1 Abhatesaronike 2:13 - Eriiraghano Eriihë

¹³ Gho ghayo, itu ntokoriitabheri Eryobha totaaghotigha naabha, gho kubha hano mutëghëëriire angʼana yaache koru ghokwito, motayiisheriiri kinya angʼana e mooto. Amare kinya angʼana e Ryobha, na hëënë hangʼu keenyi. Angʼana iyo niyo eghuköra emeremo moose e metema gheenyu, inyu bhano momokumiri.

1 Abhatesaronike 2:13 Referans Kwoze

Abheebhuraaniya 4:12

Angʼana e Ryobha n‑ihöru wiiki neenyi na changuru ghokera ekinyamiino ekyeghi. Angʼana iyo, nehaangʼuuta omooto ehikera mo‑maghuha, nehaataani ebhyemo na amaghuta ghano ghaanyi‑mu. Wiiki nehaangohi kumënya amiihëëbhö gha mo‑motema o mooto, na kino akwënda.

Abharuumi 10:17

Gho ghayo, abhaato mbaghotora komokumi Kirisito erabha bharooghu angʼana ighoro e Kirisito. Wiiki mbaghotora kooghu erabha angʼana iyo e Kirisito iraghiinu.

1 Bheetero 1:23

gho kubha mwibhwiru mara e kabhere. Kwibhoru kuyo, ghotarweriire mo‑bhiiso bhano bhaghotora ghoku, amare inyu mwibhwiru kwo ngʼana e Ryobha ino enyi ihöru na neekubha‑ho emiishe ghyose.

1 Bheetero 1:25

amare angʼana e Mutëmi Waryobha neekubha‑ho emiishe ghyose.” Angʼana iyo niyo Angʼana Anchömu ino ꞉muuraghaniiru.

1 Bheetero 2:2

Kinya bhuno ebhengʼwerere bhehiighomba amabhëërë gha bhaanyina, na niinyu bhuure bhuure mwighombe amabhëërë gha hëënë gha Körö e Ryobha, kubha muköngʼë na ghotooribhu.

Ruuka 11:28

Amare Yesu akabhugha, “Mbiitabhiiru chwee bhano bhakooghu angʼana e Ryobha na koyesooka!”

Amaköri gha Bhatomu 13:48

Hano abhaato bha matöngö bhooghwire amangʼana ghayo, bhaghasiighasiigha chwee, bhaghatöghösi Angʼana e Mutëmi. Bhoose bhano ꞉bhaare bhaahwiru kubhöna obhuhöru bho miishe ghyose, bhakamokumi Yesu.

1 Yohana 3:3

Omooto wowoose uno aghwitëngʼëra kubha naghotuubhaana na Kirisito, iyeri abhe mutööbhiyu, kinya bhuno Kirisito omwene anyi mutööbhiyu.

Abhagharatiya 4:14

Nangabha kunyaakibhu kwo mobhere waane ꞉nguughëriri musakibhu, amare inyu motantaraahiri hamu konyanga. Amare kino ꞉muuköriri n‑konyiishereri kinya bhuno mongamwisheriiri marayika o Ryobha, hamu kinya Kirisito Yesu omwene.

2 Abhakorinto 3:18

Ibheere itu bhoose bhano totaaghwikundekeri mo‑bhosho ne eghitambara, ntokwërëki obhokumi obhokoro bho Mutëmi kinya ekiröri. Omutëmi uno anyi Akörö, nahaatugharura totuubhaane nawe. Naakubha aratugharura koru obhokumi obhokoro mbagha kohika obhokumi obhokoro chwee.

Amaköri gha Bhatomu 17:11

Abhaato bha hayo Bherooya mbaare abhaato bhahöriicho chwee ghokera bha Tesaronike. Hano Bhawuro abharaghaniiri angʼana e Ryobha, bhakayiishereri kwo miigha chwee. Bhaakabha bharaghiisuncha Amandëkö Amatööbhiyu chaasiko choose, kubha bharighi aribha ghayo Bhawuro akobhugha n‑gha hëënë.

Abhakorosaayi 1:6

Angʼana Anchömu ino ꞉ehikiri bhowaanyu, nisanchiri mo‑se ingima. Nekobhagharura abhaato kinya ꞉ebhagharwire inyu korwera orosiko runo ꞉mooghwire na kumënya aghareeya e Ryobha no obhuhëënë bho ghareeya yaache kebhuno enyi.

