1 Abhatesaronike 1:1 - Eriiraghano Eriihë

¹ Anyaarubha ino neyandëkiri eni Bhawuro, haghirohamu na Sirwano na Timotewo. Ntokobhaandëkëra inyu bhano moonyi mo‑riikanisa re moghya o Tesaronike, bha rikinda re bhaato bhano momokumiri Taata Waryobha no Omutëmi wiito Yesu Kirisito. Ntököbhëëndëra aghareeya no omurëmbë ghibhe haghirohamu na niinyu.

1 Abhatesaronike 1:1 Referans Kwoze

Abharuumi 1:7

ˆNekabhaandëkëra inyu abhakumi bhoose bhano moonyi iyo Ruumi. Eryobha ndebhasiighiri chwee, na ꞉ndeebhabherekiire kubha mubhe abhaato bhaache abhatööbhiyu. Nëköbhëëndëra aghareeya no omurëmbë koru kwo Waryobha Taata wiito, na kwo Mutëmi wiito Yesu Kirisito, ghibhe haghirohamu na niinyu.

2 Abhatesaronike 1:1

Anyaarubha ino neyandëkiri eni Bhawuro, haghirohamu na Sirwano na Timotewo. Ntokobhaandëkëra inyu bhano moonyi mo‑riikanisa re moghya o Tesaronike, bha rikinda re bhaato bhano momokumiri Taata wiito Waryobha no Omutëmi Yesu Kirisito.

Amaköri gha Bhatomu 20:4

Eriibhagha riyo, Bhawuro naare araköra orughëndö haghirohamu na Sobhateeri mwërëëti o Bhiiro o mo‑moghya o Bherooya, haghirohamu na abhaato bhabhere bha Tesaronike, Arisitaariko na Sekundo, Ghaayo o mo‑moghya o Teeribhe, na Timotewo, na abhaato bhabhere bha Asiya, Tikiko na Torobhiimo.

Amaköri gha Bhatomu 18:5

Hano Siira na Timotewo ꞉bhaare bhahikiri hayo, koru Maketoniya, Bhawuro aghasëëma kuhökëri eriibhagha reeche ryose kweghi Abhayahuuti angʼana e Ryobha, arabhabhoorera kubha Yesu niwe Kirisito.

Yuuta 1:1

Anyaarubha ino neyandëkiri eni Yuuta, omutamishi o Yesu Kirisito, no omonyi waache Yakobho. ˆNekabhaandëkëra inyu bhano mosiighiru na kobherekeru na Taata Waryobha, na ghochongu bhoheene na Yesu Kirisito.

1 Bheetero 5:12

ˆNekabhaandëkëra anyaarubha ino inguhe, kwo bhotoorereri bho Sirwano. Eni nyeeche bhoheene kubha, n‑omokumi omuhëënë. Kino nekwënda, n‑kobhatoora omukörö na kobhahëënëhëri kubha amangʼana ghano mahëënë n‑aghareeya e Ryobha. Kurëngʼaana na aghareeya iyo, mwimeerere muköngʼiiri!

2 Abhakorinto 1:19

Neghosiikëra hangʼu, gho kubha Kirisito Yesu, Omoona o Ryobha, uno eni, na Sirwano, na Timotewo ꞉toomuraghiini ghokoonyu, taare omooto o kobhugha, “Hee,” eriibhagha erimu, ne erende abhughe, “Tiyaanyi.” Amare ghokooche eriibhagha ryose n‑kobhugha, “Hee.”

Amaköri gha Bhatomu 19:22

Niho akabhiimoki abhaato bhabhere mo‑bhatoorereri bhaache, Timotewo na Eraasito, akabhatoma kubha bhakangate ghuye Maketoniya, iwe aghasaagha mo‑mukööwa o Asiya kwo riibhagha.

Amaköri gha Bhatomu 17:11

Abhaato bha hayo Bherooya mbaare abhaato bhahöriicho chwee ghokera bha Tesaronike. Hano Bhawuro abharaghaniiri angʼana e Ryobha, bhakayiishereri kwo miigha chwee. Bhaakabha bharaghiisuncha Amandëkö Amatööbhiyu chaasiko choose, kubha bharighi aribha ghayo Bhawuro akobhugha n‑gha hëënë.

Abheebhuraaniya 13:23

Nekwënda mumënyë kubha omokumi mughëndi wiito Timotewo mbamotighoorikiri koru mo‑kibhöhö. Aribha araacha bhwango hano neenyi, nekuucha nawe bhowaanyu kobhataarera.

2 Timotewo 1:2

ˆNeghakwandëkëra iye Timotewo, omoona waane omosiighani. Neghokwëndëra aghareeya ne ebheghongi no omurëmbë koru kwo Waryobha Taata na gho Kirisito Yesu, Omutëmi wiito, ghibhe haghirohamu na niiye.

