1 Abhakorinto 9:21 - Eriiraghano Eriihë

²¹ Kwo bhano bhataanyi ne emeghiro ghe Musa, neere kinya omooto uno taanyi ne emeghiro ghiyo, kubha nebhatoori bhamokumi Kirisito. Iyo taanyi kubha nteenyi ne emeghiro ambërë e Ryobha, amare neenyi naghyo gho kubha neghukangatu ne emeghiro ghe Kirisito.

1 Abhakorinto 9:21 Referans Kwoze

Abharuumi 2:12

Abhaato bha matöngö bhano ꞉bhaaköriri amasari mbaghosireekereru, koru nangabha bhataare bheeche emeghiro ghe Musa. Abhayahuuti bhano ꞉bhaaköriri amasari ino bheeche emeghiro ghiyo, ibho mbaghoteneru ekiina kurëngʼaana ne emeghiro ghiyo.

Abhagharatiya 3:2

Nekwënda kwegha angʼana imu koru ghokoonyu. Kana, mosongʼaaniri Akörö Ahörëëru gho ghughööta emeghiro, ghasi gho ghokumi ghaare mooghwire ighoro e Yesu?

Abharuumi 2:14

Abhaato bha matöngö, ibho bhateeche emeghiro ghiyo. Koru hangʼu, bharaköra amachömu kurëngʼaana na amiihëëbhö ghaabho, na amangʼana ghayo n‑kinya bhuno ghekwërëkërëri emeghiro ghe Musa, hayo nekwërëki kubha mbeeche ghuköra ghano ghakwëndëru.

Abharuumi 8:4

Eryobha ꞉ndiiköriri hangʼu, kubha amangʼana ghoose gha bhuhëënë ghano ghakwëndëru mo‑meghiro ghahikeeranu na Yesu gho ghiri yiito. Itu ntoghukangatu na Akörö Ahörëëru, na totaaghukangatu wiiki na simoka yiito e masari.

Abharuumi 7:25

Nekoriitabheri Eryobha, gho kubha iryo niryo rentooriri, kohetera Yesu Kirisito, Omutëmi wiito. Gho ghayo, eni omwene, nekuhökëri emeghiro ghe Ryobha kwo miihëëbhö ghaane, amare gho simoka yaane e masari, nekuhökëri emeghiro ghe masari.

Abharuumi 7:22

Emeghiro ghe Ryobha, neghesiighiri kwo motema waane woose.

Amaköri gha Bhatomu 21:25

Kwo ribhaara re bhaato bha matöngö bhano bhamokumiri Yesu, ntobhaandëkiire kinya bhuure tooteniri ekiina kubha, bhatarë ebhiinyakurë bhino bhiköruru kubha bheghonchu gho kuhëërana chasanaamu, na bhatarë amasaahë, koru chaanyama che chatyenyi chino chinyëëturu, na bhataköra obhutaari.”

Amaköri gha Bhatomu 16:4

Akamara Bhawuro na abhaghëndi bhaache bhaaghaye kohetera mo‑meghya ghe iyo, bhaakabha bharamënyi Abhakirisito amaraghereri ghano ghatooruru na abhatomu bha Yesu na abhagharuka bha riikanisa re Yerusareemu, kubha Abhakirisito bha iyo bhoose bhaghaghöötë.

Abheebhuraaniya 8:10

Eriiraghano Eriihë rino nekoretoora na Abhiisiraeri mo‑chaasiko chino chekuucha niryo rino. Neghotoora emeghiro gheene mo‑bhongo bhoobho, na neghoghyandëka mo‑metema gheebho. Eni neekubha Eryobha reebho nabho mbaakubha abhaato bhaane.

Amaköri gha Bhatomu 15:28

Mbe, Akörö Ahörëëru na niitu ntorooche kubha, totabhaghëghi emerigho eghende, ghabhe n‑amangʼana ghano agheene.

Abhagharatiya 6:2

Mubhe moratoorani gho ghusakerani obhorito bho merigho gheenyu. Niho mokohikeerani emeghiro ghe Kirisito.