Ruuka 8:21

Akabhagharokeri akabhugha, “Yiima na bhaomwito nibho bhoose bhano bhakooghu angʼana e Ryobha na koyiköra.”

Yohana 17:19

ˆNeghiitoora ghokuhökëri iye gho ghiri yaabho, kubha nabho bhatooru ghokoocho mo‑bhuhëënë.

Mataayo 10:40

“Omooto wowoose uno akobhaghënëhi inyu, nangënëhiri na neeni. Wiiki, wowoose uno angënëhiri eni, namughënëhiri wuure antomiri eni.

Yohana 17:17

Oo Taata, ˆneghaghusabha obhakörë kubha abhaato bhaacho inkongʼorimu mo‑bhuhëënë bhoocho, gho kubha angʼana yaacho niyo obhuhëënë.

Yohana 15:3

Inyu mumariri ghuköngööru, gho kubha moghokumi ameeghi ghaane.

Ruuka 8:11

“Egheteemoro ghe ghetuubhaani kiyo n‑kubha, chambusuru, n‑angʼana e Ryobha.

Mataayo 10:20

Motanyaaka gho kubha taanyi inyu abheene moghosiikëra, amare n‑Akörö e Taata waanyu ino moose yaanyu niyo eghosiikëra.

2 Bheetero 3:2

Nekwënda mohiite amangʼana ghano ꞉ghaaghamburu kare na abharööti abhatööbhiyu, no omoghiro o Mutëmi no Omotoori uno abhatomu bhaache ꞉bhaabharëëtiire.

Yakobho 1:18

Gho kwënda kooche eryene, ndetuköriri tubhe abhaana bhaache, gho nchëra e ngʼana yaache e hëënë, kubha tubhe a bhambërë mo‑bhyose bhino ꞉riitëëmiri.

Amaköri gha Bhatomu 17:32

Mbe, hano bhooghwire kubha Bhawuro naghosiikëra ighoro e koryoka kwo bhaku, abhamu bhaghachëëra. Amare abhande bhakamobhoorera, “Ntokwënda ghoghutëghëërëra wiiki ighoro e ngʼana iyo.”

Amaköri gha Bhatomu 16:14

Umu o bhakari bhayo ꞉bhaare bharatutëghëërëra, naare aruure mo‑moghya o Tiyatira, eriina reeche Riitiya. Riitiya uyo naare omosorocha o maghööti amachömu gha sambaraawe, wiiki naare araresooka Eryobha. Hano Bhawuro abhamënyiri Angʼana Anchömu iyo, Omutëmi aghiighora omotema o Riitiya mbagha aghakumi.

Amaköri gha Bhatomu 10:33

Nikyo ghighëriri neghatoma abhaato ghokoocho bhwango, iye woose nuköriri bhoheene kuucha. Ibheere itu bhoose ntoonyi ambërë e Mutëmi Waryobha, kubha tutëghëërërë amangʼana ghoose ghano Omutëmi akuhatëkiri otobhoorere.”

Amaköri gha Bhatomu 2:41

Abhaato ekirëngërë ke bheku bhitato (3,000) bhaghaghakumi amangʼana ghayo gha Bheetero, bhakabhatiisu, bhaghaghöötana na abhaghëndi abhande bha Yesu orosiko ruyo.

Amaköri gha Bhatomu 8:14

Abhatomu bhano ꞉bhaare bhasaaghiri Yerusareemu, hano bhooghwire kubha abhaato bha Samaariya ˆbhakayiishereri angʼana e Ryobha, Bhakabhatoma Bheetero na Yohana bhaghi iyo.

Ruuka 5:1

Orosiko rumu, Yesu naare imeeriire haghuhe na anyancha e Ghenesareeti, areeghi abhaato angʼana e Ryobha. Bhaakabha bharamwishukerera, gho ghiri bhamutëghëërërë, aghatookera bhamotooriri ghateghate bharatachana.

Abheebhuraaniya 4:2

Na niitu nturaghaniiru Angʼana Anchömu kinya bhuno bhasookoro bhiito bhoose ꞉bhooghwire. Amare ibho eriibhagha ꞉bhooghwire amangʼana ghayo, ghatabhatooriri ghyokyose gho kubha bhataaghakumiri.