1 Abhatesaronike 1:9 - Eriiraghano Eriihë

⁹ Hohoose hano tooghuye, abhaato mbaghosiikëra kebhuno ꞉mootughënëhiri eriibhagha ꞉twiichiri bhowaanyu. Mbaghosiikëra kebhuno ꞉mootighiri chasanaamu cheenyu na ghwigharurera Eryobha gho korihökëri rino reenyi ihöru na re mahëënë,

1 Abhatesaronike 1:9 Referans Kwoze

1 Timotewo 4:10

Riyo niryo reghughëri toriiköngʼi ghuköra emeremo gho ghwiköngʼi, gho kubha ntokoriitëngʼëra Eryobha rino reenyi ihöru. Iryo niryo Omotoori o bhaato bhoose, ahanene kwo bhano bhaghokumi.

1 Abhakorinto 12:2

Mweche kubha eriibhagha moore mokeere korimënya Eryobha, mongʼiinuru na moghakangatu ghusëngëra chasanaamu chino chetaare cheratora ghosiikëra!

1 Abhatesaronike 2:13

Gho ghayo, itu ntokoriitabheri Eryobha totaaghotigha naabha, gho kubha hano mutëghëëriire angʼana yaache koru ghokwito, motayiisheriiri kinya angʼana e mooto. Amare kinya angʼana e Ryobha, na hëënë hangʼu keenyi. Angʼana iyo niyo eghuköra emeremo moose e metema gheenyu, inyu bhano momokumiri.

1 Abhatesaronike 2:1

Inyu bhahiiri bhiito, mweche kubha okuucha kwito bhowaanyu, ghotaare bhoowa.

Amaköri gha Bhatomu 14:15

“Abhahiiri bhiito! Ngwake moghuköra amangʼana ghano? Itu n‑abhaato hangʼu toonyi kinya inyu! Ntwichiri hano kobheeghi Angʼana Anchömu, kobhabhoorera kubha motighe ghusëngëra chasanaamu chiyo, musëëmë kubha abhaato bha Ryobha rino reenyi ihöru! Rino ꞉riitëëmiri erishaaro, na ase, na anyancha, na bhyose bhino bheenyi mwishaaro, na mo‑se, na mo‑nyancha.

Obhohunyurëru 17:2

Abhatëmi bha se mbataariri nawe, na abhaato bha se nabho mbarëëwuru no bhutaari bhooche, kinya omooto uno anywire amaro.”

Abheebhuraaniya 12:22

Amare inyu mohikiri mo‑gheghoro ghe Sayuuni, hano haanyi no omoghya o Yerusareemu e Mwishaaro. Omoghya uyo n‑omoghya o Ryobha rino reenyi ihöru. Mo‑moghya uyo mbiikomiine gho ghuchömëru bhamarayika ebheku ne ebheku.

Abharuumi 9:26

Wiiki ndebhughiri kubha, “Hano bhabhooriiru kubha, ‘Inyu taanyi abhaato bhaane,’ hayo niho bhakobherekeru, ‘Abhaana bha Ryobha rino reenyi ihöru.’”

Mataayo 16:16

Simiyooni Bheetero akamugharokeri akabhugha, “Iye niiye Kirisito, Omoona o Ryobha rino reenyi ihöru.”

1 Yohana 5:21

Abhaana bhaane abhasiighani, mubhe miisho motasëngëra chasanaamu.