1 Abhakorinto 9:17 - Eriiraghano Eriihë

¹⁷ Aribha nengabheere neraköra emeremo ghino kwo miigha ghaane eni omwene, nengiitëngʼiire kubhöna atuho. Amare taanyi hangʼu ghokoone, gho kubha Eryobha ndeheere emeremo ghino kwo mënda ghaache, kubha neghikörë.

1 Abhakorinto 9:17 Referans Kwoze

Abhagharatiya 2:7

Amare mbamënyiri kubha Eryobha ndeere rentomiri kuraghani Angʼana Anchömu mo‑bhaato bha matöngö, kinya bhuure Bheetero are atomuru kuraghani mo‑Bhayahuuti.

1 Abhakorinto 3:8

Uno akwemi na uno akohomeerera bhoose mbarëngʼiine, Eryobha ndekomuha omooto woose atuho yaache, kurëngʼaana na kinya bhuno aköriri emeremo gheeche.

Abhakorosaayi 1:25

Eryobha ndentooriri eni kubha omutamishi o riikanisa riyo, kubha nebharëëtërë angʼana yaache kebhuno enyi.

1 Abhakorinto 4:1

Abhaato bhatubhare kubha itu n‑abhatamishi bha Kirisito toonyi, ntuhaabhuru emeremo ghe kuraghani angʼana e Ryobha ino ere ebhisuru.

Mataayo 10:41

Wowoose uno akomughënëhi omurööti gho kubha m‑murööti, Eryobha ndekomuha atuho enga e murööti. Wiiki, wowoose uno akomughënëhi omooto omuhëënë ambërë e Ryobha gho kubha m‑muhëënë, mahëënë Eryobha ndekomoreha atuho yaache.

1 Abhatesaronike 2:4

Amare ntokuraghani gho kubha Eryobha ndetorooche kubha nturëngʼaaniire, reghatuha omoremo o kuraghani Angʼana Anchömu. Totaaghwitëngʼëra ghuchömëri abhaato, amare ntokwënda korichömëri Eryobha, rino rekorighi ghoose ghano ghaanyi moose e metema ghiito.

1 Abhakorinto 3:14

Erabha emeremo ghe mooto gherasaagha, omooto uyo naghosongʼaana atuho.

Bhiremooni 1:14

Amare ibheere nerooche teenyi bhoheene ghuköra ghyokyose ntaamara mböna amitëghëërërö ghaacho. Nteekwënda ghokuhatëka kubha ontoori, amare obhuhöriicho bhoocho obhukörë gho kwënda koocho iye mwene.

2 Abhakorinto 8:12

Aribha omooto naanyi na akörö e ghusakeri, Eryobha ndeghosongʼaana kino akoruusi, kurëngʼaana na kino anyi nakyo, taanyi kurëngʼaana na kino otaghöötë.

1 Abhakorinto 9:16

Eni nteekurëngʼaanera kwihacha gho ghiri e kuraghani Angʼana Anchömu, gho kubha emeremo ghiyo nighyo niragheriiru ghuköra. Wiiki horeera nekorighi eni aribha neraanga kuraghani Angʼana iyo Anchömu.

Ruuka 12:42

Omutëmi akamugharokeri akabhugha, “Mbe, n‑niwe omusësë omuhëënë wiiki uno anyi na amangʼiini? N‑omusësë uno omutëmi waache akomotoora kubha omwimeerereri o bhatamishi abhande mo‑ka yaache, kubha abhe arabhaha ebhiinyakurë kwo riibhagha rino rirëngʼaaniire.

Mataayo 24:25

Mubhe amiisho gho kubha ˆnekabhabhoorera ghayo ghakeere korwera.

Yohana 4:36

Omughësi nakubhöna amareho ghaache, na ghokoma omunöghö gho ghiri e bhuhöru bho miishe ghyose. Mbe, omobhusuri no omughësi bhoose mbaghuchömëru haghirohamu.

1 Abhakorinto 9:18

Ibheere atuho yaane n‑ghento ke? Atuho yaane n‑kuraghani Angʼana Anchömu taanyi korehu, taanyi ghusabha ghano nirëngʼaaniire kuhaabhu gho ghiri e kuraghani angʼana iyo.