato bhaache, naryo ndeekubha Eryobha reebho.