1 Timotewo 1:2

ˆNeghakwandëkëra iye Timotewo, omoona waane o muhëënë mo‑bhokumi. Neghokwëndëra ghareeya, ne ebheghongi no omurëmbë koru kwo Waryobha Taata na gho Kirisito Yesu, Omutëmi wiito, ghibhe haghirohamu na niiye.

Abhakorosaayi 1:1

Anyaarubha ino neyandëkiri eni Bhawuro, omotomu o Kirisito Yesu kwo mënda gha Ryobha, neenyi haghirohamu na Timotewo, mohiiri wiito mo‑bhokumi.

Abhabhiribhi 1:1

Anyaarubha ino neyandëkiri eni Bhawuro haghirohamu na Timotewo omutamishi mughëndi waane o Kirisito Yesu. Ntokobhaandëkëra inyu amasikoofu na amashemaasi, haghirohamu na abhatööbhiyu bha iyo Bhiribhi bhano mughöötaniibhu na Kirisito Yesu.

Abhaebheeso 1:2

Nëköbhëëndëra aghareeya no omurëmbë koru kwo Waryobha Taata wiito na kwo Mutëmi wiito Yesu Kirisito, ghibhe haghirohamu na niinyu.

Abhagharatiya 1:22

Eriibhagha riyo, eni nteere nimënyëkiine na Abhakirisito bha makanisa ghano ghaanyi mo‑mukööwa o Yuteya.

Abhagharatiya 1:2

Eni na abhakumi bhaghëndi bhiito bhoose bhano bhaanyi haghirohamu na neeni hano, ntokobhakëëri inyu bhano moonyi mo‑makanisa gha Ryobha mo‑mukööwa o Gharatiya.

2 Abhakorinto 1:1

Anyaarubha ino neyandëkiri eni Bhawuro, omotomu o Kirisito Yesu kwo mënda gha Ryobha. Eni haghirohamu na Timotewo, mohiiri wiito mo‑bhokumi, ntokobhaandëkëra inyu bhano moonyi mo‑riikanisa re Ryobha re mo‑moghya o Korinto. Ntokobhaandëkëra inyu haghirohamu na abhaato bhoose bha Ryobha bhano bhaanyi mo‑mukööwa o Akaaya.

1 Abhakorinto 1:2

ntokobhakëëri inyu abhaato bha riikanisa re Ryobha bhano moonyi mo‑moghya o Korinto. Eryobha ndebhahwire gho nchëra e Kirisito Yesu na kobhabherekera mubhe abhaato bhaache. Ntokobhakëëri inyu haghirohamu na abhaato bhoose bha chambaara choose bhano bhakomusabha Yesu Kirisito, uno niwe Omutëmi waabho no Omutëmi wiito itu bhoose.

Amaköri gha Bhatomu 16:29

Hayo hayo omochongi uyo aghatomani ebhemore bhirëëtu. Ebhemore hano bhirëëturu, aghasöha mo‑nyumba iyo, akabhuna ebheru ambërë e maghoro gha Bhawuro na Siira ino arasingisa kwo bhotiini.

Amaköri gha Bhatomu 16:25

Hano ehikiri obhotiko bho ghate, Bhawuro na Siira bhaakabha bhararisabha Eryobha na koryembera emyembo ghe koreghongi. Abhabhöhu bhaghëndi bhaabho, mbaare bharatëghëërëra.

Amaköri gha Bhatomu 16:19

Niho abhaame bha muukë uyo, hano bharooche kubha eriitëngʼërö reebho re kubhöna chambiiri reghasira, bhakabhaghööta Bhawuro na Siira, bhakabhangʼuura mbagha mwibharacha ambërë e bhakoro bha moghya, bhakabhasëma mo‑bhateni bha kiina.

Amaköri gha Bhatomu 15:40

Bhawuro nawe akamwimoki Siira. Hano Abhakirisito bhaghëndi bhaabho bhamariri kobhatoora mo‑mabhökö gha Mutëmi, bhaghatanura.

Amaköri gha Bhatomu 15:27

“Abhaato bhano totomiri ghokoonyu, n‑Yuuta na Siira. Ibho nibho bhakobhabhoorera amangʼana ghano tobhaandëkiire.

1 Yohana 1:3

Ntokobharaghaneri angʼana ighoro e Yesu, uno ꞉toomorooche na komooghu, kubha mubhe no bhumu na niitu mo‑bhokumi. Obhumu bhuno tughöötë n‑haghirohamu na Taata Waryobha, no Omoona waache Yesu Kirisito.

Amaköri gha Bhatomu 15:22

Niho abhatomu bha Yesu na abhagharuka bhayo bha riikanisa, haghirohamu na Abhakirisito abhande bha hayo Yerusareemu, bhaghiishererani haghirohamu kubha, bhaahure ghate yaabho abhaato bhano bhaaghuye haghirohamu na Bhawuro na Bharinaabha mo‑moghya o Antiyokiya. Mbe, bhakaahura abhakangati bhabhere, umu Yuuta (uno akobherekeru Bharisaabha), na owonde Siira.